Бу кюнледе Къарачай-Черкесияны Правительствосуну Председателини биринчи орунбасары Байчораланы Эльдар республиканы Эл мюлк министерствосунда миллет проектлени джашауда толтурууну юсюнден кенгеш бардыргъанды.
Ол белгилегенден, Эресей Федерацияны Президенти В. В. Путинни «О национальных целях и стратегических задачах Российской Федерации на период до 2024 года» деген указын джашаугъа сингдире, Къарачай-Черкесия «Создание системы поддержки фермеров и развитие сельской кооперации», «Малое и среднее предпринимательство, поддержка индивидуальной предпринимательской инициативы» эмда «Экспорт продукции АПК» деген федерал проектлеге, аны кибик «Международная кооперация и экспорт» деген миллет проектге къошулгъанды.
Ол ишни джашаугъа сингдирир ючюн, «Создание системы поддержки фермеров и развитие сельской кооперации» деген программада айтылгъаннга кёре, 2019-чу джыл республикагъа 86 миллион сом берилгенди.
Кенгешде Байчораланы Эльдар чертгенден, республиканы Эл мюлк министерствосу миллет проектлени юслеринден ишин тири бардырыргъа керекди. Ол контролда турады. Артыкъсыз да иш орунла къурау джанына аслам эс бёлюрге тыйыншлыды.
Байчораланы Эльдар КъЧР-ни эл мюлк министри Боташланы Анзоргъа, миллет проектлени джашаугъа сингдириуню юсюнден ыйыкъ сайын хапар бериб турурун аманат этди.
Аны тышында Къарачай-Черкесияны Башчысы Темрезланы Рашидни аманатын джашаугъа сингдире, кенгешде «Эллени джарашдырыу» деб быйыл белгиленнген регионал программаны джарашдырыб, аны этимли бардырыуну сорууларына да къаралды.
Быйыл ол программаны джашаугъа сингдире Къарт-Джурт, Жако элледе фельдшер-акушер пунктла хайырланыугъа берилликдиле. Къарданик стансе бла Правокубанский посёлокда 1000 квадрат метр джерни аллыкъ ачыкъ спорт площадкаланы къурулушлары битерикдиле. Республиканы эллерине газ, суу баргъан быргъыла салынныкъдыла.
Комментарии