Къэрэшей-Черкесым узыншагъэр хъумэнымкIэ и Министерствэм пыхусыхум ди щIыналъэм зэрыщиубгъуам къыхэкIкIэ республикэм щыпсэухэм захуегъазэ. Фи пащхьэ идолъхьэ УФ-м и Роспотребнадзорымрэ Урысейм узыншагъэр хъумэнымкIэ и Министерствэмрэ зэпкъыраха рекомендацэр. Пыхусыхум и сиптомхэр: -уи Iэпкълъэпкъым и пщтырагъыр докIуей, уегъапсчэ, нэпс-пэпсыр къыпож, уи тэмакъыр, уи щхьэр, уи къупщхьэхэр егъэуз. Апхуэдэ къабзэу, кIэтIийми йоуэ, пшхыр къомызэгъыу укъегъэжь, уи ныбэр егъэуз (диарея). Пыхусыхум и зэманым уемыIэзэмэ, узри нэхъ хьэлъэ мэхъу, «пневмония» уз зэрыцIалэм хуокIуэ, цIыхум и Iэпкълъэпкъым зыщеубгъу икIи сыхьэт 24-м и кIуэцI сымаджэм жьы хуримыкъуу къонэри, жьы зэришэну медицинэ оборудованэншэу хъукъым. Узым зэуэ уеIэзэн щIэбдзэмэ, ар цIыхум и Iэпкълъэпкъым зэрегуэуэнум и хьэлъагъри нэхъ мащIэ хъунущ. Пыхусыхум дауэ зыщыпхъумэну! Пыхусыхур цIыху сымаджэращ къызыпкъырыкIыр. Уз зэрыцIалэм Iэпкълъэпкъым зэрыщиубгъуныр куэдым елъытащ. Апхуэдэщ узыр зыхуэлъа цIыхум и ныбжьымрэ и Iэпкълъэпкъым и щытыкIэмрэ. Мы уз зэрыцIалэр нэхъ яхуолъэ ныбжь зиIэхэм, сабийхэм, астмэ, фошыгъу уз, гу-лъынтхуэ узыфэхэр къызэузхэм, зи иммунитетыр тIасхъэхэм. Сыт щIэн хуейр? Япэрауэ, сабынкIэ фи Iэхэр фтхьэщI зэпыт. Абы микробхэр еукI. СабынкIэ фтхьэщIыну лъэкIыныгъэ фимыIэмэ, спирткIэ е дезинфицирующэ салфеткэкIэ флъэщI. Апхуэдэ къабзэу, стIолхэр, бжэкъухэр, шэнтхэр, нэгъуэщIхэри щIэх-щIэхыурэ фтхьэщI, дезинфекцэ фщIы. ЕтIуанэу, пыхусыху зыпкъырыт сымаджэм гъунэгъуу фыбгъэдэмыхьэ. Апхуэдэм зы метрэ мынэхъ мащIэу гъунэгъу зыхуэвмыщI. ЦIыху куэд здызэхуэс щIыпIэхэм зыщывдзей, апхуэдэ щIыпIэхэм фыщымубжьытхэ, фи жьэм, фи пэм маскэ Iуфлъхьэ. Фи Iэр фымытхьэщIауэ фи нэм, фи пэм фемыIэб. Пыхусыху уз зэрыцIалэм зэрызиубгъур апхуэдэ IэмалхэмкIэщ. Ещанэу, гъащIэ узыншэ ефхьэкI. Апщыгъуэм деж Iэпкълъэпкъыр уз зэрыцIалэхэм нэхъыфIу пэщIэтщ. КъинэмыщIауэ, фIыуэ фышхэ, фи жей къэвмыгъанэ, белок, витамин, минеральнэ пкъыгъуэхэр куэду зыхэлъ ерыскъыхэр фшхы. Пыхусыхур къыфпкъырыхьамэ фщIэн хуейр. Iэмал имыIэу дохутырым зыхуэвгъазэ, абы къыфхущIитхыкI хущхъуэхэр зэфхьэлIэ, псы, шей куэду фефэ, щIыIэм фыхэмыхьэу, унэм фыщIэс, хуабэу зыфхуапэ. ЦIыху куэд здызэхуэс щIыпIэхэм фымыкIуэ, щIыбым фыкъыщIэкIын хуей хъуамэ, медицинэ маскэ зыIуфлъхьэ, фыщыпсчэкIэ, фыкъыщепскIэ фи пэм, фи жьэм блэтыку IуфIпIэ. ИщхьэкIэ зэрыжытIащи, щIэх-щIэхыурэ фи Iэхэр сабынкIэ фтхьэщI. Унагъуэм щыщ гуэрым пыхусыху къеуэлIамэ щIэн хуейр. Япэрауэ, дохутырым зыхуэвгъазэ. Сымаджэм пэш лей хухэфх. Апхуэдэ лъэкIыныгъэ фимыIэмэ, гъунэгъуу фыбгъэдэмыхьэ. Унэм щIэх-щIэхыурэ жьы къабзэ къыщIэвгъыхьэ, пэшхэр, фи Iэхэр фтхьэщI зэпыт. Сымаджэм фыщыкIэлъыплъкIэ, фи пэм, фи жьэм зыгуэр IуфIпIэ. Къэрэшей-Черкес Республикэм узыншагъэр хъумэнымкIэ и Министерствэм хэгъуэгум щыIэ эпидемиологие щытыкIэр и нэIэм щIигъэтщ, махуэ къэс мониторинг ирегъэкIуэкI, медицинэ IуэхущIапIэхэм зыхуэзыгъэза сымаджэхэм, сабий ежьэ бзылъхугъэхэм я узыншагъэм кIэлъоплъ. Источник: riakchr.ru
