Бютеуроссия Халкъ фронтну тири къымылдагъан келечилери саулукъ сакълауда болумгъа къараргъа келишгендиле.
Аны бла байламлы талай мониторинг бардырыр умутлудула. Октябрь-ноябрь айлада баджарылгъан ишге «Форум действий» джыйылыуда багъа берилликди.
Алайды да, сентябрны 8-де Бютеуроссия акция башланнганды – ауруб врачладан болушлукъ сакълагъанла талай соруугъа джууаб бергендиле. Айтыргъа, «сеннге болушлукъ ненча замандан этилди», «хакъсыз берилирге керекли дарманла табыламыдыла, эмда ала багъалы дарманламыдыла» дегенча соруула теджелгендиле.
РФ-ны Президенти, БХФ-ны башчысы Владимир Путинни аманаты къалай толгъанына экспертле багъа берликдиле. Бир джылны мындан алгъа БХФ-ны форумунда ауругъанла бла байламлы Владимир Путин медицина къуллукъчулагъа 21 аманат салгъанды.
Бюгюнлюкде экспертле бегитгеннге кёре, кёб зат иги джанына тюрленнгенди – «Земский доктор» деген программа кенгергенди, программагъа къошулгъан врачланы джыллары 45-ден 50-ге джетгенди, регионлада «Терк болушлукъну» машиналарын джангыртыу барады.
Комментарии