«Россоюзспас» Къарча-Черкесла ашIыпIа хъвшара йгьи Россия МЧС а-Къарча-Черкес пшгIара-хчара гвып акъвырльыкъвхагIвчва Аксаут быхъвбжьара апны КIавкIаз гIазхчаз айсыгIвчва рыхъазла чвахъабага дыргылтI йгьи мемориал гъвы кIыдырцIатI. Атурых йшгIанахIвауала, Къарча-Черкес ашта апны йакIвшаз айбащраква йрыуата Марыхв щхъахъысырта гIахчара йазынархаз рыцIа йымчын. КIавкIаз ДУ амараташвартала йаныргIалыз метр 2739 зхIагIараз ащхъахъысырта айсра агIан й-2940-хауа ахысчва дивизия й-808-хауа йгьи й-810-хауа аполкква йырхчун. Ауат ракIвпI «Эдельвейс» дивизия гIашIазкIыз. Асквш 1962 сентябрь агIан ащхъахъысырта йгьи Къаракъай ахъыкв рпны айбащра мчква рыщта гIараутI: ахыхъвшвква, агIвычIвгIвыс хъвадиква. Ауи агIан Ставрополь край йгIаннаршаз агвып айсыгIвчва рхъвадиква адыркIылын, асквш 1962, октябрь а 1 Зеленчук станица апны йыцIарцIахтI. Сквшщарда анахъыцI Марыхв щхъахъысырта апны «Эдельвейс» дивизия йырпшIагылыз айсыгIвчва рхъмаштылра йазынархата митинг акIвшатI. КIавкIаз щхъахъысыртаква асолдатква ракIвымкIвагьи а-Тенгьыз КвайчIва флот аморякква йырхчун, ауат Марыхв щхъахъысырта хъыргIвун, – йхIватI Россия МЧС йаланакIуа Архыз пшгIара-хчара хъвшара аунашвачпагIв Мыльников Сергей. – ХIабачва, хIабадучва рфырра йгIадзынгылуа абанпараква чIахI азырчпауата йымгIвайсра атахъыпI.
«Россоюзспас» Къарча-Черкесла ашIыпIа хъвшара йгьи Россия МЧС а-Къарча-Черкес пшгIара-хчара гвып акъвырльыкъвхагIвчва Аксаут быхъвбжьара апны КIавкIаз гIазхчаз айсыгIвчва рыхъазла чвахъабага дыргылтI йгьи мемориал гъвы кIыдырцIатI. Атурых йшгIанахIвауала, Къарча-Черкес ашта апны йакIвшаз айбащраква йрыуата Марыхв щхъахъысырта гIахчара йазынархаз рыцIа йымчын. КIавкIаз ДУ амараташвартала йаныргIалыз метр 2739 зхIагIараз ащхъахъысырта айсра агIан й-2940-хауа ахысчва дивизия й-808-хауа йгьи й-810-хауа аполкква йырхчун. Ауат ракIвпI «Эдельвейс» дивизия гIашIазкIыз. Асквш 1962 сентябрь агIан ащхъахъысырта йгьи Къаракъай ахъыкв рпны айбащра мчква рыщта гIараутI: ахыхъвшвква, агIвычIвгIвыс хъвадиква. Ауи агIан Ставрополь край йгIаннаршаз агвып айсыгIвчва рхъвадиква адыркIылын, асквш 1962, октябрь а 1 Зеленчук станица апны йыцIарцIахтI. Сквшщарда анахъыцI Марыхв щхъахъысырта апны «Эдельвейс» дивизия йырпшIагылыз айсыгIвчва рхъмаштылра йазынархата митинг акIвшатI. КIавкIаз щхъахъысыртаква асолдатква ракIвымкIвагьи а-Тенгьыз КвайчIва флот аморякква йырхчун, ауат Марыхв щхъахъысырта хъыргIвун, – йхIватI Россия МЧС йаланакIуа Архыз пшгIара-хчара хъвшара аунашвачпагIв Мыльников Сергей. – ХIабачва, хIабадучва рфырра йгIадзынгылуа абанпараква чIахI азырчпауата йымгIвайсра атахъыпI.
Читайте также
АЦЫНХАРА ТШАУАЦIНАХИТI АЦЫНХАРА ТШАУАЦIНАХИТI
11.09.2015
270
АЗГIВАДАРАХЧАРА УЫСКВА ЙРЫЛАПШТIКЧР
28.12.2018
617
Получайте свежие новости на электронную почту
Комментарии