Актуально Врач рассказала, кому категорически противопоказан кофеин Актуально В КЧР определили победителя регионального этапа Всероссийского конкурса »Учитель года России» - 2024 СКФО 1,4 млн тонн ставропольской сельхозпродукции продали за рубеж в 2023 году СКФО В Дагестане временно закрыли зоопарк из-за отсутствия лицензии СКФО Где поесть том ям в Черкесске

ХАЛКЪНЫ САУЛУГЪУНА КЪАЙГЪЫРА

20.11.2018 362
ХАЛКЪНЫ САУЛУГЪУНА КЪАЙГЪЫРА

Мындан алда Москва шахарда Къарачай-Черкес Республиканы Башчысы Темрезланы Рашидни башламчылыгъы бла эмда Эресейни саулукъ сакълау министри Вероника Скворцованы аманаты бла, аны биринчи орунбасары Татьяна Яковлева, Эресейни Саулукъ сакълау министерствосуну болгъан департаментлерини тамадалары да къошулуб, кенгеш бардыргъанды.

Анда сёз Къарачай-Черкесияны «Саулукъ сакълау» деген миллет проектге кийириуню юсюнден баргъанды. Ол ишге къошулгъанланы арасында Къарачай-Черкесиядан Федерацияны Советини члени Салпагъарланы Ахмат, вице-премьер Джанибек Суюнов, Къарачай-Черкес Республиканы Москвада дайым тургъан келечиси вице-премьер Мадина Гогова, саулукъ сакълауну министри Шаманланы Казим, регионда тамырлагъа (сосудлагъа) къарагъан аралыкъны тамадасы Темрезланы Марат болгъандыла.

Кенгешни кёзюуюнде Саулукъ сакълау министерствону департаментлерини тамадалары, бизни республикада саулукъ сакълау ишлени не джаны бла да этген джумушларына толу анализ этиб, иги багъа берилгенди. Аны тышында да ала миллет проектде «Саулукъ сакълау» бла «Демографияда» орун алгъан бир къауум проблеманы оноуу этилирге кереклисин да айтхандыла.

Татьяна Яковлева белгилегенден, эндреуюк (декабрь) айны аягъына дери регионну энтда да къошакъ заявкала берирге мадары барды. Ол кенгешни кёзюуюнде дагъыда, миллет проектге кирмей къалгъан, айтылгъан проблемаланы юсюнде, талай затны аманат этгенди. Ала асламсына республикада саулукъ сакълауну объектлерин ремонт этерге, заманны излемине джууаб берген джангы оборудование бла баджарыргъа, тау джерледе орналгъан медицина учреждениелеге джангы санитар машинала берирге аталгъандыла. Ол дагъыда Къарачай-Черкес Республиканы Башчысы Темрезланы Рашидни тилегин толтура, Къарачай-Черкесияны 100-джыллыкъ юбилейине хазырланыугъа джоралаб, медицина учреждениелени, республикада болмагъан, амалсыз керекли джангы объектлерин ишлерге болушлукъ кереклисин айтханды.

«Бютеулей бизни тюбешиуюбюзню магъаналы ётгеннге санайма. Биз бюгюн сюзген, оноуун этген затланы кючюнден аллыбызда юч джылны ичинде саулукъ сакълау, аны бла биргелей республика ёсерикди. Нек десек, «Саулукъ сакълау» миллет проектни тамалында этиллик ишле адамны саулугъу бла, джашауу бла байламлы болгъанлары ючюн, бек багъалыдыла», - дегенди, кенгешни ахыр эсеблерини юслеринден айта Темрезланы Рашид.

Эресейни саулукъ сакълау министрини биринчи орунбасары Татьяна Яковлева Къарачай-Черкес Республиканы Башчысы Темрезланы Рашидни региондан теджелген хар затны иги тинтиб къараргъа керекди, деб теджеген оюмун бек магъаналыгъа, хайырлыгъа санагъанды.

«Аллай сынамны къралны башха регионлары да алыргъа керекдиле. Бютеулей айтсакъ, Къарачай-Черкес Республиканы саулукъ сакълау системасы, бюгюн биз айтхан затла да ары кириб, бирча ёсюб барады. Ол зат республикагъа, Эресей Федерацияны Президенти В.В.Путинни адамны джашау ёмюрюню, аны саулугъуну юсюнде айтхан затларын джашауда толтурурча мадар береди. Биз адамны саулугъун иги, сабий ёлюмню аз этер джанындан ишлегенлей турлукъбуз»,- дегенди журналистлеге кенгешни ахыр эсеблерин чыгъара Татьяна Яковлева.

362 просмотров


Комментарии

Написать
Комментарии >



Подписывайтесь на RIAKCHR в Одноклассниках Получайте свежие статьи и новые публикации на свой мобильный
Вступайте в сообщество RIAKCHR в “ВКонтакте” Получайте свежие статьи и новые публикации на свой мобильный
Вступайте в сообщество RIAKCHR в “Telegram” Получайте свежие статьи и новые публикации на свой мобильный