ХIЦРИ БЫЗШВА АЗЫНХАРАЛА ЛБОРЧ ЛЫРХЪЙАТIЙЪАЧІВАГІА

«Россия Федерация-ла гІатгара зму арып-хьагІв» ЧІахІра хьзы гІазкв-надыргаз, Къарча-Черкес педагогика училища (кол-ледж) апны абаза быз-швала, литературала йгьи методикала йарыпхьа-гІвыз, ужвы тшпсщара йчІву ЛАГІВЫЧВ Хаджьат ГІайса йпхІа хІцри быз-шва йадынхалуа рыуа щардагІвы лыхьыз пха-та йырхІвитІ.Зуыс йазъазата йын-къвызгаз ари агІвычІв-гІвыс гвымчІва Черкесск администрация арып-хьарала ахъвшара апны арыпхьара-методика со-вет далата абаза быз-швала апрограмма лыр-хъвыхуан, Къарча-Чер-кес къральыгІва универ-ситет ацри бызшваква-ла акафедра аъачІва-гІагІвчва аргваныта дры-цынхун, йхпахауа акласс ахъазла абаза бызшва-ла апхьага даавторпІ.ЛагІвычв Хаджьат лынцІ-ра-бзазара, луыснкъв-гаща, абаза бызшва йаз-лыму азцІабыргра йъагІакв-чважвауа агІвыраква йаз-нымкІва «Абазашта» га-зет йгІанылтІ. Ауи лцри газет бзи йшылбауа йыз-нымкІва йгІалырбатІ. Йал-рыпхьуз астудентква ага-зет гІацІрымгІвгІакІва йгьыр-зылымуазтІ, ауат ргІвы-раква хІзыгІалщтиуан, абызшва бзита йызлыр-дырыз йрыуата аредак-ция йынхауагьи гьмачІ-гІвым.Асквш 1938 агІан Ма-лоабазинскІ кыт ййыз Ха-джьат ГІайса йпхІа ЧквтІу-ргІа дыртпхІапІ. Лсаби-хъа лыквлагІвчва зымгІва рапшта майрата йгьа-кІвымшатІ. Ага ауаса йа-ъазтынгьи, абаргвыра-ква дшырсайыз, нхаракІ-гьи дачвымшвауа дшгІа-дзынгылыз лхІвитІ.– ХІаба дмеханизато-рын, акомбайн даквчІва-та дынхун, рхъа щарда дырщтиуан. Ауи йхауа ауыс къральыгІва магІны ъамаз йгІалцІла айсра-гьи дгьрымгатІ. Артш-хъвагаква гІайыртуа дын-хун, – лхІвитІ апхІа ауи азаман гІалгвалашвах-уата. – ХІан депутатта даналырх сквш 34 рахІа дгьыртамызтІ, ауыгьи йап-шым артшхъвагаква, асо-гІаква йашІамсуа йгІалкв-надыргун. ХІани хІаби рымш гьырзымхъузтІ, ауи апшта анхара йачІвынта. Саща Жорагьи саргьи йалкІгІата йхІхьпшуаз хІанду Мслимат лакІвын. Ауи апхІвыс гвыбзыгъа лбжьагажваква бжьара-та йхІзалуа хІгІадзынгыл-уан. ХІъачІвуши хІъагыл-уаши гІдыруа, ъадаб хIыквта, хІхъагвы аквы-та хІщаквгылызтын, ай-хІара ауи лакІвпІ йызб-зиру. Ауи ларгьи архъа апны уатра лыман, кІар-тІоф щардата йгІалриуан. Къазма шІыпІа апны атІа-ма цІлауатраква, аджьу-зым йапхъахауата йлаз-цІаз хІаба йаба ЧквтІу ХІаджьы уыжвгІандзара-гьи йыхьыз рхІваркІвитІ. Ауи аколхоз апны ацІла-уатраквагьи дрыдынхал-уан. Ауи агІан хІадгьыл-ква рпны харбыз щар-дата йларцІун. Йыздыр-хитІ трудоденьта уандыркІ азна хІызгІаргта. Ауи ахарбыз ажвлаква рапш ужвы йгьаъахым. Абара-уаса хІахІбачва Къазма адгьылква гвыбзыгъата йрыдынхалуа йгІащтІырх-уан.