Къэбэрдей-Балъкъэрым мы гъэм етIуанэу щагъэлъэпIащ Адыгэхэм (шэрджэсхэм) я гуфIэгъуэ махуэшхуэр. Абы ирихьэлIэу республикэм и къалэхэмрэ къуажэхэмрэ зэIущIэ гъэщIэгъуэнхэр, зэхыхьэ гукъинэжхэр, зэпеуэ щхьэпэхэр щрагъэкIуэкIащ. Налшык Профсоюзхэм щэнхабзэмкIэ я уардэунэм гуфIэгъуэ концерт ин фокIадэм и 19-м щекIуэкIащ. Пшыхь гуапэм къекIуэлIащ зи анэдэлъхубзэм, зи адыгэбзэ дахэм пщIэ хуэзыщIыж куэд. Апхуэдэуи абы къеблэгъащ нэгъуэщI лъэпкъхэм ящыщ, адыгэхэм ди гуфIэгъуэ махуэшхуэр къыддэзыгуэшыну зи мурад цIыхухэр. Лъэпкъ фащэ екIукIэ зэщыхуэпыкIа щIалэгъуалэр утыку къихьа нэужь, адыгэ лъэпкъ пщыкIутIыр кърабжэкIащ икIи дяпэкIэ ди лъэпкъ жыгым хэщIыныгъэ имыгъуэтыну, абы тхьэмпэщIэхэр къыпыкIэурэ зиужьыну, лъэпкъ къуэпсыр мыгъуну, ефIэкIуэну хъуэхъуащ. Къэбэрдей-Балъкъэрым и цIыхубэ усакIуэ, Социалист Лэжьыгъэм и ЛIыхъужь, КъБР-м и къэрал саугъэтым и лауреат, Горький Максим и цIэкIэ щыIэ Къэрал саугъэтыр зыхуагъэфэща КIыщокъуэ Алим и «Си адыгэ Хэку» усэм езыр къеджэу архивым къыхахыжам къызэхуэсахэр щIагъэдэIуащ. ЩоджэнцIыкIу Алий и цIэр зезыхьэ Къэбэрдей къэрал драмэ театрым и артисткэ КIэхумахуэ ФатIимэ хъуэхъу дахэкIэ пшыхьым кърихьэлIахэм захуигъэзащ, адыгэбзэм теухуа уси къахуеджащ. - Ди нэхъыжьыфIхэ, ныбжьэгъу лъапIэхэ, ди къуэшхэ, ди шыпхъухэ! Мы махуэхэм дуней псом щыдогъэлъапIэ нэгъабэ япэу дыубла Адыгэхэм ди махуэшхуэр, - захуигъэзащ пшыхьым кърихьэлIахэм Дунейпсо Адыгэ Хасэм и тхьэмадэ Сэхъурокъуэ Хьэутий. Лъэпкъым ди щхьэм кърикIуа щIэщхъушхуэр, гузэвэгъуэшхуэр зэи тщыгъупщэнукъым. Абы и зэранкIэ адыгэ лъэпкъыр дуней псом дыщызэбгрыдза дыхъуащ. Ар уIэгъэ мыкIыжу ди лъэпкъым и псэм сыт щыгъуи телъынущ. ЗэрытщIэщи, щыгъуэм щыгъуэ къешэ. Илъэс зыбжанэ хъуауэ Дунейпсо Адыгэ Хасэр, адыгэхэр дызыщIэхъуэпс Iуэхур къыдэхъулIащ. Ди щIэблэм блэкIар ящымыгъупщэу, къэкIуэну махуэм гукъыдэж, гуфIэгъуэ, дэрэжэгъуэ яIэу IущIэн, я фащэ екIухэр щагъэлъэгъуэн, джэгу дахэ щаублэн махуэу Дунейпсо Адыгэ Хасэм къыхэтлъхьа унафэр КъБР-м и Iэтащхьэ КIуэкIуэ Юрий къызэрыддиIыгъам папщIэ фIыщIэ худощI. Тхьэр арэзы къыхухъу. Сэхъурокъуэ Хьэутийрэ Къэбэрдей