КъЧР-м мылъку, щIыгу зэхущытыкIэхэмкIэ и Министерствэм и лэжьыгъэр пещэ, министрыщIэм и унафэм щIэту. Мы гъэм фокIадэ мазэм щегъэжьауэ министр IэнатIэм трагъэхьащ Туркменовэ Мадинэ Динислъам и пхъур. — Министерствэм лэжьыгъэу къыпэщылъыр мащIэкъым икIи ахэр жэуаплыгъэ лъагэ зыпылъ защIэщ. Ар къыдгурыIуэкIэрэ, республикэм и мылъкур фейдафIэу зедгъэкIуэн, и щIыгухэр нэIэ тэрэзым щIэдгъэувэн унэтIыныгъэр диIэу дылэжьэнущ дяпэкIэ. Апхуэдэ псалъэхэмкIэ я къулыкъу къалэнхэр наIуэ ищIащ КъЧР-м мылъку, щIыгу зэхущытыкIэхэмкIэ и министрыщIэм иджыблагъэ республикэм и цIыхубэ хъыбарегъащIэ Iэмалхэм ядригъэкIуэкIа япэ зэIущIэм деж. Туркменовэ Мадинэ Адыгэ-Хьэблэ районым хыхьэ Икон-Хьэлъкъ къуажэм къыщыхъуащ. 1994 гъэм къиухащ Къэрэшей-Черкес къэрал педагогическэ институтыр; 1999 гъэм — Къэ-бэрдей-Балъкъэр къэрал университетыр. И щIэныгъэкIэ правоведенэм, юриспруденцэм я IэщIагъэрылажьэщ. И диплом нагъыщэкIэ — тхыдэмкIэ егъэджакIуэщ, юристщ. 1999 гъэм Эркин-Щыхьэр курыт еджапIэм тхыдэмрэ обществознанием гъэхэм регистрацэмкIэ палатэм юристу, палатэм Адыгэ-Хьэблэ щиIэ къудамэм и унафэщIу лэжьащ. 2005-2014 гъэхэм — регистрацэ IуэхухэмкIэ Адыгэ-Хьэблэ муниципалнэ къэхъугъэм щыIэ къудамэм и унафэщIащ. А илъэсхэм къриу-быдэу къулыкъу зэхуэмыдэхэм пэрытащ. 2015 гъэм щIышылэ ма-зэм щегъэжьауэ лэжьащ КъЧР-м мылъку, щIыгу зэхущытыкIэхэмкIэ и министрым и къуэдзэу, иужьрей IэнатIэр – республикэм мылъку, щIыгу зэхущытыкIэхэмкIэ и министрщ. Министерствэм и нэIэм щIэтщ Къэрэшей-Черкесым и мылъку мыхъейри, мылъку ягъэкуэшри. Абы къыхэкIыу, хуабжьу жэуаплыгъэ лъагэм епхащ а псори хъума хъуныр, хабзэм тету зегъэкIуэныр. Ар къызэфIэзыгъэкI зы Iэмалщ мылъкур регист-рацэм щIэгъэувэныр, нэIэ тегъэтыныр. — Сыт хуэдэрей мылъку-ри нэIэм щIэтын папщIэ мычэму инвентаризацэ щIауэ щытыпхъэщ. Мы гъэм тщIа инвентаризацэм къызэригъэлъэгъуащи, республикэм и мыхъей мылъкум щыщу куэд къагъэсэбэп и мыунэтIыныгъэкIэ, фейдэи сэбэпи къимыхьу. Апхуэдэхэр дяпэкIэ приватизацэ щIын хуейуэ къыдолъытэ икIи абы дрилэжьэнущ. Инвентаризацэ лэжьыгъэр мы гъэми едгъэкIуэкIынущ къэдмы-гъэувыIэу. КъинэмыщIауэ, кадастровэ уасэ мыхъей мылъкум телъхьэным хуэунэтIа лэжьыгъэри мащIэкъым. 2013 гъэм щIышылэм и 1-м щегъэжьауэ апхуэдэ лэжьыгъэм и щIэупщIакIуэу (заказчик) къэувыр мылъкумрэ щIыгу зэхущытыкIэхэмрэкIэ Министерствэращ. Иужьрей кадастровэ къэлъытэныгъэр екIуэкIащ 2014 гъэм. Кадастровэ IэмалкIэ уасэр къэлъытэн, уасэр телъхьэныр мылъкум и уасэр тэрэзу къэхутэным и Iэмал пажэщ. ГурыIуэгъуэщ кадастровэ уасэу тралъхьэм мылъкур зейр иримыарэзыуэ куэдрэ къызэрыувыр. Апхуэдэхэм тхьэусыхэ къабгъэдэкIхэр щIэзыплъыкIыну, ядэлэжьэну комиссэ щыIэнущ Росреестрым