КъЧР-де ГТО-ну мардаларын толтуруу бла байламлы экикюнлюк уллу семинар-кенгеш ётгенди.
Аны ишине Шимал Кавказ федерал округну субъектлеринден тест бардыргъан аралыкъланы башчылары бла операторлары къошулгъандыла.
- Бу тукъум семинар бизни республикада экинчи кере бардырылады. Биз быллай бир ышанмакълыкъ танытханлары ючюн, бу ишни къурагъанланы барына да разылыгъыбызны билдиребиз. Этилген джумуш эсленмей къалмагъанына шагъатлыкъды бу ышанмакълыкъ. Бюгюн да кёб магъаналы затны юсюнден сёз барлыгъына ишек джокъду, - дегенди джыйылгъанланы алларында сёлеше КъЧР-ни физкультура бла спорт министрини биринчи заместители Ахмед Тхагапсов.
Кенгешде ГТО-ну толтурууну эсеблеринден чыгъаргъан бла бирге, аны бла байламлы баджарыллыкъ ишлени юслеринден да айтылгъанды. Бютюн да аслам эс протоколла бла ишлеуге бёлюннгенди. Аны бла бирге электрон базала бла байламлы ишлеге да къаралгъанды.
Семинаргъа келгенле ишни таб къуралгъанын чертгендиле, быллай кенгешни юслери бла алыннган сынам хайыр келтирлигине ажымсыз болгъанларын билдиргендиле.
Комментарии