Карашай-Шеркеш Республикасы Кардынъ Савлайдуныялык куьнин белгилевге косылды. Озган юмада Домбай курорт поселогында 300-ге ювык бала эм ясы уьйкенлер КЧР ден карувлык культура эм спорт министерствосы уйгынлаган спорт-коьлемлик амалламаларында катнастылар. Аьдеттегинше, тав лыжа спорты, фристайл, сноуборд бойынша сынаслар Мусса-Ачитара тавында оздылар. Оннан баска болып, Кардынъ Савлайдуныялык куьнин белгилев программасына туьрли викториналар, шаналарда кыдырув, аркан тартысув эм оьзге кызыклы амалламалар кирдилер. Байрамда тек республикамыздынъ яшавшылары тувыл, туристлер де катнастылар. Амалламады уйгынламага ерли эпшиллер де демевлестилер. Айтпага, «Старый Домбай» конагуьйлер комплексининъ басшылыгы байрамнынъ катнасувшыларына баргылар токтастырды. Оннан баска болып, Россиядынъ спорт эм КЧР ден карувлык культура эм спорт министерстволарыннан балалар арасында енъуьвшилер эстеликли савгалар алдылар, а ясы уьйкенлер арасында енъуьвшилерге ети куьнге «Старый Домбай» комплексине путевка берилди. 23-25 январьде «Архыз» курортында Кардынъ Савлайдуныялык эм Россиялык студентлигининъ куьнлерининъ калыбында туьрли байрам амалламалары озгарылаяклар. Амалламаларды «Керуьв Кавказдынъ курортлары» АО-сы КЧР туризм эм яс-явка, КЧР ден карувлык культура эм спорт министерстволарынынъ демеви мен уйгынлаяк. «ПикЭкспириенс» эм «Трамплин-1650» компаниялары амалламадынъ партнерлары боладылар. Источник: riakchr.ru Предыдущая новость 1756 просмотров Следующая новость Читайте также ШЫНТЫСЫ МАН ЭРЛИКТИ КОЬРСЕТКЕН 10.02.2022 190 КЕСПИЛИК БАЙРАМГА - КУТЛАВЛАР ЭМ САВГАЛАР 05.07.2019 246 Получайте свежие новости на электронную почту Подписаться Комментарии Написать
Комментарии