Актуально Региональный этап Всероссийской олимпиады по истории российского предпринимательства прошел в КЧР на базе КЧГУ Актуально Глава КЧР Рашид Темрезов в Приэльбрусье встретился с активистами Общероссийского движения детей и молодежи «Движение Первых» Актуально Глава КЧР Рашид Темрезов в Тырныаузе КБР принял участие в открытии Дворца культуры им. Кайсына Кулиева Актуально Четверть сотрудников компаний КЧР по неосторожности «сливают» рабочие логины и пароли интернет-мошенникам Актуально Представителей IT-индустрии КЧР пригласили на бесплатный вебинар по акселерационной программе от Минцифры России

ТекIуэныгъэм нэгъуэщI гуфIэгъуэри щIыгъуу

30.06.2015 974
ТекIуэныгъэм нэгъуэщI гуфIэгъуэри щIыгъуу
гедуев 2Спортым пыщIахэр, абы дихьэххэр зэрыщыгъуазэщи, мэкъуауэгъуэм (июным) и 12-28 махуэхэм Азербайджан къэралым, тхыдэм щыяпэрейуэ, Европей спорт джэгухэр щокIуэкI. Зэуэ жытIэнщи, нобэкIэ Урысейм и командэ къыхэхам медал бжыгъэ къилъэщамкIэ япэ увыпIэр иIыгъщ… Мыбдеж Европэм и къэрал 50-м щIигъум къабгъэдэкIа спортсмен мини 6-рэ 200-рэ спорт лIэужьыгъуэ 20-кIэ щызэпеуэнущ, медаль комплект 253-рэ къэлъэщыным щIэбэнынущ. ЖыIэпхъэщи, спорт лIэужьыгъуэ 11-м зыкъыщызыгъэлъэгъуэну спортсменхэр нэгъуэщIу щIэбэнынущ 2016 гъэм екIуэкIыну гъэмахуэ Олимп Джэгухэм хэтыну лъэкIыныгъэр къэлъэщыным…  Адыгэ лъэпкъыр дызыщыгуфIыкIын хъыбарыфI Европей джэгухэм къикIыу мэкъуауэгъуэм (июным) и 17-м интернет Iэмалхэм къралъхьащ. АтIэ, Баку къалэм щекIуэкI спорт зэхьэзэхуэ иным текIуэныгъэ инкIэ, дыщэ медалкIэ къыхэжаныкIащ адыгэр зэрыгушхуэ спортсмен, Къэбэрдей-Балъкъэрым щыщ бэнакIуэ лъэрыхь Джэдухэ Аниуар. БэнакIуэм зыкъыщигъэлъэгъуащ зи хьэлъагъыр килограмм 74-рэ хъу гупым яхэту икIи финал зэпэщIэтыныгъэм адыгэ щIалэм къыхуэза тырку бэнакIуэм — Сонер Демитрас, къабзэу текIуэныгъэр къыфIихьри, зэпеуэм бжьыпэр щиубыдащ. Финал зэпэщIэтыныгъэм иужь, Аниуар журналистхэм зэпсэлъэныгъэ кIэщI драгъэкIуэкIащ. — Хуабжьу си гуапэщ икIи сыщогуфIыкIыпэ ди командэм и копилкэр дыщэ медалкIэ зэрыхэзгъэхъуам папщIэ. КъыддэщIыну къэкIуахэр къызэрытщыгугъауэ сыкъыщIэкIауэ аращ. Мы Европей джэгухэм ипэ къихуэу хуабжьу хьэлъэу, тегъэчынауэ мыхьэнэшхуэ зиIэ спорт зэхьэзэхуэм зыхуэдгъэхьэзыращ. Гъэсэныгъэ зэхуэсищым дыщыIащ, мазитIым зэрынэхьэскIэ ди унэ декIуэлIакъым. Апхуэдиз гуащIэр, пщIэнтIэпсыр псыхэкIуадэ сщIакъым. — ТIэунейрэ Европэм и щыгум уиуващ. Европей джэгухэмрэ чемионатымрэ сыткIэ зэщхьэщыкIрэ?    — Европей Джэгухэр — Европэм и чемпионатым хуэдэщ, и къызэгъэпэщыкIэр нэгъуэщIщ мыхъумэ. ПсалъэкIэ къысхуэIуэтэнукъым мы джэгухэр фIагъ лъагэ иIэу къызэгъэпэща зэрыхъуар. Азербайджан къэралыр хьэщIэкIэ фIыщ, икIи а хьэлыр иджыри зэ ягъэщыпкъэжащ. — ЗэпэщIэтыныгъэу ебгъэкIуэкIахэм дриплъэжмэ, зыми зы балл ептакъым. Ар дауэ пхузэфIэкIа?   — Абы и щэхур фIагъ лъагэ иIэу спорт зэхьэзэхуэм дызэрыхуагъэхьэзыраращ. Гуэныхьщ апхуэдиз гугъапIэ къыпхузиIэр, гуащIэ къыпкIэрызылъхьар умыгъэщыпкъэжыныр. — Джэгухэм укъыщыкIуа махуэм щIалэ къыпхуэхъуауэ хъыбар къатащ. Абы нэхъри уигъэгушхуагъэнщ…  — Пэжщ. А хъыбарыр къысIэрыхьащ мыбы дыкъэсауэ. АтIэ, сыщыгуфIыкIащ. Уеблэмэ нэхъ щIэх ди унэм сыкIуэжынуи сыхуейщ. Ауэ убэнэну утыкум ущихьэм деж абыхэм уегупсыскъым. Арами, сызыщIэгупсыс Iуэхугъуэ хьэлъэу ари сщхьэщыкIри, дауи, нэхъри сыгушхуащ. АтIэ, сытым ебгъэпщэфын сабий дунейм къызэрытехъуэм цIыхум хуиIэ щытыкIэр?!
974 просмотров


Комментарии

Написать
Комментарии >



Подписывайтесь на RIAKCHR в Одноклассниках Получайте свежие статьи и новые публикации на свой мобильный
Вступайте в сообщество RIAKCHR в “ВКонтакте” Получайте свежие статьи и новые публикации на свой мобильный
Вступайте в сообщество RIAKCHR в “Telegram” Получайте свежие статьи и новые публикации на свой мобильный