ХIара хIъабзазауа акъраль – Россия Федерация апны адемократ хабзаква багъьата йщаквгылитI, РФ а'Конституция апны йгIарбу агIвычIвгIвыс йхвитнагIаква хчара рымапI, ауагIа ргвы йту рхIварныс, ртахъыраква гIадырбарныс, ргIальаматраква йрызгылырныс, руагIахъара рхчарныс, рыбызшвала йыршIыйарныс йахвитпI. ЙагIвсыз асквшква руацIала, акъраль шабгула апшта, хIреспублика апынгьи псахра щарда ншатI. Ауаса ауагIахъаква ргIвычIвгIвысагIа, ркърар зынгьи йгьырчвымдзтI. ХIабадучва тынха пшдзата йхIызгIаныржьыз айгвари ацацхърагIари апсахра бзиква йрыщатапI. Аквымшвараква гIалазгарныс зтахъыз рхъамабзира ладзцыракIгьи йшахвмыз гIазгвынгIвыз ауагIаква рыцIагьи багъьата тшадыркIылын, рапхъахьыла йрызпшуа адахIвра бзиква йырзычIвырхъитI. Зыбызшваквала йапшым ауагIаква азаджв азаджв йкультура хвы азыбара ъацIасу хIышта апны
агвыргъьахъвква пшдзата йацнардаситI, ацацхърагIара йгьи акъыльаквшвара пшвымапI. ХIреспублика апны бызшвала йапшым гIвыджь тгIачва шIа ангIандыршауа агIаншараква щардахитI, ауыгьи акъыльаквшвари амамыри йрыквшахIатпI. Ауи йапшу атгIачва йгIарыцIагылыз асаби гIвбызшвакI, гIвкультуракI дрынкъвгагIвхитI, гIвуагIахъакI драдкIылыгIвта далитI. «Заджвгьи йхъазы дгькъалахум» –ахIвитI ажважв. АуагIахъаква рмурад аназакIхауа, азхъацIара рызбжьата йанбзазауа агIан акIвпI дара йырчIву закIгьи дымрыдзуата апхъала йчIвырхъарныс анрылшауа. Источник: riakchr.ru
Комментарии