ЛЛТЫ ЕИЪУЬВШИ БЕЛГИЛЕИДИ

Туьнегуьнлерде КЧРдынъ Сайлае комиссиясында мектеплердинъ 10- 11 кпассларынынъ окувшылары арасында сайлав праводынъ эм сайлае процессининъ соравлары бойынша олимпиададынъ регионлык кезуьви озды. Сосы кезуьвде олимпиадада республикамыздынъ аьр бир районыннан эм каласыннан экисер-доьртер элши, баьриси де 26 окувшы катнастылар. Олар белгиленген тема бойынша енъил болмаган тестлерде катнастылар, оннан баска болып, яратувшылыклы борышларды да толтырдылар. Тамамларды тергегеннен сонъ, конкурслы комиссия 10-ншы кпасслардынъ арасында да, 11-нши класслардынъокувшылары арасында да уьшер енъуьвшиди белгиледи. Олар энди олимпиададынъ сонъгы кезуьвинде ортакшылык этееклер. Суьйтип, 10-ншы кпасслардынъ окувшылары арасында Черкесск каласынынъ «11» билимлендируьв орталыгы» МБОУ-дынъ окувшылары Амин Русланович Капов эм Аслан Рустамович Атабиев, Зеленчук станицасынынъ В.П.Леонов атлы 1 номерли ортак билимлендируьв мектебининъ окувшысы Ангелина Александровна Шумилова айырым белгилендилер. 11 кпасслардынъ окувшылары арасында болса, «11» билимлендируьв орталыгы» МБОУ-дынъ элшилери Бэлла Бислановна Брантова эм Никита Петрович Холин, Кавказский поселогынынъ ортак билимлендируьв мектебининъ элшиси Руслан Исламович Джашеев енъуьвшилер деп танылдылар. Яс оьспирлерди олимпиададынъ регионлык кезуьвинде енъуьв уьшин дипломлар ман савгаладылар, а калган окувшыларга амалламада катнасканлары уьшин дипломлар бердилер. Олимпиададынъ сонъгы кезуьви 7 декабрьде интернет-олимпиададынъ официаллы сайтынынъ сервислери аркалы (https://www.olimp. rcoit.ru) озаяк, тест эм яратувшылыклы борышлардан кепленеек. Олимпиададынъ тамамларын Россиядынъ Ортапык Сайлав комиссиясынынъ (ЦИК) агзаларыннан, онынъ Аппаратынынъ куллыкшыларыннан, Россиядынъ Орталык Сайлав комиссиясындагы РЦОИТ-нинъ эм Москвадынъ О.Е.Кудафин атлы оькиметлик юристлик университетининъ элшилериннен туьзилген жюри согаяк.