Актуально Рашид Темрезов провел рабочую встречу с управляющим Карачаево-Черкесским отделением ПАО «Сбербанк России» Зауром Джазовым Актуально В КЧР определили лучшего учителя родного языка и литературы Актуально Глава КЧР Рашид Темрезов вручил ключи от 19 новых пассажирских автобусов Актуально «Россети Северный Кавказ» на 7,7 % улучшили платежную дисциплину потребителей электроэнергии в КЧР Актуально В ФСБ России по КЧР рассказали как распознать телефонных злоумышленников 

ХАЛКЪНЫ ИЗЛЕМИН ДЖАКЪЛАЙДЫ

21.12.2018 311
ХАЛКЪНЫ ИЗЛЕМИН ДЖАКЪЛАЙДЫ

Мындан алда Къарачай-Черкес Республиканы Башчысы Темрезланы Рашид башчылыкъ этиб, бизни республиканы келечилери «Бирикген Эресей» политика партияны XVIII-чи съездине баргъандыла.

Анда озуб баргъан джылны ахыр эсеблери, регионлада сайлау кампанияла къалай ётгенлери, партияны 2019-чу джылгъа ёсюмюню мадарлары белгиленнгенди.

Къарачай-Черкесиядан баргъан келечилени къурамына, регионну тамадасы - «Бирикген Эресей» партияны Баш Советини члени башчылыкъ этиб, КъЧР-ни Халкъ Джыйылыууну (Парламентини) Председатели Александр Иванов, республикада Парламентни депутатлары, партияны КъЧР-де регионал толтуруучу комитетини башчылыгъы, сайланнган делегатла, партияны джергили бёлюмлерини секретарлары кирген эдиле.

Къарачай-Черкесиядан баргъанла съездни ишине тири къошулгъандыла. Ала ушакъ этген площадканы форматыны программа форумунда болгъандыла. Ол «Экономика роста», «Качество жизни», «Городская среда и чистая страна», «Развитие сельских территорий» деб, партияны джашаугъа кийирирге деген программаларына аталыб бардырылгъанды.

Съездни ишине партияны къурагъан, «Бирикген Эресей» партияны Председатели, Эресей Федерацияны Президенти В.В.Путин, къралны Премъер-министри Дмитрий Медведев къошулгъандыла.

Къралыбызны Президенти В.В.Путин «Бирикген Эресей» партияны, Эресейни тарих къадарында уллу джууаблылыкъ джюрютгенин чертгенди.

«Бизни программабыз Эресей Федерацияны Президенти В.В.Путинни указына кёре къуралгъанды. Андан сора Правительство хазырлагъан миллет проектлени тамалында ишлейди. Аны регионал болгъаны, ишни кёбюсю Эресей Федерацияны регионларында этилгени ючюндю. «Бирикген Эресей» болушмай, регионал, ол къой эсенг муниципал дараджада мийик джетишимле боллукъ тюлдюле. Биз аны ангылаб, сезиб, бир муратланы, борчланы толтура, бир джыйынча ишлерге керекбиз», - дегенди В.В. Путин.

Андан сора Владимир Владимирович «Бирикген Эресей» бюгюнлюкде, къралны энчилигин бегите, экономикасын ёсдюре, миллет проектлени джашаугъа кийире уллу ишле бардыргъанын айтханды.

«Бирикген Эресейни» съезди бара тургъан джыл «Обновление» деген ат бла бардырылгъанды. Партияны членлери этген оюмдан, анда политика фикирлени, мадарланы, амалланы, ишни магъанасын иги джанына тюрлендирирге керекди, деб ангыларгъа боллукъду. Къралыбызны Президенти В.В. Путин оюм этгенден, ол тюрлениуле партияны позицияларын бегитирге мадар берликдиле, адамланы ышанмакълыкъларыны дараджасын кёлтюрлюкдюле.

Съездни пленар кенгешинде къралны Правительствосуну Председатели Дмитрий Медведев сёлешди. «Бирикген Эресей» къралны баш политика кючюча, Эресейни ёсюмюне кючюнден келгенни этерге хазыр болгъанын айтды.

«Бирикген Эресей» халкъны кёбюсюню партиясыды. Миллет муратланы ёсдюрюуде, алагъа джашауда орун алдырыуда баш орунда болургъа тыйыншлыды. Ол зат бизге, уллу политика кюч болуб, онг береди, джууаблылыгъыбызны да талай кереге кёлтюреди. Партия къралыбызны, аны джамагъатыны асламысыны стратегия излемине кёре ишлейди», - дегенди Эресейни Премьер-министри.

Партияны этген джетишимлерини кючю аны политика фикирлени джангыртыб тургъанынданды, джамагъатны излемине кёре, аны тюрлениуюнденди.

Пленар кенгешни ахырында къралны Президенти В.В. Путин партияны башламчылыгъын джакълагъанды. Анда Баш партия школ болургъа кереклисини, партияны членлерине излемни къаты этерге тыйыншлысыны хакъындан дагъыда башха затланы юслеринден айтылгъанды.

311 просмотров


Комментарии

Написать
Комментарии >



Подписывайтесь на RIAKCHR в Одноклассниках Получайте свежие статьи и новые публикации на свой мобильный
Вступайте в сообщество RIAKCHR в “ВКонтакте” Получайте свежие статьи и новые публикации на свой мобильный
Вступайте в сообщество RIAKCHR в “Telegram” Получайте свежие статьи и новые публикации на свой мобильный