Ноябрь а 27 КЧР а-Правительства Тдзы апны саби щардагIв зму атгIачваква «Материнская слава» ЧIахIра гвплацIа рквнаргара йазынархата айззара акIвшатI. Ауи йалан КЧР а-Хъада ТЕМРЕЗОВ Рашид, КЧР АуагIа Айззара (а-Парламент) а-Председатель ИВАНОВ Александр, КЧР-ла афедеральна инспектор ДРАЛЬЩИКОВ Игорь, анчва. Темрезов Рашид хIреспублика йбзазауа апхIвысква ан лы Мш агвыргъьахъвла драйхIвахIвтI. – ДзачIвызлакIгьи йыхъазла ан лацкIыс аргваны дгьаъам. Швара швсабиква швыгIзитI, мгIва тамам йхвыншвыргылитI, пшдзарата йаъу ауат йырзынашвырхитI. ШвгIариква гвыбзыгъата, ръадаб пшдзата, ртгIачва, рхагIагв йрызцIабыргта йшгIадзынгылуаш йазхъасцIитI. ХIара апхъахьылагьи асабигIзартаква, апхьартаква, аспорт объектква йрылахIырхIуштI. Шваргьи швсабиквагьи згIвадара багъьа швымата, йанакIвызлакIгьи швнашх лашарата швбзазарныс швзыстахъпI,–йхIватI Темрезов Рашид. Иванов Александр ахIба хвы йзыбара КЧР а-Конституция йщаквнаргылуа ахабза пшдзаква йшрыуу гIаликIгIатI. – ХIанчва хвы рыквхIцIауата хIбзазарныс дзачIвызлакIгьи йхIборчпI. Анчва зымгIвагьи згIвадара багъьа, мамыр швзыстахъпI,–йхIватI Иванов Александр. Темрезов Рашид анчва 35-гIв «Материнская слава» гвплацIаква йгьи сабипхьадза йыхъазла сом хынзыкьи ахIврапшдзакви риттI. Ари ачIахIра хьзы йанкъвгагIвхаз йрыуапI хвгIвысабичва зму ДАХIЧЫКЪВА Гульнара Али йпхIа (Къвайдан), КIЬЫЧА Марйат Алик йпхIа (Красна Восток), цгIвысабичва ран ХЪАГIВА Марина Назымби йпхIа (Черкесск) датшагьи. ЙцIыхъвахауа азаман хIреспублика, хIкъраль рунашвачпагIвчва саби щарда зму атгIачваква социальна цхърагIара драдзарала йгIадрысабапуа амальква сабапра шгIаргуа гIалуымкIгIушта йгьаъам. Источник: riakchr.ru Предыдущая новость 1177 просмотров Следующая новость Читайте также «ХIАБАШТА ХIХЪА АЛАДУПI!» 28.01.2019 362 АСПОРТ ЙАКВГIАЗШIИТИТI 16.08.2019 254 Получайте свежие новости на электронную почту Подписаться Комментарии Написать
Комментарии