Актуально Как защитить свои данные на Госуслугах от мошенников СКФО Школа креативных индустрий появится на Ставрополье СКФО Началось строительство школы программистов у озера Ак-гель СКФО В Северной Осетии в 2024 году появятся прямые авиарейсы в Нижний Новгород СКФО Сельхозкооперативы в КБР набирают популярность

КЕЛИСУЬВГЕ КОЛ БАСЫЛГАН

03.10.2016 1459
КЕЛИСУЬВГЕ КОЛ БАСЫЛГАН

Сочиде XV Халклар ара инвестициялык форумда «Социаллык тармакты инвестициялав агентствосы» коммерциялы болмаган автономлы организациясы эм Карашай-Шеркеш Республикасынынъ басшылыгы ара биргелес ислесуьв акында эки яклы келисуьвге 30 сентябрьде КЧР Басшысы Рашид Темрезов эм «Социаллык тармакты инвестициялав агентствосы» АНО-дынъ толтырувшы директоры Илья Ковалев кол бастылар.

Договордынъ шартлары ман келисте, КЧР-ды социал-экономикалык оьрлендируьвге каратылган проектлерди таралтув уьшин оьзлик нвестицияларды Агентство тартаяк.

Рашид Темрезов белгилегенинше, республикада соцаллык инфратуьзилисти оьрлендируьвге уьйкен эс бериледи эм сосы тармакты яхшыландырувга каратылган биргелес ислесуьв регион уьшин айлак маьнели. «Социаллык инфратуьзилисти оьрлендируьв – Карашай-Шеркеш Республикасы уьшин уьстинликли эсаплардынъ бириси. Агентство ман биргелес ислесуьвдинъ ийги якларын биз коьремиз, биргелес куллык оьз емисин береегине эм республика уьшин маьнели бир кесек проектлерди таралтпага амал береегине, сенимлимен», – деди регионнынъ Басшысы Рашид Темрезов.

Оьз кезуьвинде Илья Ковалев пайдалыгын беркиткен «Янъы тезлик эм арт таслагысыз ярдам» проект (оьзлик инвестор «тезлик ярдам» автопаркты оьз акшасына янъыртады эм транспортлык борышларды оьзине алады) акында хабарлады. Сосы проект пен Рашид Темрезов кызыксынган.

Социаллык инфратуьзилисти янъыртув бойынша проектлерди туьзуьв, оькиметлик-оьзлик партнершылык негизинде Россия Федерациясынынъ субъектлерининъ социаллык тармагына бюджеттен тыскары финанслав булакларын тартувга себеп этуьв Агентстводынъ бас эсаплары боладылар.

1459 просмотров


Комментарии

Написать
Комментарии >



Подписывайтесь на RIAKCHR в Одноклассниках Получайте свежие статьи и новые публикации на свой мобильный
Вступайте в сообщество RIAKCHR в “ВКонтакте” Получайте свежие статьи и новые публикации на свой мобильный
Вступайте в сообщество RIAKCHR в “Telegram” Получайте свежие статьи и новые публикации на свой мобильный