КъЧР-м щиIэ Управленэм. Управленэм и IэщIагъэлIхэм къинэмыщIауэ, комиссым хэтынущ Министерствэм ейхэри. КъинэмыщIауэ, Министерствэми зыкъыхуагъазэ хъунущ. ДиIэщ апхуэдэ лэжьыгъэр езыгъэкIуэкIыну IэщIагъэлIхэр. Къапщтэмэ, инвентаризацэхэр гъэ къэси идогъэ-кIуэкI. Апхуэдэу, 2013 гъэм едгъэкIуэкIам къызэщIедгъэубыдащ республикэм и мэкъумэшщIапIэ щIыгухэр, мэкъумэш къэкIыгъэ щIапIэ губгъуэхэр, щIыгу Iыхьэ лIэужьыгъуэхэр псори. ЕдгъэкIуэкIащ республикэм и мэзхэр къэпщытэным, къэлъытэным, нэIэм щIэгъэувэнымкIэ лэжьыгъэшхуэ. 2016 гъэм едгъэкIуэкIыну инвентаризацэм къызэщIедгъэубыдэнущ промышленнэ, мыхьэнэ зиIэ, хэхауэ яхъумэ щIыпIэхэр, жыг хадэхэр, дачэхэр. ЛэжьыгъэфI едгъэкIуэкIащ Къэрэшей-Черкесым и рес-публикэ мэжэхэр гъэнэIуэ-ным, щIэгъэбыдэным епхауэ. 2014 гъэм дгъэнэIуащ КъЧР-мрэ Ставропол краймрэ я зэпылъыпIэ мэжэхэр, мы гъэм долэжь Къэбэрдей-Балъкъэрымрэ Къэрэшей-Черкесымрэ я зэпылъыпIэ мэжэхэр гъэнэIуэным. Мы гъэм гъатхэпэм и 1-м щегъэжьауэ щIыгу зэхущытыкIэ хабзэхэм зэхъуэкIыныгъэхэр ягъуэтащ. Абы къыдэкIуэу, дэри дыхэплъэжри, зэхъуэкIыныгъэхэр хэтлъхьащ КъЧР-м къегъэбыдылIа щIыгухэм ятеухуа хабзэхэм, зэхущытыкIэхэм. Министерствэм сайт гъэнэIуа иIэщ. Абыхэм цIыхухэм зыщагъэгъуэзэфынущ упщIэ къызыдэуш лъэныкъуэхэм, – жиIащ Туркменовэ Мадинэ. Источник: riakchr.ru
КъЧР-м мылъку, щIыгу зэхущытыкIэхэмкIэ и Министерствэм и лэжьыгъэр пещэ, министрыщIэм и унафэм щIэту. Мы гъэм фокIадэ мазэм щегъэжьауэ министр IэнатIэм трагъэхьащ Туркменовэ Мадинэ Динислъам и пхъур. — Министерствэм лэжьыгъэу къыпэщылъыр мащIэкъым икIи ахэр жэуаплыгъэ лъагэ зыпылъ защIэщ. Ар къыдгурыIуэкIэрэ, республикэм и мылъкур фейдафIэу зедгъэкIуэн, и щIыгухэр нэIэ тэрэзым щIэдгъэувэн унэтIыныгъэр диIэу дылэжьэнущ дяпэкIэ. Апхуэдэ псалъэхэмкIэ я къулыкъу къалэнхэр наIуэ ищIащ КъЧР-м мылъку, щIыгу зэхущытыкIэхэмкIэ и министрыщIэм иджыблагъэ республикэм и цIыхубэ хъыбарегъащIэ Iэмалхэм ядригъэкIуэкIа япэ зэIущIэм деж. Туркменовэ Мадинэ Адыгэ-Хьэблэ районым хыхьэ Икон-Хьэлъкъ къуажэм къыщыхъуащ. 1994 гъэм къиухащ Къэрэшей-Черкес къэрал педагогическэ институтыр; 1999 гъэм — Къэ-бэрдей-Балъкъэр къэрал университетыр. И щIэныгъэкIэ правоведенэм, юриспруденцэм я IэщIагъэрылажьэщ. И диплом нагъыщэкIэ — тхыдэмкIэ егъэджакIуэщ, юристщ. 1999 гъэм Эркин-Щыхьэр курыт еджапIэм тхыдэмрэ обществознанием гъэхэм регистрацэмкIэ палатэм юристу, палатэм Адыгэ-Хьэблэ щиIэ къудамэм и унафэщIу лэжьащ. 2005-2014 гъэхэм — регистрацэ IуэхухэмкIэ Адыгэ-Хьэблэ муниципалнэ къэхъугъэм щыIэ къудамэм и унафэщIащ. А илъэсхэм къриу-быдэу къулыкъу зэхуэмыдэхэм пэрытащ. 