Къарачай-Черкес Республиканы Башчысыны борчларын толтургъан Темрезланы Рашид регионал ёсюмню юсю бла Правительствону комиссиясыны къурамына киргенди.
Россияны Премьер-министри Дмитрий Медведевни буйругъу бла территориал планированиени юсю бла Правительствону комиссиясы регионал ёсюмню юсю бла Правительствону комиссиясына бурулгъанды.
Комиссияны председателине вице-премьер Дмитрий Козак, заместителлерине финансланы министри Антон Силуанов эмда экономика ёсюмню министри Алексей Улюкаев теджелгендиле. Аны кибик комиссияны къурамына толтуруучу властны федерал органларыны келечилери, РФ-ны субъектлерини башчылары, Кърал Думаны депутатлары бла Федерацияны Советини членлери киргендиле.
Правкомиссия толтуруучу властны федерал эмда регионал органларын, башха организацияланы да регионланы ёсюмлери бла байламлы не тукъум ишлеге да тири къошулурча этерге джораланнганды.
Комментарии