ОЬМИРИН ТЕАТРГА БАГЫСЛАГАН

Белгили карашай актеры Борис Хусеевич Уртенов 1939 йылдынъ 15 февралинде Усть-Джегута районынынъ Эльтаркач авылында тувган. Уллы Аталык кавгасы басланган заманда онынъ атасы сансы з кы ралдасларымыздай болып, кавгага тувган Элимизди немец-фашист баскыншыларыннан босатпага кеткен. Оькинишке, тувган юртына кайтпаган. - 1943 йылдынъ 2 ноябринде савлай карашай халкындагындай болып, меним анам да уьш бала ман Орта Азияга, Казахстанга суьргинге айдалган, - деп эскереди Борис Хусеевич. 1957 йылда Борис Казахстаннынъ Чимкент областининъ Сары-Агач орта мектебин кутылган. Аьели тувган Элине кайткан сонъ, Ленинградтынъ А. Островский атлы те а тр а л л ы к институтына окувга туьскен. Артынсыра Карашай-Шеркеш миллет студиясына окымага туьскен, оны 1962 йылда етимисли битирген. 1962-1964 йылларда Черкесск область орыс драма театрында актер болып куллык эткен. 1964-1974 йылларда Кабарты-Балкар Республикасы ны нъ Нальчик каласында балкар театрында аьрекетлеген. 1974 йылдан алып аьлиги заманга дейим карашай республикалык оькиметлик драма театрында ислейди. Карашай театрынынъ актерларынынъ санында Башкортостаннынъ бас каласы Уфада тюрк тилли театрлардынъ ф естивалинде эм Владикавказ каласында Россия Кубыласынынъ халкларынынъ миллет театрларынынъ фестивасъездлеринде эм конференцияларында ортакшылык эткен. Сол съездлерди эм конференцияларды театрдынъ усталары М. Царев, О. Ефремов, М. Ульянов, К. Лавров, М. Бушнов, Р. Исрафилов эм А. Калягин етекшилегенлер. - Республикамыздынъ те атрал л ы к кул л ы кш ы ­ ларынынъ Биригуьвинде куллык эткеним мени коьп янъы аьдемлер мен таныстырды, билимлеримди байытты. Суьйтип, йырма алты йылдынъ бойында мен актерлык куллыгым ман биргесине республикамыздынъ театраллык куллы кш ы лары ны нъ Биригуьвинде де аьрекетлегенмен, - деп боьлисти Борис Хусеевич. 2010 йылда Борис Уртенов «Ататаган тавлар» деген фильмде эм «Карашайдынъ кавгасы эм тынышлыгы» деген документальли фильмде ойнаган. Коьп йыллык каныгыслы аьрекети уьшин замандасымыз оькимет ягыннан баьленше йогары белгилерге аталган. 1982 йылда Борис Уртенов «Кабарты-Балкар Республикасынынъ сыйлы артисти» деген йогары атка тийисли этилген. 1995 йылда ога «Россия Федерациясынынъ сыйлы артисти» деген ат берилген. 2009 йылда абырайлы ердесимиздинъ етпис йыллык мерекесине «КЧР сыйлы артисти» деген оьрметли атты бергенлер. Борис Уртенов - эки улдынъ атасы. Онынъ куьезлери уьш йиени боладылар. Аьелдинъ анасы да йыршы, Карашай-Шеркеш Республикасынынъ сыйлы артисткасы. Республикалык оькиметлик филармониясында етимисли куллык этеди. Соны ман биргесине он бес йылдан артыкзаман «Къарча» вокал-фольклор ансамблин де етекшилейди. Ердесимиз Борис Уртенов театрда элли алтыншы йыл етимисли аьрекетлеп келеятыр. Сол кадер заманнынъ ишинде ол сахнада юз эллиден артык рольлерди ойнаган. Янъыларда Карашай-Шеркеш оькиметлик миллет китапханасынынъ адабият эм саният боьлигининъ библиотекари Тамара Хапчаева сыйлы ердесимиз Борис Уртенов акында «Актердынъ наьсиби» деп этап, китап шыгарган. Онда автор мерекешидинъ Карашай-Шеркеш область театрыннан биринши куьннен алып оьткен яратувшылык йолын ашык коьрсетеди. Китапта Борис Хусеевичтинъ, онынъ театр, актерлар, республикамызда маданияттынъ эм санияттынъ оьрленуьви акында коьплеген макалалар, аьел альбомларыннан дурбатлар баспаланганлар. Янъы китап тез арада оьз окувшыларын табар, деп сенемиз. Быйылдынъ 15 февралинде Б. Уртенов тувганлы сексен йыл толды. Биз оьз оьмирин театрга багыслаган оьрметли ердесимиз, РФ сыйлы артисти, Кабарты-Балкар Республикасынынъ сыйлы артисти, республикамыздынъ сыйлы артисти Борис Уртеновты 80 йыллык мерекеси мен кутлаймыз эм алдыда мерекешиге тек ийгиликлерди, узак оьмирди, ден савлыкты, энди де яратувшылык табынышларды сагынамыз.