республикада инфратуьзилистинъ оьрленуьви

Саьрсемби куьн Ингушетиядынъ бас каласы Магаста КарашайШеркеш Республикасынынъ Басшысы Рашид Темрезов СКФО-да РФ Президентининъ ваькил элшиси Александр Матовников озгарган Советтинъ йыйылысында катнасты. Йыйылыста округтынъ субъектлерининъ социалэкономикалык оьрлендируьв соравлары тергелдилер, давыс беруьвдинъ Бирлик куьнининъ тамамлары согылдылар, оннан баска телевидениединъ цифралык коьрсетуьвлерине коьшуьви мен байланыслы соравлар тергелдилер. Карашай-Шеркеш Республикасынынъ Басшысы Рашид Темрезов КарашайШеркеш Республикасындатранспортты эм логистикады оьрлендируьв акында доклад пан соьйледи. «Бизим уьшин йоллар – ол энъ бас деп республикадынъ визитлик карточкасы, эм олардынъ аьлиннен курортлардынъ конакларынынъ бизге яне кайтпага уьмитлери байланыслы. Суьйткенде, йол инфратуьзилисининъ сапаты, коьбинше аьлде, туристлик индустрияды оьрлендируьвге себеп этеди. Ол республикалык бюджетининъ маьнели статьяларынынъ бириси болады, эм экономикадынъ эм кишкей эм орта эпшилликтинъ тармакларынынъ оьрленуьвлерин тартады», – деп белгиледи республикамыздынъ Басшысы. Транспорт инфратуьзилисин оьрлендируьвге республикада тешкеруьвли эс этиледи. Россия Федерациясынынъ транспорт министерствосынынъ, Росавтодордынъ белсинли демеви мен, сонъгы йылларда Карашай-Шеркеш Республикасынынъ юртында регионлык эм муниципаллар ара йоллардынъ 124 шакырымына, федераллык маьнели йоллардынъ 450 шакырымына ремонт этилген. Оннан баска ети коьпирге де ремонт этилген. Рашид Темрезов РФ Президентининъ ваькил элшисине билдиргенинше, Ставрополь крайынынъ губернаторы Владимир Владимиров пан Кара тенъиздинъ ягасына «Кисловодск-Черкесск-Адлер» йолынынъ курылысын бардырувдан керексинуьв бар экени акында бирдей карас туьзилгенин билдирди. РФ Правительствосынынъ Председатели Дмитрий Медведевтинъ Минкавказга, Росавтодорга, эки субъекттинъ басшыларына тапшырувы бар эм бу проект карастырылады. Александр Матовников бу проект акында Россиядынъ Президенти Владимир Путинге билдиргени эм Президент макул коьргени акында айтты. Ювыктагы заманда оькиметимиздинъ басшысына толы билдируьвлер этилееклер. Озган йылда «Архыз» эм «Домбай» туристликрекреациялык комплекслерине Кобан сувыннан доьрт йолаклы коьпирдинъ курылысы кутылган. «ЧеркесскДомбай» йолында Теберда сувыннан оьтетаган коьпирдинъ курылысы болжалдан алдын бажарылган. Р.Темрезовтынъ йыйылыста белгилегенинше, «Конзавод-КоммунстройМедовые водопады» автомобиль йолына ремонт этиледи, «Дукка-Пхия-Кислые источники» еринде транспорт эм инженерлик объектлерининъ курылысы бардырылады. Республика РФ Президенти В.В.Путиннинъ 2018 йылдынъ 7 майында алган «2024 йылга дейим Россия Федерациясынынъ Миллет эсаплары эм оьрленуьвдинъ стратегиялык мыратлары» Указы ман белгиленген «Кавыфсыз эм сапатлы автомобиль йоллары» миллет проектин яшавга эндируьвге кирискен.