РФ ПРЕЗИДЕН1ИНДЕГИ СОВЕТТЕ - ЙЫЙЫЛЫС

С а ь л и ку ь н К а р а ­ шай-Шеркеш Республикасынынъ Басшысы Рашид Темрезов Россия Федерациясынынъ Президентиндеги стратегиялык оьрленуьв эм миллет проектлери бойынша Советининъ президиумынынъ йыйылысында катнасты. Оны Правительстводынъ Председатели Дмитрий Медведев озгарды. «Баьри маьнели административлик токтасларды биз сиз бен бирге алганмыз, Бюджетлер ара трансфертлер акында келисуьвлер туьзилгенлер. Быйылга карарланган акшалар регионларга еткенлер, бир кесеклери энди де етедилер. Мен 2020 йылга белгиленген мырсатлар бойынша куллыкты уйгынламага тапшырув эткенмен. Йылдынъ басында болатаган шайкалув шагы быйыл тез озды. Регионлар белсинли аьрекетлейдилер. Ама баьри басшылардынъ эсин караткым келеди: яз барады, курылыс шагынынъ исси куьнлери, эм пайдалы куллык уьшин баьри алатлар бар. Тез кыймылдамага керек», - деген эсапты салды Россия Правительствосынынъ Председатели Дмитрий Медведев. Бу йылдан алып Карашай-Шеркеш Респубпикасы 10 миллет проекта бойынша 43 федераллык программаларда катнасады-демография, ден савлыкты саклав, билимлендируьв, турак эм кала авасы, кавыфсыз эм сапатлы автомобиль йоллары, цифралык экономика, маданият, орта эм кишкей эпшиллик эм байыр эпшиллик баславларды демевлев, халклар ара кооперация эм экспорт. Буьгуьнги куьнге Карашай-Шеркеш Республикасынынъ Правительствосы регионлык проектлерди яшавга эндируьв уьшин баьри керекли маглуматларга эм келисуьвлерге кол баскан эм кыралымыздынъ басшылыгы салган эсапларды шешуьв бойынша куллыкты ба слагай. «Миллет проектлери бойынша мардалык-праволык базады кеплев бойынша аьзирленуьв куллыклары кутылганлар. Миллет проектлерининъ бюджетлик аьжетсизленуьви акында анълавлык бар. Ама олардынъ яшавга эндирилуьви регионларда озады, соннан себеп Дмитрий Анатольевич регионларга айырым эс этти. Бу йылдан баслап Карашай-Шеркеш ери 10 миллет проектлери бойынша 43 федераллык программаларды яшавга эндируьвде катнасады. Куллык аьр кайсысы бойынша бардырылады. «Кавыфсыз эм сапатлы йоллар», «Ден савлыкты саклав» миллет проектлери конкурслык ислердинъ эм контрактларды туьзуьв шагында. Планланган амалламаларды яшавга эндируьвде федераллык Правительствосы ягыннан айырым эс этуьвди эм демевлевди талаплайтаган белгиленген вакытлар бар. Олардынъ коьбиси акында биз субъектлердинъ басшылары ман йыйылыста айттык. Бизде графиктен арт калув йок. Салынган эсаплар белгилилер эм болжалында толтырылаяклар», -д е п йыйылыстынъ тамамлары акында ойларын Карашай-Шеркеш Республикасынынъ Басшысы Рашид Темрезов билдирди.