2015 гъэм щIышылэ ма-зэм щегъэжьауэ лэжьащ КъЧР-м мылъку, щIыгу зэхущытыкIэхэмкIэ и министрым и къуэдзэу, иужьрей IэнатIэр – республикэм мылъку, щIыгу зэхущытыкIэхэмкIэ и министрщ. Министерствэм и нэIэм щIэтщ Къэрэшей-Черкесым и мылъку мыхъейри, мылъку ягъэкуэшри. Абы къыхэкIыу, хуабжьу жэуаплыгъэ лъагэм епхащ а псори хъума хъуныр, хабзэм тету зегъэкIуэныр. Ар къызэфIэзыгъэкI зы Iэмалщ мылъкур регист-рацэм щIэгъэувэныр, нэIэ тегъэтыныр. — Сыт хуэдэрей мылъку-ри нэIэм щIэтын папщIэ мычэму инвентаризацэ щIауэ щытыпхъэщ. Мы гъэм тщIа инвентаризацэм къызэригъэлъэгъуащи, республикэм и мыхъей мылъкум щыщу куэд къагъэсэбэп и мыунэтIыныгъэкIэ, фейдэи сэбэпи къимыхьу. Апхуэдэхэр дяпэкIэ приватизацэ щIын хуейуэ къыдолъытэ икIи абы дрилэжьэнущ. Инвентаризацэ лэжьыгъэр мы гъэми едгъэкIуэкIынущ къэдмы-гъэувыIэу. КъинэмыщIауэ, кадастровэ уасэ мыхъей мылъкум телъхьэным хуэунэтIа лэжьыгъэри мащIэкъым. 2013 гъэм щIышылэм и 1-м щегъэжьауэ апхуэдэ лэжьыгъэм и щIэупщIакIуэу (заказчик) къэувыр мылъкумрэ щIыгу зэхущытыкIэхэмрэкIэ Министерствэращ. Иужьрей кадастровэ къэлъытэныгъэр екIуэкIащ 2014 гъэм. Кадастровэ IэмалкIэ уасэр къэлъытэн, уасэр телъхьэныр мылъкум и уасэр тэрэзу къэхутэным и Iэмал пажэщ. ГурыIуэгъуэщ кадастровэ уасэу тралъхьэм мылъкур зейр иримыарэзыуэ куэдрэ къызэрыувыр. Апхуэдэхэм тхьэусыхэ къабгъэдэкIхэр щIэзыплъыкIыну, ядэлэжьэну комиссэ щыIэнущ Росреестрым КъЧР-м щиIэ Управленэм. Управленэм и IэщIагъэлIхэм къинэмыщIауэ, комиссым хэтынущ Министерствэм ейхэри. КъинэмыщIауэ, Министерствэми зыкъыхуагъазэ хъунущ. ДиIэщ апхуэдэ лэжьыгъэр езыгъэкIуэкIыну IэщIагъэлIхэр. Къапщтэмэ, инвентаризацэхэр гъэ къэси идогъэ-кIуэкI. Апхуэдэу, 2013 гъэм едгъэкIуэкIам къызэщIедгъэубыдащ республикэм и мэкъумэшщIапIэ щIыгухэр, мэкъумэш къэкIыгъэ щIапIэ губгъуэхэр, щIыгу Iыхьэ лIэужьыгъуэхэр псори. ЕдгъэкIуэкIащ республикэм и мэзхэр къэпщытэным, къэлъытэным, нэIэм щIэгъэувэнымкIэ лэжьыгъэшхуэ. 2016 гъэм едгъэкIуэкIыну инвентаризацэм къызэщIедгъэубыдэнущ промышленнэ, мыхьэнэ зиIэ, хэхауэ яхъумэ щIыпIэхэр, жыг хадэхэр, дачэхэр. ЛэжьыгъэфI едгъэкIуэкIащ Къэрэшей-Черкесым и рес-публикэ мэжэхэр гъэнэIуэ-ным, щIэгъэбыдэным епхауэ. 2014 гъэм дгъэнэIуащ КъЧР-мрэ Ставропол краймрэ я зэпылъыпIэ мэжэхэр, мы гъэм долэжь Къэбэрдей-Балъкъэрымрэ Къэрэшей-Черкесымрэ я зэпылъыпIэ мэжэхэр гъэнэIуэным. Мы гъэм гъатхэпэм и 1-м щегъэжьауэ щIыгу зэхущытыкIэ хабзэхэм зэхъуэкIыныгъэхэр ягъуэтащ. Абы къыдэкIуэу, дэри дыхэплъэжри, зэхъуэкIыныгъэхэр хэтлъхьащ КъЧР-м къегъэбыдылIа щIыгухэм ятеухуа хабзэхэм, зэхущытыкIэхэм. Министерствэм сайт гъэнэIуа иIэщ. Абыхэм цIыхухэм зыщагъэгъуэзэфынущ упщIэ къызыдэуш лъэныкъуэхэм, – жиIащ Туркменовэ Мадинэ. Источник: riakchr.ru
Получайте свежие новости на электронную почту
Комментарии