Къарча-Черкес Республика а-Хъада Темрезов Рашид акультура анхагIвчва ръачIвагIа гвыргъьахъв андыртлапIуз йадахIвуата ареспубликала йаныргIалу абиблиотекаква рынхагIвчва дрынйатI. Ауи йалан Къарча-Черкес Республика а-Правительства а-Председатель Уаз Мурат, культурала КЧР аминистр Гвагв Мадина. Анйара гIахъитIуата Темрезов Рашид абиблиотекаква рынхагIвчва йдырхъйауа ауыс магIын ду шаму, йгIадзынгылуа абанпара рыгIзара-бжьара йшацхърагIауа гIаликIгIатI. ХIреспублика аунашвачпагIв йгIайззаз зымгIва акультура анхагIвчва ры-Мшла пхата драйхIвахIвтI. – Швара швкъаругьи швылшараквагьи швырмайгьдзауата йгIалшхыз аъачIвагIа швъазцIабыргу ахъазла швабыжта сшвзыразпI, – йхIватI Темрезов Рашид. Абиблиотекаква рынхагIвчва хIапхъахьыла хачIвыта рпахь йгылу, ауат рырхъйара апны баргвырата йызшIашвауа, рымлыкв щата рыбагъьара, акнигаква рфонд йалархIара, аэлектронна каталог нардзахра шатахъу Къарча-Черкес Республика а-Хъада дахадыргIвазатI. Темрезов Рашид Черкесск город абиблиотекаква зымгIва рпынгьи акнигаква рэлектронна каталог рыхIазыррала проект лихырныс ареспублика къральыгIва библиотека аунашвачпагIв Хапчаев СальыхI йыхъвдаквицIатI. Ауи акIвымкIвагьи, акнигаква рфонд йалархIарала амальква шнарахвуаш даквгIашIастI йгьи абиблиотекаква рынхагIвчва рыхъазла грант лыхра шатахъу йхIватI. Къарча-Черкес Республика а-Хъада Темрезов Рашид анйара йгIадгылыз абиблиотекаква рынхагIвчва аразыра ажваква рзынайырхатI. – Араъа уахьчIва йгIащтIыхIхыз азцIгIараква рыуа закIгьи гватрадъа йыгьгIанхушым. Аэкономика аъаща ага йбаргвызтынгьи, абиблиотекаква рымлыкв щата рыбагъьара йапщылу ауысква зымгIва зынла йхIзымырхъйаргьи, кьазула абзазара йшалагIжьуашла швсыргвыгъитI, – йхIватI Темрезов Рашид. АлачIвара амщтахь хIреспублика ахъада Никулин Сергей йыхьыз зхъу ареспублика саби библиотекагьи дцатI. Ауи адиректор Демишонова Наталья аметодика йгьи ашIыпIа рдыррала ахъвшараква йлырбатI, адзын йазынархата йакIвшуз апхьара сахIат дылрайгватI. Ауи йалаз асабиква Темрезов Рашид гвапата йгIайпылтI. «Надежда» реабилитация Квта, йазалху акоррекционна апхьарта, «Забота» интернат йаныргIалу асабиква зымгIвагьи хIреспублика а-Хъада йырзалихыз ахъагIараква рыларшатI. Къарча-Черкес Республика а-Хъада Темрезов Рашид асаби библиотека арчIаджьра дацхърагIарныс йыргвыгъатI. Источник: riakchr.ru Предыдущая новость 1094 просмотров Следующая новость Читайте также ЙУЫСАКВАЛА ЙУАГIА ДРЫЗГIАЙХТI 06.05.2019 253 КЪАРЧА КЪАЛА СКВШ 90 АХЪЫЦІТІ АДЫРРАКВА, АЦIАС ПШДЗАКВА, АГIАДЖВЫКВЦIАРА ШIЫЦКВА РГАРА 02.11.2017 616 Получайте свежие новости на электронную почту Подписаться Комментарии Написать
Комментарии