3 декабрьде Карашай-Шеркеш Республикасынынъ Басшысы Рашид Темрезов Россия Президенти В.В. Путиннинъ РФ Федераллык Йыйынына аьр йыллык Ой-хатын эситтируьв амалламасында катнасты. Кремльдинъ Георгиев залына властьтинъ баьри оьлшемлерининъ, ямагатшылыктынъ элшилери, дин куллыкшылары, коьплеген журналистлер йыйылган эдилер. Оьзининъ соьзин Владимир Путин терроршылар ман куьресте Россиядынъ пайдаларын яклайтаган аьскершилерге терен разылыкты билдируьвден баслады. Оьлген летчиклердинъ эм терроршылыктынъ баьри курманлыкларынынъ сыйына уьндемев такыйкады билдирди. В.Путин терроршылык пан куьресте баьри оькиметлер катнаспага керегине сенимликти билдирди. В.Путиннинъ белгилевинше, терроршылык пан куьрес – ол эркинлик, дурыслык, аьдемлердинъ яшавлары эм дуныялык аьдем ырувынынъ келеектегиси уьшин куьрес. Оьзининъ соьзинде Президент бизим летчиклердинъ оьлуьвлеринде Турциядынъ катнасувы акында да айтты. Россиялык аьскершилердинъ оьлуьвлери уьшин Анкара яваплы экенин эм сол зат уьшин явапламага керегин белгиледи. Соны ман биргесине Россия Анкара эм туьрк халкы арасында тенълик белгисин салмайды, деп Президент белгиледи. Ишки политика соравларына коьше келип, Президент Россиядынъ Оьр судынынъ ой этуьви мен РФ Уголовлык Кодексининъ бир кесек статьяларын янъыдан карастырмага, ямагатшылык кавыфсызлыкты тувдырмайтаган кыянатлыкларды административлик право йорыкты бузувлардынъ санына коьширмеге, Оькиметлик Думага бу ойды демевлемеге соьзин каратты. Ой-хаттынъ уьйкен кесеги промышленностьти, авыл хозяйствосын оьрлендируьв, импортты авыстырув программаларын яшавга эндируьв соравларга багысланган эди. Кыралымыздынъ басшысы кишкей эм орта эпшилликти тергевлер практикасын койдырмага кереги акында айтты. Козгалган уголовлык ислердинъ тек 15 проценти судка етедилер, калганлары яде бизнестен айырыладылар, яде финанслык йойымларды шегедилер. Аьдетинше, социаллык соравлар да эссиз калмадылар. Президент регионлардынъ басшыларына балаларды школага дейимги билимлендируьв мен аьжетсизлев соравына эс этпеге тиледи. Оннан баска сакатларды эм келимлери тоьмен болган аьдемлерди демевлемеге шакырув этти. Сонынъ санында аналык капиталды тагы да 2 йылга созбага тапшырды. КЧР Басшысы В.Путиннинъ Ой-хаты бойынша оьзининъ ойларын билдире келип, ол властьтинъ баьри бутакларына эм оьлшемлерине каратылган программалык маглумат болатаганын белгиледи. – Бу программалык маглумат бойынша биз келеек йылда эм арбатында ислеекпиз. Кыралымыздынъ Президенти билдирген айырым ой, Россия ол оьзининъ эм гражданларынынъ пайдаларын, сонынъ санында халклар ара оьлшемде, яклайтаган уллы оькимет, – деп белгиледи республикамыздынъ Басшысы. Рашид Темрезов Ойхатта айтылган баьри ойлар кыралымыздынъ яшавшыларынынъ пайдаларына, яшав сапатлыгын оьстируьвге каратылганын белгиледи. Источник: riakchr.ru
