Карашай-Шеркеш Республикасы эхинококкоз бойынша Россияда экинши орында турады. Йыл сайын Черкесскте эхинококкозга 3-4 аьдем ушырайды. Специалистлердинъ айтувларына коьре, сонъгы уьш йылдынъ ишинде сол мараз бан авырыйтаганлардынъ саны эки кереге оьскен. Буьгуьнги куьнге Черкессктинъ медицина отанларында маразга ушыраган 31 аьдем эмленеди. Черкессктинъ 1 номерли кала поликлиникасынынъ хирургия боьлигининъ басшысы Любовь Джашакуева анълатканынша, сол мараз бизим регион уьшин коркынышты тувдырады, неге десе Карашай-Шеркеш Республикасы – малшылык тармагы болган республика. Тийисли ветеринария каравы берилмейтаган маллардынъ саны мал иелерининъ шуьшлери мен оьседи. Уьй маллары аьдемге эхинококкозды юктырувдынъ себеплери боладылар. Врачтынъ айтувынша, ас ишеектен алдын, гигиена йорыкларын тутувдынъ уьйкен маьнеси бар – емис-ясылшаларды ювмага керек. Эхинококкоз бан авырган маллардынъ муьшелерин ийтлерге, коклык йыятаган контейнерлерге тасламага ярамайды, неге десе сондай затлар табиатта зарарлы юмырткаларды (личинка) яйылдырувдынъ янъы айланысына келтиреди. Маллардынъ маразга ушыраган муьшелери ягылсалар ийги. Маллардынъ этиннен ас аьзирлеектен алдын, эт бек этип ювылса аьруьв. Бек сийрек йолларда мараз биревден биревге ава аркалы югады. Курт юмырткалары асказаншеклер йолларына туьсип, оннан канга, каннан туьрли муьшелерге, сом этлерге коьшедилер. Эхинококкоз бавырда, оьпкелерде, юректе, буьйреклерде, сом этлерде, суьеклерде, ойланылмаган оьзге ерлерде болмага болаяк. Мараздынъ кавыфлыгы сол, бас дегенде аьдем маразга ушыраганын билмейди. Аьдем узак заман юмырткаларды юргистеди, сонъалыкка юмырткалар оьсип, муьшеди сыркавландыратаган сисиклерге айланадылар. Сисиктинъ кавыфлыгы сол, ол ирин йыйып, сонъалыкка шатлайды эм янъы юмырткаларды денге яйылдырады. Любовь Джашакуевадынъ айтувына коьре, мараздынъ авырлыгы ол кайсы муьшеге туьскени мен байланыслы. Эгер бавыр сыркавланган болса, аьдемнинъ кускысы келеди, онъ беттеги кабыргалардынъ астында шаншув сезиледи, оьпкелерде болса, аьдем йоьт-киреди, оьзге муьшелерде – сисиклер тувадылар. Источник: riakchr.ru Предыдущая новость 990 просмотров Следующая новость Читайте также ЯШАВШЫЛАРГА КАВЫФСЫЗ ЭМ САПАТЛЫ ПРОДУКЦИЯ 23.12.2019 241 БИЛИМЛЕРИН ЭИ УСТАЛЫКЛАРЫН КОЬРСЕТТИЛЕР 04.06.2019 268 Получайте свежие новости на электронную почту Подписаться Комментарии Написать
Комментарии