Актуально Заседание межведомственной рабочей группы по клиентоцентричности прошло в Карачаево-Черкесии Актуально Как защитить свои данные на Госуслугах от мошенников СКФО Школа креативных индустрий появится на Ставрополье СКФО Началось строительство школы программистов у озера Ак-гель СКФО В Северной Осетии в 2024 году появятся прямые авиарейсы в Нижний Новгород

«Нартны» бек джаратханды

01.02.2019 307
«Нартны» бек джаратханды

Эресей Федерацияны Правительствосуну Шимал Кавказны ишлерини юслеринден министри Сергей Чеботарёв Къарачай-Черкесиягъа этген официал визитини кёзюуюнде Къарачай-Черкесияны Башчысы Темрезланы Рашид бла бирге Черкесск шахарда «Нарт» стадионнга барыб да къарагъанды. Ол республиканы баш стадионуду. 7,5 минг квадрат метр джерни алады. Алай а ол ишлеб тебрегенли озгъан 40 джылдан артыкъ заманны ичинде бир кере да аны тамамлы ремонту этилмегенди.

Республиканы бу уллу спорт предприятиесине тамамлы ремонт этерге кереклисини юсюнден айтылгъан тилекни къабыл этиб, аны бардырыргъа болушханлары ючюн Темрезланы Рашид РФ-ны вице-премьери Виталий Мутко бла РФ-ны Шимал Кавказны ишлерини юслеринден министерствосуна джюрек разылыгъын билдиргенди. Кертисинде стадионну тамамлы реконструкциясы аны джангыдан ишлеу халда баргъанды. Энди ол иш тамамлана да кетгенди.

Республиканы Башчысы Темрезланы Рашид, аны юсюнден айта, «Джашил айрымкан» деген маданият бла солууну паркын джарашдыргъан заманда анда болгъан тюрлю-тюрлю спорт объектле бир спорт комплексча джарашдырыллыкълары изленнген эди, алай да этилгенди, дегенди. Ол айтханына КъЧР-ни Башчысы, «Юбилейный» ФОК-ну уллу залы, башы джабыкъ бассейни, башы ачыкъ бассейн, Теннис бла футболну академиялары бюгюн огъуна ишлеб турадыла, деб къошханды.

Бусагъат заманны излеми бла ишленнген, 9367 орну болгъан «Нарт» стадион мында спорт зонаны аралыгъына бурулгъанды. Аны футбол ойнаргъа джарашдырылгъан тюзю, чабаргъа джолчукълары дагъыда башха затлары бардыла. Ала оюнла бардырыб тебрерге хазыр этилгендиле. Стадионну кюн чыкъгъан джанында этиле тургъан ишле да бите кетгендиле.

Министр, стадионну кесин да, анда бардырылгъан ишлени да бек джаратханын билдире: «Мында спортну бир-бир тюрлюлеринден халкъла арасы эришиуле бардырыргъа да боллукъду. Стадионну хар заты алай дараджалы ишленнгенди», - деб чертгенди. 

307 просмотров


Комментарии

Написать
Комментарии >



Подписывайтесь на RIAKCHR в Одноклассниках Получайте свежие статьи и новые публикации на свой мобильный
Вступайте в сообщество RIAKCHR в “ВКонтакте” Получайте свежие статьи и новые публикации на свой мобильный
Вступайте в сообщество RIAKCHR в “Telegram” Получайте свежие статьи и новые публикации на свой мобильный