3 декабрьде Карашай-Шеркеш Республикасынынъ Басшысы Рашид Темрезов Россия Президенти В.В. Путиннинъ РФ Федераллык Йыйынына аьр йыллык Ой-хатын эситтируьв амалламасында катнасты. Кремльдинъ Георгиев залына властьтинъ баьри оьлшемлерининъ, ямагатшылыктынъ элшилери, дин куллыкшылары, коьплеген журналистлер йыйылган эдилер. Оьзининъ соьзин Владимир Путин терроршылар ман куьресте Россиядынъ пайдаларын яклайтаган аьскершилерге терен разылыкты билдируьвден баслады. Оьлген летчиклердинъ эм терроршылыктынъ баьри курманлыкларынынъ сыйына уьндемев такыйкады билдирди. В.Путин терроршылык пан куьресте баьри оькиметлер катнаспага керегине сенимликти билдирди. В.Путиннинъ белгилевинше, терроршылык пан куьрес – ол эркинлик, дурыслык, аьдемлердинъ яшавлары эм дуныялык аьдем ырувынынъ келеектегиси уьшин куьрес. Оьзининъ соьзинде Президент бизим летчиклердинъ оьлуьвлеринде Турциядынъ катнасувы акында да айтты. Россиялык аьскершилердинъ оьлуьвлери уьшин Анкара яваплы экенин эм сол зат уьшин явапламага керегин белгиледи. Соны ман биргесине Россия Анкара эм туьрк халкы арасында тенълик белгисин салмайды, деп Президент белгиледи. Ишки политика соравларына коьше келип, Президент Россиядынъ Оьр судынынъ ой этуьви мен РФ Уголовлык Кодексининъ бир кесек статьяларын янъыдан карастырмага, ямагатшылык кавыфсызлыкты тувдырмайтаган кыянатлыкларды административлик право йорыкты бузувлардынъ санына коьширмеге, Оькиметлик Думага бу ойды демевлемеге соьзин каратты. Ой-хаттынъ уьйкен кесеги промышленностьти, авыл хозяйствосын оьрлендируьв, импортты авыстырув программаларын яшавга эндируьв соравларга багысланган эди. Кыралымыздынъ басшысы кишкей эм орта эпшилликти тергевлер практикасын койдырмага кереги акында айтты. Козгалган уголовлык ислердинъ тек 15 проценти судка етедилер, калганлары яде бизнестен айырыладылар, яде финанслык йойымларды шегедилер. Аьдетинше, социаллык соравлар да эссиз калмадылар. Президент регионлардынъ басшыларына балаларды школага дейимги билимлендируьв мен аьжетсизлев соравына эс этпеге тиледи. Оннан баска сакатларды эм келимлери тоьмен болган аьдемлерди демевлемеге шакырув этти. Сонынъ санында аналык капиталды тагы да 2 йылга созбага тапшырды. КЧР Басшысы В.Путиннинъ Ой-хаты бойынша оьзининъ ойларын билдире келип, ол властьтинъ баьри бутакларына эм оьлшемлерине каратылган программалык маглумат болатаганын белгиледи. – Бу программалык маглумат бойынша биз келеек йылда эм арбатында ислеекпиз. Кыралымыздынъ Президенти билдирген айырым ой, Россия ол оьзининъ эм гражданларынынъ пайдаларын, сонынъ санында халклар ара оьлшемде, яклайтаган уллы оькимет, – деп белгиледи республикамыздынъ Басшысы. Рашид Темрезов Ойхатта айтылган баьри ойлар кыралымыздынъ яшавшыларынынъ пайдаларына, яшав сапатлыгын оьстируьвге каратылганын белгиледи. Источник: riakchr.ru
Читайте также
ЮРТЫМЫЗ ОЬРЛЕНУЬВ ЙОЛЫНДА
03.11.2020
160
МИЛЛЕТЛЕР АРА АЙКАСЛАРДЫ ТЕРГЕВДИНЪ ТАМАМЛАРЫ
25.01.2020
173
Получайте свежие новости на электронную почту
Комментарии