СКФО В Северной Осетии в 2024 году появятся прямые авиарейсы в Нижний Новгород СКФО Сельхозкооперативы в КБР набирают популярность Актуально Региональный этап Всероссийской олимпиады по истории российского предпринимательства прошел в КЧР на базе КЧГУ Актуально Глава КЧР Рашид Темрезов в Приэльбрусье встретился с активистами Общероссийского движения детей и молодежи «Движение Первых» Актуально Глава КЧР Рашид Темрезов в Тырныаузе КБР принял участие в открытии Дворца культуры им. Кайсына Кулиева

ЛЫМГІВА ХЪТІЫЗТІ, ЙЛАШАРАЗТІ

20.05.2019 228
ЛЫМГІВА ХЪТІЫЗТІ, ЙЛАШАРАЗТІ
ГІвыра гІазлыцІуаш дшхвыцыркІву дудыритІ рхІвитІ. СынчІва Эгьдза Назир Бакьмырза йпа йыхьыз нкъвызгауа Хъвыжвду кыт аквтанай апхьарта йгІалгауа АГІАН Лиана Арсен йпхІа йапхъахауа акласс йгІашІарышвта адырраква дрызгІашыкъта, «хвба»-гІвацала дапхьауа дгІамгІвайстІ. Ланду Льольа йшылхІвауала, Лиана лымшгІвыра анапаква гІахъылрышвтпхьадза «хвба» акІвмызтын датша закIгьи зынгьи йыгьлымбатІ. АпхІвыспа гврыхва алых лымчпауата математикагьи, химиягьи, урышв йгьи абаза бызшваквагьи, арахьарат апредметквагьи лгвы аквкІта йыллырдыртІ. Лапхьаща гІалыркІгІауата апычІв классква рпны йгІашІарышвта артшхъвага грамотаква йанакІвызлакІгьи йгІалквнадыргун. Ауаса лара Лиана зымгІва рацкІысгьи урышв бызшвали литературали апхьара сахІатква лымаджьащахъван, йлымагІальаматдзата аурышв гІвгІвчваклассикква дрыпхьитІ. РыцІа бзи йылбауа Шолохов Михаил, Тургенев Иван ргІахІвахракви рроманкви ракІвпІ. ЙшхІхІваз апшта, ауи сынчІва апхьарта дгІалгитІ, йылъачІвагІахушгьи щаквлыргылхьатІ – дарыпхьагІвхуштІ. ДачІвызлакІгьи йгІайгвынгІвызапІ нархарата йгІалылхуаш – бзи йылбауа урышв бызшвали литературали дарыпхьагІвхарныс лмурадпІ, ауи ахъазла Ставрополь къральыгІва университет афилология факультет дыцІалуаштІ. – Асабиква срыдынхалырныс, йасрыпхьарныс бзи йызбитІ, йсымагІальаматпІ, – лхІвитІ АгІан Лиана. – Йхвбахауа акласс йцауа саща Замир апхьарала дгьармууым, ауаса закІ ангІайгвнымгІвуагьи гІаншитІ. Ауи ахІатырла сицхърагІитІ, сйыдынхалитІ. Лиана АгІанргІа Арсени ГІалимати ргІариква рпны дахІбапІ. Ауи амщтахь йгІайуа Льильа йжвбахауа акласс дгІалгитІ, Замир дхыгІвхитІ, айцІбачкІвын Зара асабигІзарта дцаркІвитІ. АйцІбачвагьи ахІба лшвапхала адырраква йрызгІашыкъпІ. Абаза бызшвали литературали арыпхьагІв ШенкІауа Земфира ХІамид йпхІа йшылхІвауала, Лиана ацри бызшвагьи алитературагьи лгвы аквкІта йыллырдыритІ, аолимпиадаква дрылалитІ. – Лиана йхвбахауа акласс йгІашІарышвта дасрыпхьитІта лъадаблагьи дпшдзата, лапхьащалагьи дгврыхвата акІвпІ дшыздыруа, – лхІвитІ Земфира ХІамид йпхІа. – ЙанакІвызлакІгьи лнашх лашарапІ, дгвапапІ, ахІба дгІашылта дгІамгылуата йыгьгІаншум. Ауи зынгьи закІылагьи уыгьгІалрыпхащушым, улыквгвыгъа ауаштІ. АгІан Лиана АдыгьахІабльа районла йгьи ареспубликала урышв, абаза бызшваквала, обществознаниела аолимпиадаква дрылан. Арайонла йапхъахауа агылартаква йызнымкІва йгІатылгатІ. Абаза бызшвала ареспублика олимпида апынгьи зны дапхъагылагІвхатІ, сынчІва йакІвшаз апны йхпахауа агыларта гІалквнадыргатІ. Апхьара йацлырцауата ауи ауагІахъа гІахІвыщаква тшырзылбжьатІ, йанакIвызлакIгьи ахъвыжвква гвапата йгIаргвалашвахуа акъвабызчы, КЧР-ла гIатгара змаз акультура анхагIвы Гвагв Уасман ДаткIа йпа йгьи РФ-ла гІатгара зму акультура анхагІвы Хугаев Эдуард йгІандыршаз, уахьчІва Черкес РахІмат дыздынхалуа апхьарта рансамбль «Амра» агІсквша дрылан. «Амра» хІреспубликала йбергьльу агІахІвыгІвчва гвыпква йрыуапІ, афестивальква рагІан йанакІвызлакІгьи йгІалыркІгІитІ. – Лиана апхьара йахъазымкІва зымгІвалагьи дджьгарпІ, апхъагылара хІальквагьи лылапІ, нбжьагІвыгІара ззырхІвауа гІалгвынгІвитІ йгьи хвы аквылцІитІ, йгІаджыквылцІаз ауыс налмырдзауата йыгьгІанылжьуашым, – лхІвитІ акласс унашвачпагІв Ашба Лидия Ращид йпхIа.– Ауи агІахІвра йахъазымкІва волейболгьи даситІ, ашвагьи лхІвитІ, апхьарта апны йадыргалуа йамгIан уысызлакIгьи даламылуата йгьгIанхум. Май а 24 йцІыхъвахауа ауадгьына ангІахІвачвауа йылхІвуш ашвагьи лрыхІазырхьатІ. Арат амшква Лиана йылпыру йазакІу акъральыгІва рхъвыхраква тшырзылрыхІазыритІ. Йапхъахауа акласс угІалагата бзидздзата йапхьауа апхІвыспа гврыхва архъвыхраква дахІврала дшырхъысуаш, лдырраква шлырцІабыргуаш кьангьашра гьалам. Ауат рымщтахь лбзазара атлахан шІыц амгІва дыквылуата мурадта йылкІызгьи шгІалдахІвуаш йазхъахІцІитІ.
228 просмотров


Комментарии

Написать
Комментарии >



Подписывайтесь на RIAKCHR в Одноклассниках Получайте свежие статьи и новые публикации на свой мобильный
Вступайте в сообщество RIAKCHR в “ВКонтакте” Получайте свежие статьи и новые публикации на свой мобильный
Вступайте в сообщество RIAKCHR в “Telegram” Получайте свежие статьи и новые публикации на свой мобильный