Кол басувдынъ Савлайроссиялык куьнинде Черкессктинъ почтамптында Кол басувшыдынъ куьни
озды. Амалламада Федераллык Почта байланысынынъ КЧР бойынша Управлениесининъ басшылыгы,
КЧР миллетлер ислери, коьлемлик коммуникациялар
эм баспа бойынша министерствосынынъ элшилери,
Черкессктинъ Почта байланыс боьлигининъ куллыкшылары, «Комсомольская правда» газетасынынъ
редакциясынынъ элшиси, «День республики», «Ногай
давысы», «Абазашта», «Черкес хэку» эм «Карачай»
газеталарынынъ редакторлары, яратувшылык интеллигенциясынынъ элшилери, Черкессктинъ яшавшылары катнастылар.
Федераллык Почта байланысынынъ КЧР бойынша
Управлениесининъ басшысы Ахмат Лайпанов он йылдынъ
бойында озгарылатаган Кол басувшыдынъ куьни окувшыларда кызыксынувлыкпан пайдаланатаганы акында айтты.
Ол редакторларга биргелес аьрекетлик уьшин разылыгын
билдирди.
КЧР миллетлер ислери, коьлемлик билдируьвлер эм
баспа бойынша министрининъ орынбасары Ислам Хубиевтинъбелгилевинше, цифралыкэм электронлы СМИ-лердинъ оьрленуьвлерине карамай, республикамыздынъ бес
субъект туьзуьвши халкпарынынътилинде шыгатаган баспа
амаллары миллеттиллерин эм халклардынъ культураларын
саклавшылары боладылар. Социаллыксетьлердинъ, окувшылар ман йолыгыслардынъ пайдалыгы эм кол басувды
белсинлендируьв бойынша алынатаган амаллар акында
«Абазашта» газетасынынъ редакторы Фардаус Кулова
хабарлады. Онынъ билдируьвинше, почтадынъ ийги куллыкшыларын савгалав аьдети 2019 йылга кол басувдынъ
тамамлары бойынша да арбатын бардырылаяк. «Карачай»
эм «Ногай давысы» республикалык газеталарынынъ редакторлары Альберт Узденов эм Аптынай Атуова амалламады
уйгынлавшыларга эм Кол басувшыдынъ куьнинде катнаскан
кала яшавшыларына разылыкларын билдирдилер.
Амалламада соьйлеген КЧР халк шайыры Дина Мамчуева миллет тиллерин саклавда, Карашай-Шеркеш еринде
болатаган ислер акында объективли билдируьвлерди
окувшыларга еткеруьвде, янъы журналистлик кадрларды,
яс шайырларды эм язувшыларды тербиялавда миллет
газеталарынынъ орынын белгиледи.
Получайте свежие новости на электронную почту
Комментарии