КУРОРТПАР ОЬРЛЕНУЬВ ШАГЫНДА

Саьрсемби куьн, 21 ноябрьде, Россия Федерациясынынъ гражданлык коршаланув ислери, аьдеттен тыскары аьллер эм табиат баьле-казалардынъ сонъалыкларын тайдырув бойынша министри Евгений Зиничев, СКФО-да Россия Президентининъ ваькил элшиси Александр Матовников эм Кабарты-Балкар ерининъ Басшысы Казбек Коков официаллы визит пен Карашай-Шеркеш Республикасын йокладылар. Онынъ калыбында Россия МЧС-нынъ етекшиси республикадынъ Басшысы Рашид Темрезов пан йолыгысты. Сонъ конаклар Рашид Темрезов пан бирге Архызда ерлескен излев-куткарув отрядты, МЧС-тинъ янъы базасын йокладылар, 2018-2019 йыллардынъ кыскы курорт шагына КЧР-дынъ тав-лыжа комплексининъ аьзирлиги мен байланыслы соравлар тергелген йыйыпыста катнастылар. Тоьменде олардынъ акында хабарлаймыз. ЙОЛЫГЫСТЫНЪ ТЕМАСЫ - БИРГЕЛЕС ИСЛЕСУЬВ Россия МЧС-нинъ етекшиси Евгений Зиничев Карашай-Шеркеш Республикасын официаллы йоклавынынъ барысында регионнынъ Басшысы Рашид Темрезов пан йолыгысты. Онынъ барысында яклар табиат эм техногенлик кепли аьдеттен тыскары аьллерди болдырмав эм йок этуьв соравларында федераллык ведомстводынъ республика ман арбатында биргелес ислесуьвининъ соравларын тергедилер. Р а ш и д Т е м р е з о в , Instagram бетинде белгилегенинше, МЧС-тинъ регионлык туьзилислерин демевлегени уьшин Евгений Николаевичке разылыгын билдирген. КЧР бойынша МЧС-тинъ автопаркы янъыртылган, материал-техникалык базасы беркитилген. Сондай болып бу соравларда биргелес ислесуьв арбатын да бардырылаягы белгиленген. Республикадынъ Басшысы Рашид Темрезов от соьндируьв-куткарув туьзилислерининъ, боьтен де, тавлы ерлерде куллык этетаганлардынъ санын оьстируьв акында тилек салувын да билдирген. Сондай керексинуьв республикада турист агымынынъ коьтерилуьвининъ сакланувы ман байланыслы. САВГАГА - АЙЫРЫМ ТЕХНИКА Республикадынъ конаклары - РФ ф едераллык министри Евгений Зиничев, СКФО-да Россия Президентининъ ваькили Александр Матовников эм КабартыБалкар ерининъ Басшысы Казбек Коков республикады йоклавларынынъ калыбында КЧР Басшысы Рашид Темрезов пан бирге Архызда ерлескен излев-куткарув отряды ман, МЧС-тинъ янъы базасы ман таныстылар. МЧС министри кыскы шакка подразделениелердинъ аьзирлигин белгиледи, сахый кызмет кылув уьшин службадынъ куллыкшыларына эм ветеранларына разылыгын билдирди эм айырым куллыкшыларга Разылыкхатлар берди. Сондай болып, Евгений Зиничев куткарув отрядына от соьндируьвши эки КамАЗ, бир УАЗ автомашиналарды, карда юруьвши машинады берди эм келеек йылдан алып тавлы ерлерде ислейтаган куткарувшылар уьшин пенсиялар янъыдан токтастырылатаганын билдирди. КЧР Басшысы Рашид Темрезов та отрядтынъ уьш куллыкшысына «КарашайШеркеш ерининъ сыйлы куткарувшысы» деген оьрметли атты берди. ТОЛЫ АЬЗИРЛИКТЕ «Архыз» ВТРК-да 2018- 2019 йыллардынъ кыскы курорт шагына КЧР-дынъ тав-лыжа комплексининъ аьзирлигининъ соравлары бойынша йыйылыс озды. Онынъ куллыгында РФ МЧС министри Евгений Зиничев, СКФО-да Россия Президентининъ ваькили Александр Матовников, Кабарты-Балкар Республикасынынъ Басшысы Казбек Коков, КарашайШеркеш Республикасынынъ Басшысы Рашид Темрезов, КЧР Халк Йыйынынынъ (Парламентининъ) Председатели Александр Иванов, КЧР Правительствосынынъ агзалары, кала округларынынъ эм муниципал районларынынъ басшылары, Россия МЧС-нинъ КЧР бойынша управлениесининъ, «Керуьв Кавказ курортларынынъ» эм йоьнелисли оьзге ведомстволардынъ басшылыклары катнастылар. Йыйылыста регионнынъ курортларында туристлик эм тав-лыжа инфратуьзилисин оьрлендируьвге, медициналык ярдам этуьвге тиетаган соравлар тергелдилер. Туристлердинъ кавыфсызлыгын аьжетсизлевге айырым эс берилди. Александр Матовников белгилегенинше, коьплеген кыраллар курортлар аркалы шешекейленедилер эм олардынъ бюджетининъ келимлертуьзилисиндетуризмнен туьсетаган келимлердинъ уьлиси сезимли. «КеруьвКавказ федераллык округынынъ табиат аьллери эм белгили ерлери тыс кыраллардыкыннан кем тувыллар, а ярасыклыгы эм оьзиншеликбаскалыклары бойынша, коьбинше аьлде, олардан да артык боладылар. Округтынъ субъектлеринде тавлыжа туризмин оьрлендируьв дырылганын эске туьсире келип, ваькил элши оны таралтувдынъ барысында округтынъ регионларында дуныялык класслы янъы курортларды курув бардырылатаганын белгиледи. Олар сервистинъ эм техникалык савытланувынынъ оьлшеми бойынша дуныядынъ белгили тав-лыжа курортлары ман тенълеспеге болаякпар. Александр Матовниковтурист агымынынъ эки кереге коьтерилуьви туристлик инфратуьзилис объектлерин курувды эм кулланувга беруьвди оьрлендирмеге керегин коьрсетеди. «Бизим курортларымызда етерше тийисли онъайлы аьллерди туьзуьвди аьжетсизлемеге, кыскы тыншаюв индустрияды туьзбеге керек эм, соьзсиз де, маршрутлардынъ баьрисинде де туристлерКУРОРТЛАР ОЬРЛЕНУЬВ ШДГЫИДА уьшин аьлемет табиат аьллери бар. Олар - тав-лыжа трассаларына яравлы онъайлы энъкевликлер, юмсак ава аьли, тебенли кар тоьсенме эм йогары сапатлы кар. Ама туризмди оьрлендируьв, тав лыжа тебуьвшилердинъ коьлемлик тыншаювын уйгынлав уьшин олар етиспееклер. Тийисли онъайлы аьллер мен аьжетсизлемеге, кыскы тыншаюв индустриясын туьзбеге керек. Сол заманда округтынъ экономикасында туризм де бас тармаклар кебинде тийисли орынды бийлеек», - деди Александр Матовников. РФ Президенти Владимир Путиннинъ тапшырувы бойынша Керуьв Кавказды кыскы тыншаюв майданларынынъ бириси кебинде оьрлендируьв уьшин керекпи инфратуьзилисти 2021 йылга дейим туьзуьв бойынша уьйкен масштаблы проект округтынъ юртында яйылтынъ айтувынша, олардынъ арасында Карашай-Шеркеш Республикасынынъ курортлары - Домбай эм «Архыз» айырым орынды бийлейдилер. Оннан баска болып, республикадынъ юртында 80-нен артык яяв туристлик маршрутлар регистрацияланганлар эм аьрекет этедилер. Тав-лыжа кластерде динъ кавыфсызлыгын аьжетсизлев айлак бек маьнели», -деди А.Матовников. Карашай-Шеркеш Республикасынынъ Басшысы Рашид Темрезов белгилегенинше, курортларды оьрлендируьв республика уьшин маьнели тема болады. «Сонъгы бес йылдынъ бойында КарашайШеркеш Республикасынынъ курортларына туристлик агымы йылына 1,2 миллион аьдемге дейим коьтерилген. Белгилеп озайым, Домбай эм Теберда - тарихлери белгили курортлар, «Архыз» ВТРК оьрленуьв йолында. Тав-лыжа инфратуьзилисин белсинли оьрлендируьв уьшин РФ Правительствосына, сонынъ санында «Керуьв Кавказ курортлары» компаниясына разыман. Туристлик агымынынъ коьтерилуьвин эске алганда, тав-лыжа шагын сапатлы озгарувга аьзирпенуьв бизим уьшин уьстинликли эсап, республикада кызыксынувлы баьри туьзилислер мен, энъ алды ман, РФ МЧСнинъ КЧР бойынша управлениеси мен, КЧР бойынша МВД ман, Росавтодор ман эм оьзгелер мен пайдалы биргелес ислесуьв ярастырылган. Буьгуьнге Карашай-Шеркеш Республикасынынъ курортлары 2018-2019 йыллардынъ тав-лыжа шагына аьзирлер, эм алдыдагы кыскы шак йогары уйгыншылык аьлде озаягына сенимлимен», -д е ­ ди Рашид Темрезов. Ол туристлик куьплерди парызлы кепте регистрациялав исин ярастырмага ой берди. Йыйылыстынъ куллыгын тамамлай келип, Евгений Зиничев тыншаювшылардынъ кавыфсызлыгын аьжетсизлевге каратылган тапшырувлар берди.