СКФО В Северной Осетии в 2024 году появятся прямые авиарейсы в Нижний Новгород СКФО Сельхозкооперативы в КБР набирают популярность Актуально Региональный этап Всероссийской олимпиады по истории российского предпринимательства прошел в КЧР на базе КЧГУ Актуально Глава КЧР Рашид Темрезов в Приэльбрусье встретился с активистами Общероссийского движения детей и молодежи «Движение Первых» Актуально Глава КЧР Рашид Темрезов в Тырныаузе КБР принял участие в открытии Дворца культуры им. Кайсына Кулиева

РХАЧIВЫ АБГАТА ЙДЫРХЪЙАТI

16.08.2019 255
РХАЧIВЫ АБГАТА  ЙДЫРХЪЙАТI
Йшбергьльу апшта, асуд приставква рхачIвква йрыуапI асуд алачIвараква рагIан ашварагIварадара адгалра. Ауат ахачIвква шдырхъйауа йырзынарху, датшагьи азцIгIараква джьауап гIарититI асуд приставква р-Федеральна къвырльыкъвхарта КЧР-ла а-Унашвачпарта ахъада йзаместитель КIЬЫЩМАХВА Азамат Юрий йпа. – ХIызту асквш йагIвсыз амызквала ауи анархарала швынхара агIарбараква шпаъу? – ЙгIалскIгIара стахъыпI сынчIва асквшбжала асудква ралачIвараква тынчта йакIвшара ахъазла хI-УнашвахъцIарта йахъвдакву ахачIвы абгата йшархъйаз – гвжважвагIва аъащакIгьи гьгIанымшатI, асуд алачIвара йалаз заджвгьи йызгIвадара зарар гьамадзатI. Асуд алачIвараква рагIан асудьяква, ауи йалу ршварагIварадара адгалрала йгIахIадзаз атшазынархараква зымгIвала хIхъвдаквцIараква абгата йхIырхъйатI. – Асуд приставква асуд йгIазшIыртта йгIамиуа мчыла йгIадыргалырныс рыхъвдаквпI. Ауи ауысла швшпанха? – СынчIва асквшбжала асуд приставква административна уысквала асуд мчыла йдырцара атахъыз 560-гIв йрыуата йдмырцауата йгIанхаз жвгIвы ракIвпI. Ауголовна уысквала йдырцара атахъыз 857-гIв йрыуата 781-джвы асуд алачIвара йадыргалтI. Ауи акIвымкIвагьи асуд приставква 16-гIв ргIакIра йацхърагIатI, ауат ащтанкъвцара органква йгьи асуд тшырчвыкъарчIвахуан. – Асуд приставква ахабзамыгIвхъгараква гIашIаркIуата щардала йгIаншума? – ЙгIахIырбауа атлахан ауацIала административна хабзамыгIвхъгарата 300 гIашIаркIытI. Ауат асудква рынхарала йщаквгылу ахабза рхъйарала асуд йа асуд пристав йнарахвыз ащаквыргылраква мырхъйара, архъйара швъа йану найырдзарныс зхъвдакву аорган аъанатIанкъвгагIв йпшIагылра датшагьи йырзынархапI. – Асквш ахъа угIалагата гIвыма къральгIвта Къарча-Черкес зъарагIв тырщтйа? – СынчIва ацмызкIла хI-Унашвачпарта оперативна чIапщарала йазалху ахъвшара акъвырльыкъвхагIвчва гIвымакъральгIвчвата 27-гIв хIкъраль йтырщтра ахъазла Россия а-КъральыгIва мажадза йдырцатI. АгIвыма къральгIвчва Россия йтыщтра йашвхIаусыгIвахаз административна хабзамыгIвхъгараквала РФ а-Хабза й-18.8-хауа астатья й-1- хауа ахъвы ъамыгIвхъыргаз акIвпI (РФ йангIаталуаз йа ауи ашта апны йанбзазуз агIвымакъральгIвчва рыхъазла йщаквгылу ахабза гьдмырхъйатI). АгIвымакъральгIвчва ртыщтрала асуд ащаквыргылраква апIатла йахънамхIвауата, ахабза апкъ йтата йырхъйахатI. Ауи ауыс йапщылата гвжважвагIва аъащакIгьи гьгIанымшатI. – Асуд алачIвара йалазлуш шпагIарпшыхвуа? – Асуд атдзы ауацIа, алачIвара агIан ашварагIварадара адыргалра ахъазла асуд приставква анашылырта апны зымгIвагьи йырнапIыцIакIу дырхъвыхитI. Ауыла узырхвитуа хабза щаквгылапI, асуд пристав архъвыхра шакIвйыршуш йара йщаквйыргылитI. Аметаллодетектор абжьы гIагазтын, акъральгIв йымазларныс дызхвитым йнапIыцIакIызшва йгвы гIвазтын – аратква йырпщылапI архъвыхра шакIвйыршуш. АгIвычIвгIвыс йынкъвигарныс дахвитта йшварагIвару апкъыгIваква йымата атдзы дгьнаржьылуам. СынчIва асквшбжала асуд приставква асуд атдзы йнаддмыргылуа пкъыгIва змаз 1138-гIв гIашIаркIытI. – Асуд приставква шпатшырзынауырхуш? – ХIреспублика абзазагIвчва ргватра азынасырхара стахъыпI сынчIва йгІвбахауа асквш ауацІала хІ-Унашвачпарта, агород йгьи арайон хъвшараква рунашвачпагІвчва акъральгІвчва йанрынйуш амшква, азаман шщаквдыргылыз. Ауаса йызхІчпауа акъральыгІва органква тшырзынархарала, рхъатачІв гІальаматраква хчарала рхвитнагІаква рызгІарысабапырныс, хІынхара йхътІыта йадгалра ракІвпІ. ХІ-Унашвачпарта асайт «Обращение» хъвшара йаланакІуа «Личный прием граждан» апны акъральгІвчва йанрынйуш аграфик гІарбапІ. ХІ-УнашвахъцІарта йгьи арайон хъвшараква знапІыцІу йрынйара зтахъу «Электронная очередь»-ла тшанырцІа ауаштІ. ХІызту асквш ахъа угІалагата мшигІадза акъральгІвчва, аорганизацияква тшыззынадырха ауаш ъанатІанкъвгагІв дчІапщитІ. Ауи акІвымкІвагьи, «Личный кабинет стороны исполнительного производства» цхърагІарала рхъатала асуд пристав йнымйауата ауысква алдырга ауитІ. ЙаъапІ хІсайт апны «Узнаем о своих долгах» цхърагІарагьи. Аэлектронна амальква гІазрысабапуа руыс ласхитІ, заман чІыда гьдрыдзуам. 
255 просмотров


Комментарии

Написать
Комментарии >



Подписывайтесь на RIAKCHR в Одноклассниках Получайте свежие статьи и новые публикации на свой мобильный
Вступайте в сообщество RIAKCHR в “ВКонтакте” Получайте свежие статьи и новые публикации на свой мобильный
Вступайте в сообщество RIAKCHR в “Telegram” Получайте свежие статьи и новые публикации на свой мобильный