Адыгэ Хасэм и тхьэмадэ, «Адыгэ псалъэ» газетым и редактор нэхъыщхьэ ХьэфIыцIэ Мухьэмэдрэ дуней псом щыцIэрыIуэ, адыгэ лъэпкъыр зэрыгушхуэ «Кабардинка» къэрал академическэ къэфакIуэ ансамблым иратыжащ Дунейпсо Адыгэ Хасэм а гупым хуигъэфэща «Адыгэ лъэпкъым и хъугъуэфIыгъуэ» щIыхьыцIэм щыхьэт техъуэ тхылъыр, адыгэ лъэпкъ гъуазджэм зегъэужьыным, дунейпсо щэнхабзэ зэпыщIэныгъэхэр гъэбыдэным хэлъхьэныгъэфI зэрыхуащIам папщIэ. ГуфIэгъуэ пшыхьыр ягъэдэхащ «Кабардинка» къэрал академическэ къэфакIуэ ансамблым (художественнэ унафэщIыр КъБР-м щIыхь зиIэ и артист Атэбий Игорщ), «Балкария» IуэрыIуатэ-этнографие къэрал ансамблым (художественнэ унафэщIыр КъБР-м щIыхь зиIэ и артист Кудаев Хьэсэнщ), уэрэдымрэ къафэмкIэ «Тэрч къэзакъхэр» къэрал ансамб-лым (художественнэ унафэщIыр КъБР-м гъуазджэхэмкIэ щIыхь зиIэ и лэжьакIуэ Бочаровэ Галинэщ), УФ-м и Правительствэм и саугъэтым и лауреат, Адыгэ Республикэм уэрэдымрэ къафэмкIэ и «Ислъэмей» къэрал ансамблым (художественнэ унафэщIыр композитор цIэрыIуэ Нехей Аслъэнщ), Къэрэшей-Шэрджэс Республикэм къафэмкIэ и «Меркурий» театрым (Къэрэшей-Шэрджэс, Абхъаз республикэхэм я цIыхубэ артист Тание Валерэщ), «Шэджэм псыкъелъэхэр», «Кавказ», «Нартсанэ» уэрэджыIакIуэ гупхэм, УФ-м щIыхь зиIэ и артист, Налшык и Музыкэ къэрал театрым и уэрэджыIакIуэ Ташло Алий, Къэбэрдей-Балъкъэр, Къэрэшей-Шэрджэс, Адыгэ, Ингуш, Осетие Ищхъэрэ-Алание, Шэшэн республикэхэм я цIыхубэ артист Нэхущ Чэрим, Къэбэрдей-Балъкъэр, Къэрэшей-Шэрджэс, Адыгэ, Ингуш, Осетие Ипщэ республикэхэм я цIыхубэ артисткэ Сокъур Ольгэ, КъБР-м щIыхь зиIэ и артист Зеущэ Iэуес, Къэбэрдей-Балъкъэр, Адыгэ республикэхэм щIыхь зиIэ я артист Гуазэ Тимур, КъБР-м щIыхь зиIэ и артисткэ Бэрэгъун Марианнэ, дунейпсо щэнхабзэ фестивалхэм плIэнейрэ пашэ щыхъуа, лъэпкъыр зэрыгушхуэ щIэблэхэм ящыщ Къалмыкъ Тамерлан, нэгъуэщIхэми. Хабзэ хъуауэ, адыгэм и дэтхэнэ гуфIэгъуэми и кIэух уджымкIэ пшыхь гуапэр зэхуащIыжащ. Къызэхуэсахэр Сэхъурокъуэ Хьэутий ехъуэхъуащ Дунейпсо Адыгэ Хасэм и тхьэмадэу зэрыхахыжамкIэ. Уэрэдхэр, хъуэхъухэр, усэхэр, лъэпкъ къафэхэр, макъамэхэр куэду щызэхэухуэна