КаРлав ТУЬзИлИс КУРылады

Домбай курорт поселогында Мусса-Ачитар тав бавырында искусстволы карлав туьзилисин курув белсинли тезлик пен бардырылады. Оны 2018-2019 йыллардынъ тав-лыжа шагынынъ алдында кулланувга беруьв планланган. Эсинъизге салайык, Домбай поселогынынъ МуссаАчитар тавынынъ бавырында сув йолларынынъ биринши шеретин курув бойынша куллыклар бардырыладылар. Соьле инженерлик инфратуьзилислик объектлери курыладылар. Сув ман канагатлав туьзилисин туьзуьв эм оны МуссаАчитар тав бавырын карлаяк алат-садак пан байланыстырув курортта тав-лыжа тебуьв болжалын уьш айга оьстирмеге, тав-лыжа йолларын артыгырак онъайлы этпеге амал береек. Коьрсетилген тав бавырда сув ман канагатлав туьзилисин туьзуьв бойынша куллыклар «Эко-курорт Кавминводы», Карашай-Шеркеш Республикасы туристрекреациялык кластерди туьзуьв» инвестициялык проект бойынша таралтылатаган «Русская Поляна» янъы субкластерин туьзуьв бойынша амалламалардынъ калыбында федераллык бюджеттинъ эм яналас финанслав шартлары йорыгында республикалык бюджеттинъ акша амаллары аркалы бардырыладылар. Оьзлик инвестордынъ акша амаллары аркалы «Русская поляна» конагуьй комплексининъ курылысы басланган, ол 166 орынга карарланган. КЧР Басшысынынъ эм Правительствосынынъ пресс-службасы