СОБР йгьи ОМОН аофицерква айсра-патриот
бжьара нархара змата
йадыргалыз айззараква
йрылаз апхьагIвчва рыхъазла йакIвдыршаз ахъацIара апхьара сахIатква
рпны Абашта ахчагIвы
й-Псадгьыл дазцIабыргта къвырльыкъв шихауа,
хIкъраль атурых йгIалахаз
аполкква зырцуз айсыгIвчва пчарыхIква, архъвква
рунашвачпагIвчва, Абашта айсра Ду афырква, йапшым айсраква рагIан айгIайраква шгIатыргуз йаквчважватI. «Росгвардия»
КЧР-ла а-УнашвахъцIарта
акъвырльыкъвхагIвчва йгIадрысабапуа абджьарква,
айсра техника, СОБР йгьи
ОМОН аофицерква йшабакIуа, йшкшауа апхьагIвчва
йджьарщатI. АпхьагIвчва
АК-74 йгIаквху атшыбжьага автомат шамцIырхуа-йшамцIарцIауа тшазырбжьатI. РыцIа йщаласу атшыбжьартаква рпны
ркъаруква гIадырбатI.
СОБР йгьи ОМОН
рпны акъвырльыкъвхара зымаджьащахъву апхьагIвчва азцIгIараква
рщардан. АхабзахчагIвчва
асасчва йрымагIальаматыз азцIгIараква джьауап рырттI, «Росгвардия»
йаланакIуа йхIаракIу айсра апхьартаква рпны чкIвыныргIа йшадрыпхьауа,
йшырбжьауа йгIаквчважватI.
– Бзита йапхьауа, аспорт
тшыбжьараква акIвзыршауа ракIвпI «Росгвардия» йхIаракIу айсра апхьартаква йзыцIалуа, –
йгIаликIгIатI ОМОН аофицер Э. Мурат.
Айчважвараква рымщтахь «Росгвардия» акъвырльыкъвхагIвчви апхьагIвчви Черкесск город йаныргIалу АйгIайра гIатызгаз
совет айсыгIв йчвахъабага апны йайззатI. Ауаъа афырква хъмаштылра
дакъикъа йрызгылтI, ачвахъабага ащапIы ахIврапшдзаква щтIарцIатI.
– Абашта ахчагIвы йыМшгьи хIкъраль, хIуагIахъа ртурых йапщылапI.
Ауи йгIалцIла, йапшым
асквшква рагIан хIкъраль
гIазхчаз афырква зынгьи
йхIхъхIраштылра гьатахъым. Асабиква р-Псадгьыл бзи йырбауата,
р-Абашта ахчара йазыхIазырта йгIадзынхIыргылырквын, хIкъраль йгIапшIагылуа рмурад пIайква гьхъйушым, – йхIватI
Э. Мурат апхьагIвчва тшырзынайырхауата.
Анйара амщтахь апхьагIвчва концерт йадырпшырныс Черкесск
акультура Дворец йдрайгватI.
Получайте свежие новости на электронную почту
Комментарии