КЧР Басшысы Рашид Темрезов Уруп муниципал районынынъ администрациясынынъ басшысы Алексей Шутов пан исши йолыгыс озгарды. Уруп районында аьрекетлейтаган производстволарды эм инвесторларды демевлев бойынша ерли оьзлик басшыланув органларынынъ куллыгы йолыгыстынъ бас темасы болды.
Район басшысынынъ белгилевинше, Уруп районынынъ яшавшылары авыл хозяйствода, агаш аьзирлев эм агаш асыллав тармагында аьрекетлейдилер. Яшавшылардынъ сезимли кесеги Уруп ГОК-та куллык этедилер.
Рашид Темрезов белгилегенинше, Уруп районынынъ администрациясынынъ куллыгы районнынъ экономикалык аьрекетлигининъ оьз баскалыгынынъ негизинде, а инвесторлар ман – конкретли мырсатлык артыклыклар эске алынып туьзилмеге керек. КЧР Басшысынынъ айтувынша, Уруп районында кишкей эм орта бизнести демевлев бойынша куллыктынъ энъ маьнели йоьнелислерининъ бириси агаш пан куллык этетаган предприятиелерди янъыдан туьзуьв болмага керек. Регионнынъ Басшысы район администрациясына айырым тапшырувлар да берди.
Комментарии