Къобан кёлде МЧС-ни къуллукъчулары, сууну юсю бла келген къыйынлыкъдан адамланы къутхарыр ючюн, не этерге кереклисин кёргюзгендиле.
Бу команда-штаб юрениулеге хазырланнган кёзюуде Къобан кёлде къайыкъда джюзюб баргъан акъыл-балыкъ болмагъанла, къайыкъ башы тюбюне айланыб, суугъа кетгенча къуугъун келгенин эсеблегендиле. Аны бла байламлы не этерге кереклисин кёргюзюрге керек да болгъандыла.
Къуугъун келгенлей, Къобан кёлню къармаб башлагъандыла – Россияны МЧС-ни КъЧР-де излеу-къоруулау отрядыны къуллукъчулары, РФ-ны МЧС-ни КъЧР-де гитче кемелени хакъындан Кърал инспекциясыны аралыгъыны водолазлары, Россияны МЧС-ни Шимал Кавказ регионал аралыгъыны пилотсуз учхан аппаратларыны авиацион-къоруулау аралыгъыны келечилери эмда суудан къутхарыу бла кюрешген къауумлары бирден ишни къолгъа алгъандыла. Алагъа болушлукъгъа Россияны МЧС-ни МИ-8 вертолёту да келгенди. Десант къауум, «суугъа кетгенлени» подъёмный устройстволаны кючлери бла къутхарыб, джагъагъа чыгъарыб, терк болушлукъну къуллукъчуларына табдыргъанды.
Бютеулей да бу юрениулеге 126 адам, 26 техника кюч къошулгъандыла.
Юрениуле мийик дараджада ётгенлерини, бютеу бёлюмле да толу хазырлыкъ танытханларын чертгенди Россияны МЧС-ни КъЧР-де Баш управлениесини тамадасыны заместители Антон Приходько.
Комментарии