АйгІайра а-Мш гІаргванхапхьадзагьи Абашта айсра Ду йалаз саба
дгІасымгвалашвауата йыгьцум.
ХІаба НАКІВАХВ МахІмуд Дауыт йпа асквш
1910 агІан АлбыргІан кыт
апны дйытІ. Ауи йылахь
дъагаз Апсны, Новый Афон
дбзазауата Абашта айсра Ду гІалагатІ йгьи зымгІва рапхъа афронт йпшцІалыз дрылан. Асквшква 1941–1942 руацІа
й-222-хауа авиация-истребительна полк, асквшква 1942–1945 рагІан артиллерия-минометна полк
дрылата айсра ацІыхъвадза дайсытІ, ауи ахьантара шабгаз йыла йыцІстІ,
алгъачІ дгІалстІ, хІ-Абашта агІархвитхра дазгылата АйгІайра йхатІ алайцІатІ. Айсра аналгагьи ласы дгьгІахънымхІвыхтІ.
Совет Союз йгьи Иран
йрызбжьаз акъральгІвына мажа арыбагъьара
ахъазла йазалхыз архъвква дрылата сквшыкI
йкъвырльыкъвхара борч
йырхъйатІ.
Ауи амщтахь Грозна
область агІащаквыргылхра ахъазла йырщтиуаз
ахъачва дрылашватІ, айхамгІва апны стрелочникта дынхатІ. АгІариква
ахІбачва ахыгІвгьи ауаъа
хІйытІ. Асквш 1953 агІан
акІвпІ тгІачвала КъарчаЧеркес хІангІайх, ЭркеншахІар кыт хІбзазатІ, хІабагьи УраковскІ станция
апны йъачІвагІала пенсия дцанадзыкІьара дынхатІ. Ауаса ауи йанакІвызлакІгьи йъахІыльчви йцрикви драргванызлара
йтахъын. Ауи айсра йарчвзабаз йахщчва абацынхъвыта дырзалтІ. ХІаба йгІариква хІхъахв
гІдыруа, ацІабырг хІачІвыта, гІвычІвгІвысагІара хІылата хІбзазарныс хІазибжьун, йалкІгІата, хІапхьара гватра ду азалихуан. «Швапхьа, дырра зму
агІвычІвгІвыс йанакІвызлакІгьи йыхв дупІ», – гІахІайхІвлун. Ауи йуасйатква зымгІва хІырхъйатІ.
Сара сарыпхьагІвхатІ, Пятигорск хвгІахвтра техникум йгІалгаз Мильа
йгьи Софйа хІшІыпІа аэкономика атшауацІыхра
ръачІвагІадырра аларцІауа йынхатІ. ХІасамбакь автодорожна техникум дапхьатІ. хІащайцІба МухІамад «КъарчаЧеркес» ГТРК дынхауата
йбергьльу журналистта
йыхьыз йыргатІ. ХІара
зуыс бзиквала швапхата
йхІзалуаз хІаба хІхъа йыладууын . Ауи асквш 1987
агІан адуней анихІваджь
лдзгІара дута йхІзалтІ.
Май а 9 схъатала
змагІны дудздзу гвыргъьахъв мшыта йспхьадзитІ. Йауа ухІварыквын,
АйгІайра ахъазла мильуанпхьадзарала ауагІа
рхъа щтІарцІатІ. АйгІайра гІатызгаз, хІкъраль
ахъахвитра гІазхчаз сабагьи дрылан. Ауи «За
победу над Германией»,
«20 лет Победы в ВОВ»,
«25 лет Победы в ВОВ»,
«60 лет Вооруженных сил
СССР»медальква гІайквнадыргатІ. УахьчІва йхІылу Абашта айсра Ду аветеранква АйгIайра а-Мшла
срайхІвахІвуата гвнагьра рзыстахъпІ. Айсра йаладзыз, йгІахъынхІвыхта адуней зхІваджьхыз
нышвта йрыкву Анчва
бамбита йырзичпаргІатІ.
Ауат рбзирала уахьчІва
хІбзазитІ йгьи адуней лашара хІайгвыргъьитІ.
Получайте свежие новости на электронную почту
Комментарии