СУВ БУЛАК ЯРАСТЫРЫ

Карашай районында, КЧР Басшысы Рашид Темрезовтынъ тапшырувы ман келисте, «Кобан-Индиш» автойолынынъ уьшинши шакырымында ерлескен минерал сув булагынынъ майданын ярастырув бойынша куллыклар басланганлар. Соьлеге дейим майдан тазаланган эм кенъейтилген. Коьрсетилген булак регионнынъ яшавшыларына яхшы белгили. Ама йыл сайын да сув коьтерилуьв шагында булактынъ тоьгереги сазлыкка айланады эм бармага кыйын болган. Сондай коьринисти болдырмав уьшин ер тоьсенмесининъ энъкевликлерин беркитуьв бойынша куллыклар бардырыладылар. Майданда кишкей какыралар ярастырылаяклар, автокоьлик уьшин айырым орын эм волейбол майданы курылаяклар. Оннан баска болып, КЧР Басшысы Рашид Темрезовтынъ тапшырувы ман келисте, Кобан эм Худес сувлары косылатаган ерде Къарчи тас ерлескен майданды ярастырув бойынша куллыклар толтырылаяклар.