концерт щIэщыгъуэр кърихьэлIахэм ягу дыхьэнтэкъэ?! ЗэрытщIэщи, къафэмрэ макъамэмрэ бзэ хуэныкъуэкъым. Лъэпкъ фащэ да-хэкIэ зэщыхуэпыкIа, къафэхэр пылъхьэншэу зыгъэзащIэ, дыкъэзыгъафэ, дыкъэзыгъэудж ди къэфакIуэ Iэзэхэм я утыку итыкIэм хэплъагъуэрт лъэпкъым къыдекIуэкI хабзэ дахэхэр. ЗэфIэкI ин зыбгъэдэлъ, адыгэбзэр екIуу зыгъэбзэрабзэ, гукъыдэжрэ дэрэжэгъуэрэ къыдэзыт артист пашэ-хэм, уэрэджыIакIуэхэм уащыкIэлъыплъкIэ наIуэт адыгэ лъэпкъыр дызэрымыкIуэдыжынур, дяпэкIи дызэрефIэкIуэнур, кIуэ пэтми зэрызыдужьынур. Махуэшхуэ концертым зыкърагъэхьэлIащ КъБР-м и Парламентым и УнафэщI Егоровэ Татьянэ, Къэбэрдей-Балъкъэрым и Iэтащхьэм и Администрацэм и УнафэщI Къуэдзокъуэ Мухьэмэд, министрхэм, республикэм и къалэ, район администрацэхэм я Iэтащхьэхэм, ирагъэблэгъахэм. КъищынэмыщIауэ, пшыхьым къекIуэлIащ Къэрэшей-Шэрджэс, Адыгэ республикэхэм, хамэ къэралхэм щыпсэууэ махуэшхуэр Хэкужьым щызыгъэлъэпIэну, ди зэкъуэтыныгъэр, зэкъуэшыныгъэр нэхъри зыгъэбыдэну хущIэкъуа ди лъэпкъэгъухэр. Источник: riakchr.ru
Къэбэрдей-Балъкъэрым мы гъэм етIуанэу щагъэлъэпIащ Адыгэхэм (шэрджэсхэм) я гуфIэгъуэ махуэшхуэр. Абы ирихьэлIэу республикэм и къалэхэмрэ къуажэхэмрэ зэIущIэ гъэщIэгъуэнхэр, зэхыхьэ гукъинэжхэр, зэпеуэ щхьэпэхэр щрагъэкIуэкIащ. Налшык Профсоюзхэм щэнхабзэмкIэ я уардэунэм гуфIэгъуэ концерт ин фокIадэм и 19-м щекIуэкIащ. Пшыхь гуапэм къекIуэлIащ зи анэдэлъхубзэм, зи адыгэбзэ дахэм пщIэ хуэзыщIыж куэд. Апхуэдэуи абы къеблэгъащ нэгъуэщI лъэпкъхэм ящыщ, адыгэхэм ди гуфIэгъуэ махуэшхуэр къыддэзыгуэшыну зи мурад цIыхухэр. Лъэпкъ фащэ екIукIэ зэщыхуэпыкIа щIалэгъуалэр утыку къихьа нэужь, адыгэ лъэпкъ пщыкIутIыр кърабжэкIащ икIи дяпэкIэ ди лъэпкъ жыгым хэщIыныгъэ имыгъуэтыну, абы тхьэмпэщIэхэр къыпыкIэурэ зиужьыну, лъэпкъ къуэпсыр мыгъуну, ефIэкIуэну хъуэхъуащ. Къэбэрдей-Балъкъэрым и цIыхубэ усакIуэ, Социалист Лэжьыгъэм и ЛIыхъужь, КъБР-м и къэрал саугъэтым и лауреат, Горький Максим и цIэкIэ щыIэ Къэрал саугъэтыр зыхуагъэфэща КIыщокъуэ Алим и «Си адыгэ Хэку» усэм езыр къеджэу архивым къыхахыжам къызэхуэсахэр щIагъэдэIуащ. ЩоджэнцIыкIу Алий и цIэр зезыхьэ Къэбэрдей къэрал драмэ театрым и артисткэ КIэхумахуэ ФатIимэ хъуэхъу дахэкIэ пшыхьым кърихьэлIахэм захуигъэзащ, адыгэбзэм теухуа уси къахуеджащ. - Ди нэхъыжьыфIхэ, ныбжьэгъу лъапIэхэ, ди къуэшхэ, ди шыпхъухэ! Мы махуэхэм дуней псом щыдогъэлъапIэ нэгъабэ япэу дыубла Адыгэхэм ди махуэшхуэр, - захуигъэзащ пшыхьым кърихьэлIахэм Дунейпсо Адыгэ Хасэм и тхьэмадэ Сэхъурокъуэ Хьэутий. Лъэпкъым ди щхьэм кърикIуа щIэщхъушхуэр, гузэвэгъуэшхуэр зэи тщыгъупщэнукъым. Абы и зэранкIэ адыгэ лъэпкъыр дуней псом дыщызэбгрыдза дыхъуащ. Ар уIэгъэ мыкIыжу ди лъэпкъым и псэм сыт щыгъуи телъынущ. ЗэрытщIэщи, щыгъуэм щыгъуэ къешэ. Илъэс зыбжанэ хъуауэ Дунейпсо Адыгэ Хасэр, адыгэхэр дызыщIэхъуэпс Iуэхур къыдэхъулIащ. Ди щIэблэм блэкIар ящымыгъупщэу, къэкIуэну махуэм гукъыдэж, гуфIэгъуэ, дэрэжэгъуэ яIэу IущIэн, я фащэ екIухэр щагъэлъэгъуэн, джэгу дахэ щаублэн махуэу Дунейпсо Адыгэ Хасэм къыхэтлъхьа унафэр КъБР-м и Iэтащхьэ КIуэкIуэ Юрий къызэрыддиIыгъам папщIэ фIыщIэ худощI. Тхьэр арэзы къыхухъу. Сэхъурокъуэ Хьэутийрэ Къэбэрдей Адыгэ Хасэм и тхьэмадэ, «Адыгэ псалъэ» газетым и редактор нэхъыщхьэ ХьэфIыцIэ Мухьэмэдрэ дуней псом щыцIэрыIуэ, адыгэ лъэпкъыр зэрыгушхуэ «Кабардинка» къэрал академическэ къэфакIуэ ансамблым иратыжащ Дунейпсо Адыгэ Хасэм а гупым хуигъэфэща «Адыгэ лъэпкъым и хъугъуэфIыгъуэ» щIыхьыцIэм щыхьэт техъуэ тхылъыр, адыгэ лъэпкъ гъуазджэм зегъэужьыным, дунейпсо щэнхабзэ зэпыщIэныгъэхэр гъэбыдэным хэлъхьэныгъэфI зэрыхуащIам папщIэ. ГуфIэгъуэ пшыхьыр ягъэдэхащ «Кабардинка» къэрал академическэ къэфакIуэ ансамблым (художественнэ унафэщIыр КъБР-м щIыхь зиIэ и артист Атэбий Игорщ), «Балкария» IуэрыIуатэ-этнографие къэрал ансамблым (художественнэ унафэщIыр КъБР-м щIыхь зиIэ и артист Кудаев Хьэсэнщ), уэрэдымрэ къафэмкIэ «Тэрч къэзакъхэр» къэрал ансамб-лым (художественнэ унафэщIыр КъБР-м гъуазджэхэмкIэ щIыхь зиIэ и лэжьакIуэ Бочаровэ Галинэщ), УФ-м и Правительствэм и саугъэтым и лауреат, Адыгэ Республикэм уэрэдымрэ къафэмкIэ и «Ислъэмей» къэрал ансамблым (художественнэ унафэщIыр композитор цIэрыIуэ Нехей Аслъэнщ), Къэрэшей-Шэрджэс Республикэм къафэмкIэ и «Меркурий» театрым (Къэрэшей-Шэрджэс, Абхъаз республикэхэм я цIыхубэ артист Тание Валерэщ), «Шэджэм псыкъелъэхэр», «Кавказ», «Нартсанэ» уэрэджыIакIуэ гупхэм, УФ-м щIыхь зиIэ и артист, Налшык и Музыкэ къэрал театрым и уэрэджыIакIуэ Ташло Алий, Къэбэрдей-Балъкъэр, Къэрэшей-Шэрджэс, Адыгэ, Ингуш, Осетие Ищхъэрэ-Алание, Шэшэн республикэхэм я цIыхубэ артист Нэхущ Чэрим, Къэбэрдей-Балъкъэр, Къэрэшей-Шэрджэс, Адыгэ, Ингуш, Осетие Ипщэ республикэхэм я цIыхубэ артисткэ Сокъур Ольгэ, КъБР-м щIыхь зиIэ и артист Зеущэ Iэуес, Къэбэрдей-Балъкъэр, Адыгэ республикэхэм щIыхь зиIэ я артист Гуазэ Тимур, КъБР-м щIыхь зиIэ и артисткэ Бэрэгъун Марианнэ, дунейпсо щэнхабзэ фестивалхэм плIэнейрэ пашэ щыхъуа, лъэпкъыр зэрыгушхуэ щIэблэхэм ящыщ Къалмыкъ Тамерлан, нэгъуэщIхэми. Хабзэ хъуауэ, адыгэм и дэтхэнэ гуфIэгъуэми и кIэух уджымкIэ пшыхь гуапэр зэхуащIыжащ. Къызэхуэсахэр Сэхъурокъуэ Хьэутий ехъуэхъуащ Дунейпсо Адыгэ Хасэм и тхьэмадэу зэрыхахыжамкIэ. Уэрэдхэр, хъуэхъухэр, усэхэр, лъэпкъ къафэхэр, макъамэхэр куэду щызэхэухуэна концерт щIэщыгъуэр кърихьэлIахэм ягу дыхьэнтэкъэ?! ЗэрытщIэщи, къафэмрэ макъамэмрэ бзэ хуэныкъуэкъым. Лъэпкъ фащэ да-хэкIэ зэщыхуэпыкIа, къафэхэр пылъхьэншэу зыгъэзащIэ, дыкъэзыгъафэ, дыкъэзыгъэудж ди къэфакIуэ Iэзэхэм я утыку итыкIэм хэплъагъуэрт лъэпкъым къыдекIуэкI хабзэ дахэхэр. ЗэфIэкI ин зыбгъэдэлъ, адыгэбзэр екIуу зыгъэбзэрабзэ, гукъыдэжрэ дэрэжэгъуэрэ къыдэзыт артист пашэ-хэм, уэрэджыIакIуэхэм уащыкIэлъыплъкIэ наIуэт адыгэ лъэпкъыр дызэрымыкIуэдыжынур, дяпэкIи дызэрефIэкIуэнур, кIуэ пэтми зэрызыдужьынур. Махуэшхуэ концертым зыкърагъэхьэлIащ КъБР-м и Парламентым и УнафэщI Егоровэ Татьянэ, Къэбэрдей-Балъкъэрым и Iэтащхьэм и Администрацэм и УнафэщI Къуэдзокъуэ Мухьэмэд, министрхэм, республикэм и къалэ, район администрацэхэм я Iэтащхьэхэм, ирагъэблэгъахэм. КъищынэмыщIауэ, пшыхьым къекIуэлIащ Къэрэшей-Шэрджэс, Адыгэ республикэхэм, хамэ къэралхэм щыпсэууэ махуэшхуэр Хэкужьым щызыгъэлъэпIэну, ди зэкъуэтыныгъэр, зэкъуэшыныгъэр нэхъри зыгъэбыдэну хущIэкъуа ди лъэпкъэгъухэр. Источник: riakchr.ru
Получайте свежие новости на электронную почту
Комментарии