Хаджьат асквш 1945 агІан апхьарта йапхъа-хауа акласс дыцІалтІ. Пхата йгІалгвалашвахитІ апхьара бзи йылзырбаз, дырра цІола лауырныс ргвышхвагІвта йылзалыз ланща йпа Агача Амыр-бии ауи йхъапщыли. Йпщ-бахауа акласс амщтахь АбазахІабльа апхьарта йцумца рапхьара шна-дырдзахуаз, гъынгьи пхын-гьи хкилометркІ – ауыла, хкилометркІгьи арыла йшгІамырдуз, йгІапсары-гьи апхьара йшазгІашы-къыз лхІвахитІ. – Апхьарта апны бзи-та йгІахIыдынхалуан, хІа-рыпхьагІвчва ракІвымкІва агрек арыпхьагІвчвагьи найуамца хІадрыпхьун. Йбыжьбахауа акласс сан-гІалга 13 сквша ахІа сгьыр-тамызтІ, сдудздзахазшва тшызбун. Ауи агІан акІвпІ сарыпхьагІвхарныс шста-хъу сазхъвыцуа санала-га. Ауи щатагьи аман. Айсра йаладзыз сан ла-ща рыцхІа Агача Аскьар-би СахІатгьари йпа ап-хьартагьи Клухори (Ка-рачаевск) педагогика инс-титутгьи «хвба»-гІвацала дапхьатІ, диплом къап-щы йыман. Апсуа апхьар-та директорта дырщти-йын, мызкІы ахІа дным-хаскІва Абашта айсра Ду гІалаган дыргатІ. Йапхъа-хуз йынхашагьи хІан дцан йгІацІылгахтІ. Сан саргьи ауи йапшта сарыпхьагІвха-ра лтахъын, сшвъаква гІган Черкесск педучи-лища йрыхІттІ. ХІкыт аса-биква ГрушкІа къвтыр йа-уаз хІрыцапхьунта урышв бызшва бзита йыгІдыр-уан. Педучилища саны-цІал ауи бзита йгІасы-хъвахтІ, сынбжьагІвчва-гьи сырцхърагІун. Агыр-ба ФатІима-хІва заджв дсыцапхьунта аурышв бызшва лчвыбаргвын, ауаса математикала ахІи-сапква ласдзата йылч-пун, лхъа ауаса йбзийын-та. Ауи азадача урышв бызшвала сара сылзап-хьумца, лара йгІацІцІуа агвынлыргІвуан. Ауаса ацацхърагІара хІызбжьан. Историяла хІарыпхьагІв Анатолий Филипп йпа йгьи урышв бызшвала хІазрыпхьуз Татьяна Ти-мофей йпхІа швабыж бзита йгІахІыдынхалуан,–йгІалгвалашвахитІ Ха-джьат ГІайса йпхІа. Запхьара алзыргаз ап-хІвыспа асквш 1957 агІан Къвбина ЛагІвычвргІа рунагІва днашылтІ. Ауа-ъа 2–3 сквшы руацІа агІвадахьыла йаныргІалыз апхьарта дынхатІ. Ауи йа-директорыз Бала Къвыр-манби Хвыц йпа йцхъра-гІара бзи дацІата лынха-ра шджвыквылцІаз гІа-лылкІгІитІ. Йылхъапщы-лахаз Петр дырра бзи змаз дрыуан. Ауи Джьгва-ты район апны инструк-торта дшынхузымцара абаза газет аредакция апартийна хъвшара нхара асквш 1960 агІан дгІарщтитІ. АтгІачва Черкесск город-ла йгІаквачхра атахъхатІ. Хаджьатгьи асабигІзар-та далаган, бжьагІвыта пщысквша дынхатІ. Ауа-са йшаъазымца Петр аобком рунашвала Рос-тов йхІаракІу апартия ап-хьарта йъачІвагІадырра йалайырхІарныс дырщ-титІ.