РЕСПУБЛИКАЛЫК БЮДЖЕТ ТЕРГЕЛДИ

Д уьйсем би куьн, 29 октябрьде КЧР премьерминистри Аслан Озов регионнынъ Правительствосынынъ йыйылысын озгарды. Онынъ барысында 12 сорав тергелди. Йыйылыста СКФО-да РФ Президентининъ ваькил элшисининъ аппаратынынъ бас федераллык инспекторы Игорь Дральщиков катнасты. КЧР Правительствосынынъ Председателининъ орынбасары — финанслар министри Мурат Суюнчев регионнынъ 2019 йылга эм 2020-2021 йыллардынъ планлы шагына республикалык бюджеттинъ проектин регионны нъ Правительствосынынъ тергевине шыгарды. Айтпага, 2019 йылга республикалык бюджеттинъ келимлери 21665,2 миллион маьнетлик, 2020 эм 2021 йыллардынъ планлы шагына, тетесинше, 20074,5 миллион маьнетлик эм 21561,3 миллион маьнетлик санда, сонынъ санында налоглык эм налог болмаган келимлердинъ оьлшеми 2019 йылга 6491,9 миллион маьнетлик, 2020 эм 2021 йыллардынъ планлык шагына, тетесинше, 7040миллион маьнетлик эм 7616 миллион маьнетлик санда баланганлар. Р еспубликалы к бюджеттинъ шыктажларынынъ оьлшеми 2019 йылга 21520 миллион маьнет, 2020 йылга 19629,4 миллион маьнет, 2021 йылга 20980,5 миллион маьнет болаяк. 2019 йылга, 2020 эм 2021 йыллардынъ планлы шагына республикалык бюджеттинъ проекти озган йыллардагынша социаллык йоьнелисли болады. 2019 йылга КЧР-дынъ республикалык бюджетининъ ш ыктажларынынъ ортак оьлшеминде социаллыктуспарланувлы тармаклар бойынша шыктажлардынъ уьлиси 71 процент болады. КЧР куллык эм социаллык оьрленуьв министерствосы ман тергевге эки проект шыгарылган. Айтпага, «Карашай-Шеркеш Республикасынынъ айырым законлык актларына, балалары болган аьеллерге социаллык демевлев амалларын беруьв кесегинде, туьрлендируьвлер киргистуьв акында» КЧР законынынъ проекти алынды. КЧР куллык эм социаллык оьрленуьв министри Анзор Охтовтынъ айтувынша, проект КЧР бюджетининъ акша амаллары аркалы балалы аьеллерге, бала КЧР юртында тувганы оькиметлик регистрацияланган болса, социаллык демевлевдинъ косымша амалларын алувга право беруьвди карарлайды. Оннан баска болып, оьзге маьнели мардалыкправолык документлер де алындылар.