СКФО В республиках СКФО на 61% вырос спрос на образование с господдержкой СКФО В Ставрополе состоится общегородская зарядка   СКФО Дагестан создаст аналог зарубежных курортов Актуально Почему подростки становятся трудными и как находить с ними общий язык  Актуально Заседание межведомственной рабочей группы по клиентоцентричности прошло в Карачаево-Черкесии

СПОРТКОМПЛЕКС ШIЫЦ ГIАХЪЫРТIУАШТI

26.07.2019 317
СПОРТКОМПЛЕКС ШIЫЦ ГIАХЪЫРТIУАШТI
ЙцIыхъвахауа асквшква Къарча-Черкес апны аспорт йазынарху уыхвара щарда абзазара йаларжьтI, акытквали агородквали ауат зымгIва шалу 60 йайхIапI. Аспорт комплексква, абассейнква, афутболасыртаква ашIаквагьи рыцIа йахIбугьи йгIадрысабапитI. ХIызту асквш агIан Устьджьгваты город апынгьи уыжвгIанчIви физкультура-згIвадара рыбагъьара комплекс гIахъыртIуаштI. КЧР а-Хъада ТЕМРЕЗОВ Рашид ауаъа анхараква шакIвшауа йхъатала йырхъвыхтI. Аспорт комплекс квпшыра щарда йрыквыргIапсу зал алачпазлуштI, волейбол, баскетбол, мини-футбол йгьи гандбол тшъарзырбжьуш аъазлуштI, абакIыгIвчва рыхъазла йазалху азал йгIвбахауа этаж апны йаныргIалызлуштI. Ари аспорт комплекс атшыбжьараква йырхъазымкIва, ареспублика анкъвакъвраква ракIвыршарагьи йаквыргIапспI. Аспорт комплекс апны ауыхвара нхараква рцIыхъва йнардзахрала йчпаз ахъвдаквцIараква ракIвымкIвагьи, Темрезов Рашид йхъарамкIва йгылу й-3-хауа аквтанай апхьарта апшцIа йахьпшырныс, агород абзазагIвчва рыхъазла тшпсщарта йгьи саби хъвмарырта андыргIалырныс ажванахъа гIайгтI. Абашта айсра Ду агIан совет айсыгIвчва йгIатыргаз АйгIайра асквш 75 йадамыгъата ари аспорт комплекс «Победа» ахьырцIуштI. Ауи апш хьыз тлапIа зму аспорт уыхвара апны афырква рхъмаштылра йшазцIабыргу йагIарбагата аспортсмен шIаква гIатгара щарда йырзынадзушта хIайгвгъапI. Абюджет апны йгIарбам ахчаквала ари адзын Зеленчук станица йгьи Учкъвлан кыт рпны аспорт комплексква руыхвара йалагуштI.
317 просмотров


Комментарии

Написать
Комментарии >



Подписывайтесь на RIAKCHR в Одноклассниках Получайте свежие статьи и новые публикации на свой мобильный
Вступайте в сообщество RIAKCHR в “ВКонтакте” Получайте свежие статьи и новые публикации на свой мобильный
Вступайте в сообщество RIAKCHR в “Telegram” Получайте свежие статьи и новые публикации на свой мобильный