31 июльден алып 3августка дейим Домбай поселогында автор йырынынъ «Тав ушлары» деп аталган йырма алтыншы Савлайроссиялык фестивали озды. Фестивальде 50-ден артык аьдем катнасты. 1 августта фестивальдинъ торжестволы ашылувы болды. Йыйылганларды КЧР культура министрининъ биринши орынбасары Темирлан Алиев эм Халк маданиятынынъ республикалык орталыгынынъ директорынынъ орынбасары Лариса Бессарабова йылы саламладылар. Адыгея Республикасынынъ культура министрининъ биринши орынбасары Нафиса Васильева фестивальдинъ конагы болды. Айтып озбага керек, йылдан-йылга фестивальдинъ катнасувшыларынынъ географиясы кенъее береди. Бу йыл Домбайга сосы амалламада катнаспага деп Израильден, Украинадан, Архангельсктен, Новосибирсктен, Москвадан, Крым Республикасыннан, Керуьв-Кавказ эм Кубыла регионларыннан йыршылар келген эдилер. Бу йыл авторлар-йыршылар «Аьскершилик-патриотлык йырды энъ ийги йырлав», «Энъ ийги автор йыры» деген номинацияларда катнастылар. Конкурстынъ тамамлары экинши куьн белгиленди. Сол ок куьн енъуьвшилерди савгалав да озды. «Аьскершилик-патриотлык йырды энъ ийги йырлав» номинациясында Владимир Хрущ (Крым Республикасы) биринши, Анжела Ободзинская (Москва) эм Максим Коробешкин (Новосибирск), тетесинше, экинши эм уьшинши орынларды алдылар. «Энъ ийги автор йыры» номинацияда Илья Оленев (Ростов области) биринши болды, Владимир Антропов (Ростов области) экинши эм Владимир Ульянич (Новороссийск) уьшинши орынларга шыктылар. Фестивальдинъ ызында онынъ баьри йыршыларынынъ катнасувы ман гала-концерт озды. Источник: riakchr.ru Предыдущая новость 817 просмотров Следующая новость Читайте также АЙТУВЛЫ ЯРЫКЛАНДЫРУВШЫДЫНЪ СЫЙЫНА 04.03.2021 110 ЯРЫКЛАНДЫРУВШЫДЫНЪ ЭСТЕЛИГИНЕ БАГЫСЛАНДЫ 05.02.2021 142 Получайте свежие новости на электронную почту Подписаться Комментарии Написать
Комментарии