Къэрэшей-Черкесым узыншагъэр хъумэнымкIэ и Министерствэм пыхусыхум ди щIыналъэм зэрыщиубгъуам къыхэкIкIэ республикэм щыпсэухэм захуегъазэ. Фи пащхьэ идолъхьэ УФ-м и Роспотребнадзорымрэ Урысейм узыншагъэр хъумэнымкIэ и Министерствэмрэ зэпкъыраха рекомендацэр. Пыхусыхум и сиптомхэр: -уи Iэпкълъэпкъым и пщтырагъыр докIуей, уегъапсчэ, нэпс-пэпсыр къыпож, уи тэмакъыр, уи щхьэр, уи къупщхьэхэр егъэуз. Апхуэдэ къабзэу, кIэтIийми йоуэ, пшхыр къомызэгъыу укъегъэжь, уи ныбэр егъэуз (диарея). Пыхусыхум и зэманым уемыIэзэмэ, узри нэхъ хьэлъэ мэхъу, «пневмония» уз зэрыцIалэм хуокIуэ, цIыхум и Iэпкълъэпкъым зыщеубгъу икIи сыхьэт 24-м и кIуэцI сымаджэм жьы хуримыкъуу къонэри, жьы зэришэну медицинэ оборудованэншэу хъукъым. Узым зэуэ уеIэзэн щIэбдзэмэ, ар цIыхум и Iэпкълъэпкъым зэрегуэуэнум и хьэлъагъри нэхъ мащIэ хъунущ. Пыхусыхум дауэ зыщыпхъумэну! Пыхусыхур цIыху сымаджэращ къызыпкъырыкIыр. Уз зэрыцIалэм Iэпкълъэпкъым зэрыщиубгъуныр куэдым елъытащ. Апхуэдэщ узыр зыхуэлъа цIыхум и ныбжьымрэ и Iэпкълъэпкъым и щытыкIэмрэ. Мы уз зэрыцIалэр нэхъ яхуолъэ ныбжь зиIэхэм, сабийхэм, астмэ, фошыгъу уз, гу-лъынтхуэ узыфэхэр къызэузхэм, зи иммунитетыр тIасхъэхэм. Сыт щIэн хуейр? Япэрауэ, сабынкIэ фи Iэхэр фтхьэщI зэпыт. Абы микробхэр еукI. СабынкIэ фтхьэщIыну лъэкIыныгъэ фимыIэмэ, спирткIэ е дезинфицирующэ салфеткэкIэ флъэщI. Апхуэдэ къабзэу, стIолхэр, бжэкъухэр, шэнтхэр, нэгъуэщIхэри щIэх-щIэхыурэ фтхьэщI, дезинфекцэ фщIы. ЕтIуанэу, пыхусыху зыпкъырыт сымаджэм гъунэгъуу фыбгъэдэмыхьэ. Апхуэдэм зы метрэ мынэхъ мащIэу гъунэгъу зыхуэвмыщI. ЦIыху куэд здызэхуэс щIыпIэхэм зыщывдзей, апхуэдэ щIыпIэхэм фыщымубжьытхэ, фи жьэм, фи пэм маскэ Iуфлъхьэ. Фи Iэр фымытхьэщIауэ фи нэм, фи пэм фемыIэб. Пыхусыху уз зэрыцIалэм зэрызиубгъур апхуэдэ IэмалхэмкIэщ. Ещанэу, гъащIэ узыншэ ефхьэкI. Апщыгъуэм деж Iэпкълъэпкъыр уз зэрыцIалэхэм нэхъыфIу пэщIэтщ. КъинэмыщIауэ, фIыуэ фышхэ, фи жей къэвмыгъанэ, белок, витамин, минеральнэ пкъыгъуэхэр куэду зыхэлъ ерыскъыхэр фшхы. Пыхусыхур къыфпкъырыхьамэ фщIэн хуейр. Iэмал имыIэу дохутырым зыхуэвгъазэ, абы къыфхущIитхыкI хущхъуэхэр зэфхьэлIэ, псы, шей куэду фефэ, щIыIэм фыхэмыхьэу, унэм фыщIэс, хуабэу зыфхуапэ. ЦIыху куэд здызэхуэс щIыпIэхэм фымыкIуэ, щIыбым фыкъыщIэкIын хуей хъуамэ, медицинэ маскэ зыIуфлъхьэ, фыщыпсчэкIэ, фыкъыщепскIэ фи пэм, фи жьэм блэтыку IуфIпIэ. ИщхьэкIэ зэрыжытIащи, щIэх-щIэхыурэ фи Iэхэр сабынкIэ фтхьэщI. Унагъуэм щыщ гуэрым пыхусыху къеуэлIамэ щIэн хуейр. Япэрауэ, дохутырым зыхуэвгъазэ. Сымаджэм пэш лей хухэфх. Апхуэдэ лъэкIыныгъэ фимыIэмэ, гъунэгъуу фыбгъэдэмыхьэ. Унэм щIэх-щIэхыурэ жьы къабзэ къыщIэвгъыхьэ, пэшхэр, фи Iэхэр фтхьэщI зэпыт. Сымаджэм фыщыкIэлъыплъкIэ, фи пэм, фи жьэм зыгуэр IуфIпIэ. Къэрэшей-Черкес Республикэм узыншагъэр хъумэнымкIэ и Министерствэм хэгъуэгум щыIэ эпидемиологие щытыкIэр и нэIэм щIигъэтщ, махуэ къэс мониторинг ирегъэкIуэкI, медицинэ IуэхущIапIэхэм зыхуэзыгъэза сымаджэхэм, сабий ежьэ бзылъхугъэхэм я узыншагъэм кIэлъоплъ. Источник: riakchr.ru
Получайте свежие новости на электронную почту
Комментарии