Теберди заповедник кавказ тауланы шимал джанында орналгъанды. Ол Къарачай-Черкес Республиканы эм ариу джерлерини бириди.
Шимал-кюн батхан Кавказны сейирлик экосистемаларын эмда биология джаны бла бурундан келген энчилигин сакълагъаны ючюн, анга 1994-чю джыл Европаны Советини I-чи дараджалы диплому берилгенди. Хар 5 джылдан, джюрюген джорукъгъа кёре, дипломну магъанасы созулуб барады.
Ма ол иннет бла быйыл октябрны 16-дан 20-на дери Теберди заповедникни болумуна къараргъа Европаны Советини экология бла экономикадан эксперти Эрве Литье келгенди. Беш кюнню ичинде ол заповедникни Тебердиде, Архызда бёлюмлерине къарагъанды. Эксперт Теберди заповедникни башчылары эмда КъЧР-ни Правительствосуну Председатели Аслан Озов бла да тюбешгенди.
Эрве Литье заповедникни ишине уллу багъа бергенди – не джаны бла да болум игиден игиге баргъанын чертгенди.
Комментарии