Бу йылдынъ 1 октябриннен 31 декабрине дейим Карашай-Шеркеш Республикасында Россия Федерациясынынъ Савытлы Куьшлерине куьзги аьскерге шакырув озгарылып басланган. Бу йыл Россия аьскерине республикамыздан 18 ясыннан 26 ясына дейим савлайы 850 яс аьдем бараяк. Яс аьдемлер Россия МВД-сынынъ ишки аьскерлерине, темир-йол эм ракета аьскерлерине, ерде юруьв аьскерине, аьскершилик-денъиз флотына, авадесант аьскерине эм МЧС аьскерине кызмет кылмага йолланаяклар. КЧР аьскершилик комиссариатынынъ ясларды аьскерге аьзирлев эм шакырув бойынша боьлик басшысынынъ орынбасары Алексей Ракитиннинъ беркиткенинше, болаяк аьскершилердинъ биринши командасы (савлайы йырма аьдем) быйылдынъ 15 октябринде аьскерге кетеек. Оннан сонъ яс аьдемлер куьн сайын да аьскерге йиберилип баслаяклар. Озган 2014 йылда республикамыздан аьскерге бир мынънан артык яс аьдем йиберилген. Сол коьрсетим мен республикамыз Кубыла аьскершилик округынынъ он бес субъекти арасында сыйлы экинши орынды алган. Республикамыздынъ аьскершилик комиссариатында беркиткенлеринше, бу йыл аьскерге бараяклардынъ саны эки кереге дейим оьстирилген. Источник: riakchr.ru Предыдущая новость 918 просмотров Следующая новость Читайте также УРАЛДАН – БЕРЛИНГЕ ДЕЙИМ 15.05.2015 329 КАЛАДЫНЪ МЕРЕКЕСИНДЕ 09.10.2015 288 Получайте свежие новости на электронную почту Подписаться Комментарии Написать
Комментарии