Къарачай-Черкесияны Романтик посёлогунда «Энергоснабжение. Критерии надёжного развития юга России» деген ат бла биринчи Бютеуроссия конференция ётгенди.
Аны РФ-ны Федерациясыны Совети, РФ-ны Кърал Думасы эмда КъЧР-ни Правительствосу къурагъандыла.
Конференцияда Къарачай-Черкесияда энергия бла баджарыу къалай болгъанына айырылыб уллу эс бёлюннгенди. Аны ишине къошулгъанла чертгеннге кёре, регионда энергетика комплексни ёсюмю эсленеди: джангы предприятиелени ачыуну эмда ишлеб тургъанланы кенгертиуню юслери бла джангы кючле сингдириледиле, электроэнергияны кёб къоратадыла. Быллай болум энергияны хайырлылыгъын ёсдюрюуню, аны аяулу этиуню джорукъларын сингдириуню эмда энергия бла ишлеген объектлени реконструкция этиуню излейди.
Электроэнергияны аяулу хайырландырыр ючюн, эсебге тюшмегенлей, энергияны джашыртын хайырландырыб тургъанланы айгъакъларгъа кереклиси да чертилгенди конференцияда.
Конференцияны ишине Шимал Кавказ МРСК-ны «Карачаево-Черкесск- энерго» филиалыны директору Владимир Халюзин да къошулгъанды.
Комментарии