Августну 8-де «Джашил айрымкан» деген солуу эмда джарыкълыкъ паркда ётген «CheRocky» рок-фестивалны кёзюуюнде сахнагъа чыкъгъан артистле джыйылгъанланы наркотиклеге бой бермезге чакъыра эдиле. Фестивалны Черкесскени мэриясыны болушлугъу бла «Рок-общество КЧР» деген джамагъат организация бла «ProgressiVe» рок-группа бардырдыла. Аны кёзюуюнде «AcRose», «ProgressiVe», «Panic Fear», «Регион 9», «Defiance Of Decease», «Расса Лила», «Кабирия» группала бла москвачы «Fакты» эмда ставрополчу «Твёрдый знак», панк-рок, психоделик фанк блюз-рок, грув-металл, блюз-рок, хард-рок, мелодик-рок, дум-дэт металл дегенча макъамланы согъуб, джыйылгъанлагъа аламат кёз ачыу программа салдыла. Ала 6 сагъат чакълы бирни джырлары бла бирге сахнадан джаш тёлюню саулукълу джашаугъа чакъырыб турдула. «Рок против наркотиков» деген чакъырыу бла ётген фестивалны джаш тёлю да джаратханнга ушай эди.
Комментарии