СКФО В Северной Осетии в 2024 году появятся прямые авиарейсы в Нижний Новгород СКФО Сельхозкооперативы в КБР набирают популярность Актуально Региональный этап Всероссийской олимпиады по истории российского предпринимательства прошел в КЧР на базе КЧГУ Актуально Глава КЧР Рашид Темрезов в Приэльбрусье встретился с активистами Общероссийского движения детей и молодежи «Движение Первых» Актуально Глава КЧР Рашид Темрезов в Тырныаузе КБР принял участие в открытии Дворца культуры им. Кайсына Кулиева

КЕсПИлИК УсТалыКлаРыН КоЬРсЕТТИлЕР

30.10.2018 378
КЕсПИлИК УсТалыКлаРыН КоЬРсЕТТИлЕР
17 октябрьде Карашай-Шеркеш Республикасында сакат эм савлык болымлыклары кемшиликли болган яс аьдемлердинъ арасында кеспилик усталык бойынша «Абилимпикс» деген миллет чемпионатынынъ регионлык кезуьви озды. Сынаслар 10 майданда «Поварлык ис», «Кондитерлик ис», «Сварка технологиялары», «Электромонтаж», «Парикмахерлик оьнершилик», «Баслангыш класслардынъ окытувшысы», «Енъил автокоьликлерди ремонтлав эм канагатлав», «Экономика эм бухгалтерлик эсаплав», «Ис тигуьвши» («Портной»), «Сетьлик эм системалык администрациялав», «Увак мойшаклар ман оьрнеклев» («Бисероплетение»), «Художестволы тигуьв» деген 12 кеспи бойынша оздылар. Сынасларды озгарув майданлары: индустриял-технологиялык колледжи, индустрия, тамакланув, туризм эм сервис колледжи, педагогикалык колледжи, коьп йоьнелисли технологиялык колледжи эм Г.Д.Латокова атлы мектеп-интернаты болдылар. Регионлык чемпионатта 67-ден артык студент эм окувшы катнастылар. Айтып озайык, конкурстынъ мырады сакат эм савлык болымлыклары кемшиликли яс аьдемлерди кеспилик туспарлав, куллыкка орынластырув, ямагатшылык арасында социокультуралык праволарын беркитуьв болады. «Баслангыш класслардынъ окытувшысы» кесписи бойынша сынаслар бу йылда биринши кере оздылар. Конкурсты озгарув уьшин Умар Хабеков атлы Карашай-Шеркеш педагогикалык колледж белгиленди. Онда колледждинъ студентлери катнастылар. Регионлык чемпионаттынъ торжестволы ашылувы колледждинъ йыйылыслар залында окытувшылардынъ эм студентлердинъ катнасувы ман озды. Конкурстынъ бес катнасувшысы класстан тыскары деристи озгарувда, интерактивли тактады кулланув ман кеспилик эсапларды бардырувда усталыкларын коьрсеттилер. Конкурстынъ катнасувшыларына дерислерди озгарувда волонтерлар – колледждинъ студентлери ярдам этип турдылар. Оларга белгиди экспертлер – Черкессктинъ 3 номерли орта мектебининъ директорынынъ окытув-тербиялав бойынша орынбасары Т.В.Исаева эм педагогикалык колледждинъ окытувшысы И.Г.Трофименко берип турдылар. «Конкурста меним кыймасым Мёлек Токова катнасады. Ол билимли, йигерли кыз. Ол оьзин конкурста тийисли коьрсетип билеегине сенемен. Сосындай сынаслар болаяк окытувшыларга сулып йыювда бек керек, деп ойлайман», – деп боьлисти ойлары ман конкурс басланаяктан алдын колледждинъ 4 курсынынъ студенткасы волонтер ногай кыз Залина Казбулатова. «Буьгуьн бизим колледжде айлак маьнели амаллама озады. Конкурс специалистлерди эм исши кадрларды сапатлы, савдуныялык оьлшемлерге туспарланып аьзирлевдинъ ийги амалы болады. Мен конкурска аьзирленуьвде ярдам эткенлердинъ баьрисине де муьсиревимди билдиремен, а конкурстынъ катнасувшыларына етимислер сагынаман», – деди колледждинъ очнолык боьлигининъ методисти Аминат Ануаровна Карасова. Конкурста катнаскан кызлардынъ психоэмоционаллык аьллерин ийгилендируьв мыратта, айырым ярастырылган класста тренинг-коьнигуьвлер озгарылдылар. Сондай болып, конкурстынъ калыбында сынаслардынъ катнасувшылары уьшин «Поющая гитара», «Бес такыйкадынъ ишинде уьйретеекпен» деген мастер-класслар, куллык беруьвшилердинъ катнасувы ман «Аьлиги замангы билимлендируьв туьзилисинде инклюзивли билимлендируьв» тема бойынша «тоьгерек стол» оздылар. «Баслангыш класслардынъ окытувшысы» кеспи бойынша конкурслык программа сав куьннинъ бойында болды. Амалламадынъ торжестволы ябылувында конкурстынъ енъуьвшиси аталды. А енъуьвши деп колледждинъ 4-нши курсынынъ студенткасы, амалламадынъ баьри катнасувшыларынынъ уьйкен суьювине тийисли болган Мёлек Токова танылды. Сол куьн конкурс озгарылатаган баьри майданларда енъуьвшилер белгилендилер. Эм энди олар Москвада 2018 йылдынъ 20 ноябриннен 23 ноябрине дейим озаяк «Абилимпикстинъ» 4-нши Миллет чемпионатында Карашай-Шеркеш Республикасынынъ йыйылма командасынынъ туьзилисинде катнасаяклар. Р.НАЙМАНОВА. дуРбатлаРда: амалламадан коьринислер
378 просмотров


Комментарии

Написать
Комментарии >



Подписывайтесь на RIAKCHR в Одноклассниках Получайте свежие статьи и новые публикации на свой мобильный
Вступайте в сообщество RIAKCHR в “ВКонтакте” Получайте свежие статьи и новые публикации на свой мобильный
Вступайте в сообщество RIAKCHR в “Telegram” Получайте свежие статьи и новые публикации на свой мобильный