КЧР Басшысы Рашид
Темрезов муниципал калаларынынъ
эм районларынынъ
басшылары
ман йыйылыс озгарды.
Республикадынъ Басшысы
соьле уьстинликли
миллет проектлерди
таралтувда республикадынъ
катнасувы бойынша
бардырылатаган куллыктынъ
маьнелигин
белгиледи. «Муниципаллык
туьзилис – сосы куллыктынъ
маьнели кесеги,
неге десенъ ден савлыкты
саклав, билимлендируьв,
йол эм коммуналлык инфратуьзилисти
оьрлендируьв
тармакларында
шешпеге керек маьселели
соравлардынъ бас кабаты
эне сол ерли оьлшемде
йыйылган. Миллет проектлердинъ
программаларында
катнасув уьшин 1
декабрьге дейим косымша
ойларды йибергендей
бизде амал бар», – деди
республикадынъ Басшысы
эм муниципал туьзилислерининъ
басшыларына
сосы куллыкка белсинли
кириспеге тапшырды.
Администрациялардынъ
басшылары йылувлык
беруьв шагы калай
басланганы эм Кала, авыл
юртларды ярастырув йылынынъ
калыбында белгиленген
амалламаларды
таралтувдынъ барысы
акында Рашид Темрезовка
билдирдилер.
Получайте свежие новости на электронную почту
Комментарии