Медведев Дмитрий КЧР Ахъада дгIaйынйатI ахъада дгIайынйатI

Июль а-16 Москва апны Россия-Федерация а-Правительства а-Предаседатель  МЕДВЕДЕВ Дмитрий йгьи Къарча–Черкес Республика а-Хъада ТЕМРЕЗОВ Рашид ранйара акIвшатI. Медведев Дмитрий: Йшыздырхуала уари сари йцIыхъвахауа хIанйара швышта саъата акытмлыкврхIара уысква раъаща анхIырхъвыхуаз агIан йакIвшатI. Акыт млыкврхIарала апсахра бзиква шаъу кьангьаш гьазсымам, ауаса асоциальна уысквагьи рмагIны дупI. Лагъь КIавкIаз апны йатахъдзата абзазара йалалуа апрограммаква йрыуапI асабигIзартаква руыхвара. Рашид Бориспи йпа, швреспублика апны ари ауысла ачIвыйа йшвылшаз? Темрезов Рашид:  АсабигIзартаква рпны акьазу ахъарысра хIхачIв хъадаква йрыуата йспхьадзитI. ХIышта апны ари анархарала ауысква джьгарпI. ЦIыпх сабигIзартата 20 абзазара йалагIжьтI. УахьчIвала апхьарта йыцIамылс йырзынарху нхартата 25 хIуыхвитI, ауат йрыуата 11 «Апхьарта йгьи сабигIзарта» амальла йыруыхвитI. Акытква рпны апхьарти асабигIзарти штакI апны йананыргIалу файдаалапI,  адзцагаквала, агазцагаквала, ачартаквала акврыдзраква рыцIа йма чIызлитI. ХIмурадква хъйарыквын саби тыпта 2700 гIаншуштI. Асквш 2016  дза хысквша–быжьсквша йырту зымгIва асабигIзартаква рпны йхIзаныргIалуаштI. Медведев Дмитрий:  УахьчIвала акьазу зъарагIв гылуда? Темрезов Рашид: 3500гIв, ауат хысквша–быжьсквша йырту ракIвпI. Ауи йаццауата хысквша йнамдзас раныргIалрагьи хIазынхитI. Медведев Дмитрий: Щта, ауыгьи атахъдзапI. Ахвыцдзаква ъаркIуаш ъагIаншвыршауа йгIалцIла асабигIзартаква рпны атыпква ахъашврыс гьауашым. ЙшухIваз апшта, хIапхъа асквш ацIыхъвадза акьазу шшврыдзуаш йазхъасцIитI. Темрезов Рашид: Дмитрий Анатолий йпа, ажва аламкIва ауи апрограмма хIырхъйуштI. Медведев Дмитрий: ХIангIалтI.