– ЗаманкІла йанс-хъазха хІпны сцахын, асабиква сан йылкІуамца МалоабазинскІ апхьарта апычІв классква асрып-хьауа сынхатІ. Пщыскв-ша анцІы йаргьи йап-хьара алйырган, аредак-ция апартийна хъвшара йнапІыцІата ддыргылтІ, фатаргьи гІахІырттІ. Сар-гьи корректорта аредак-ция салагатІ, Ажьи Зоя слыдзхъачІвата сынхун. Щарда йнамихуата йара агазет даредактор хъа-дата ддыргылхын, агІвыджь хІацынхарныс йгьамуых-уазтІ. Ауи йгІалцІла пед-училища абаза бызшва-ла йасрыпхьарныс сырщ-титІ, ауаъа йынхуз Мура-тыкъва Николай аредак-цияла дгІаргхтІ, – йгІал-гвалашвахитІ Хаджьат.Араъа йгІалкІгІара ата-хъызапІ ари ампсахра файда ду шгІалцІыз. Му-ратыкъва Николай ауи абзирала йагъьу джурна-листхатІ, дыгІвгІвхатІ, хІцри бызшва атшауацІыхра къару ду алайцІатІ, йпсы ъадзатаз ауи дазынхатІ. ЛагІвычв Хаджьат лна-пІы йгІацІцІыз абаза быз-швала йарыпхьагІвхатІ, йметодистхатІ, йжурна-листхатІ, йапхьахьахатІ, аунашвачпара ъанатІа-ква рымата йынхитІ. Ауи хІыбызшва бзибарата йаз-лыму злалымцІаз мачІ-сачІпІ. ХІкъраль апсах-раква джвыквылта арып-хьара уысква антІахса-хагьи лгвы зынгьи йыгькІа-лымрыхІатІ, йылхуз ауыс-гьи гьщтІалымцIатI.Лапхьара сахІатква швапхата йгІалыркІгІауа, арыпхьарали наукали КЧР йгьи Россия Федерация рминистерстваква рыртш-хъвагаква гІалквнадыр-гауа лборч лырхъйатІ. Сквш 50 райхIа зцри бызшва абанпараква йры-лазгауа йынхаз арып-хьагІв бзидздза «АуагІа арыпхьара а-Отличник», ауи амщтахь «КЧР-ла гІат-гара зму арыпхьагІв» чІахІра хьызква дрынкъв-гагІвхатІ. ЙащтагІайуата жвиц гІарбаракІла дагъь-та дгІалыркІгІан, «Россия Федерацияла гІатгара зму арыпхьагІв» ЧІахІра хьзы гІалквнадыргатІ.ЛагІвычв Хаджьат ГІай-са йпхІа хІцри бызшва къалата йацІагылаз ауа-гІаква дрылапхьадзапІ. Ауи тшпсщара дчІвахызтІ-хІва кьангьашра зтахъу йара ужвыгьи тшылзына-дырхитІ.УахьчІвала ауи лгІари-ква Валерий йгьи Светла-на райгвыгІврала дкІвыр-шапІ, ауат йгІарыцІагыл-хыз рсабиква йатарса-биху рдахІвраква гвыш-хвара дута йылзалитІ. ЛынбжьагІв цІабыргы, пед-училища апны физика-ла йазрыпхьуз Светла-на Ермолай йпхІи лари хъвлапныла ргвы пшыхь тадрысуа агород апарк гІамырдалитІ, рчкІвынхъа гІаргвалашвахитІ, йшын-хаквуз абархІвуа ртшпсща-ра заман ргитІ. Ауат хІан-рыгІвсуа хІгІашІамсуата, хабаркІ гІахІымрахахуа-та йыгьцум.СынчІва апхын сквш 80 зхъыцІыз арыпхьагІв гвымчІва, агІвычІвгІвыс гврыхва лквпшырала дшпшдзаз апшта дгІан-хатІ, лажвынтахъа штын-чу кьангьаш гьалам. Ауи лызгІвадара дгІанаргвыш-хвауа сквшщарда гІаныл-цІырныс лзыхІтахъпІ.