ХЪАКЪВПЩ ИГОРЬ КIАРА ЙПА

Апрель а 13 сквш 57
дыртата адуней йхIваджьтI
КЧР-ла гIатгара змаз акъра-
льыгIва къвырльыкъвхара
анхагIвы, Зеленчук йгьи
Уарп районква райсра
комиссариат йаунашва-
чпагIвыз аподполковник
ХЪАКЪВПЩ Игорь КIа-
ра йпа.
Хъакъвпщ Игорь асквш
1960, декабрь а 21 Гвым
кыт апны дйытI. Акыт акв-
танай апхьарта дангIалга
Рязань йхIаракIу айсра
автомомбиль-инженер
училища дыцIалтI. Айсра
ъачIвагIа гIалызхыз агвым
чкIвын аучилища дангIал-
га Украина, Николаев го-
род йаныргIалыз апра-
порщикква ъадрыхIазыр-
уаз архъв къвырльыкъв-
хара дырщтитI. Ауаъа авзвод
дакомандирта акъвыр-
льыкъвхагIвчва айсра ав-
томобиль уысква йырзи-
бжьун, арыпхьара уыс-
ква дахIврала йакIвйыр-
шун. Хъакъвпщ Игорь
асквш 1990 агIан хъахча-
рала СССР а-Министер-
ства ащаквыргылрала Ли-
вия уагIахъа гIарып къраль
гIвысквшала къвырльыкъв-
хара дырщтитI. Ауаъа йборч
йырхъйата дангIахъын-
хIвых, КъарчачкIвын рай-
он айсра комиссариат ауна-
швачпагIв дицхърагIагIв
ахIбата анхара джвыкви-
цIатI. УадыргIвана Усть-
джьгваты район айсра
комиссариат йгIвбахауа
ахъвшара даунашвачпа-
гIвын. Хъакъвпщ Игорь ХIа-
баз йгьи Зеленчук рай-
онква рпны айсра комис-
сариатква йнапIыцIата
чкIвыныргIа къвырльыкъв-
хара йызшIытрала акъра-
льыгIва уысква акIвйыр-
шатI.
Асквш 2009 йгIашIа-
рышвта Зеленчук йгьи
Уарп районквала айсра
комиссариат даунашва-
чпагIвта йыхъвдаквыз ахачIв-
ква дахIврала йырхъйун.
АуагIа йырзаргваныз,
йырцхърагIуз, гIвычIвгIвы-
сагIара нкъвызгуз Хъакъвпщ
Игорь дъанхалакIгьи акъ-
ральыгIва уысква гвыхътIы-
ла йъайырхъйуз, чкIвы-
ныргIа рпатриот бжьара
къару ду ъалайцIуз ры-
хъазла КЧР а-Правитель-
ства, КЧР АуагIа Айззара
(а-Парламент) а-Прези-
диум, КЧР айсра комис-
сариат рчIахIра грамо-
таква, Россия Абджьар
Къаруква р-Профсоюз
а-ЧIахIра диплом гIайкв-
надыргатI, амедалькви
аорденкви йщардан.
ЧкIвыныргIа къвыр-
льыкъвхара йызшIытра
сквшы гIважва йазынхаз
Хъакъвпщ Игорь КIара
йпа йпсра хIгвы йыцIалтI,
йцрикви йаргванкви ргвакъв-
пра рыцагIвхIшауата хIрыц-
джьабитI.