Иджыблагъэ КъЧР-м и Правительствэм и тхьэмадэщIэ зэрытрагъэхьам къыдэкIуэу, хабзэм ипкъ иту, зэрахъуэкIащ Правительствэм хэтхэр, министрхэр. Апхуэдэ зэхъуэкIыныгъэхэр лъэIэсащ КъЧР-м промышленностымкIэ, транспортымрэ энергетикэмрэкIэ и министерствэми. Республикэм и цIыхубэ хъыбарегъащIэ Iэмалхэм я журналистхэм япэ зэIущIэ иджыблагъэ ядригъэкIуэкIащ министрыщIэм—Аргун Мурат Олег и къуэм. Мурат Олег и къуэр 1982 гъэм къыщыхъуащ Хьэбэз районым, Куэш-Хьэблэ къуажэм. Ищхьэ щIэныгъэ иIэщ. Экономист IэщIагъэр щызригъэгъуэтащ Ставрополь къэрал университетым «Финансы и кредит» и къудамэм икIи 2005 гъэм къиухащ университетыр. АдэкIи и щIэныгъэм пищащ, зригъэужьащ и зэфIэкIхэм. УФ-м и Правительствэм деж щыщыIэ финанс университетым щеджащ 2013-2014 гъэхэм. IэщIагъэлIхэм я зэфIэкIхэм зегъэужьынымкIэ программэ хэха иджащ. 2005-2006 гъэхэм Урысей армэм къулыкъу щищIащ. Зыщылэжьар: 2006-2007 гъэхэм—«Россельхозбанк» ОАО-м, кредит зыт къудамэм и экономисту; 2007-2015 гъэхэм—«Хьэбэз жыпс завод» ОАО-м, зыгъэзащIэ унафэщIу; 2011 гъэм «Урысейм и хыхьэхэкIым щылажьэ щIалэгъуалэ» ассоциацием и пашэ хъуащ. Унагъуэ ищIакъым. Аргун Мурат и IэнатIэщIэм зэрытехьэрэ махуэ бжыгъэщ текIар, абы къыхэкIыу иджыри псори щызу зэригъэцIыхун хущIыхьакъым, езым и псалъэр къызэрыригъэжьамкIэ. Абы ипкъ иткIэрэ, кIэщIу къытеувыIащ дяпэкIэ министерствэм и гулъытэр нэхъ зыхуэунэтIауэ щытыну лъэныкъуэхэр. —2016 гъэм щегъэжьауэ къару игъуэтынущ дзейуэ зэгухьэу проектхэр гъэкIуэтэным теухуа федеральнэ хабзэм. Абы республикэм и зыужьыныгъэмкIэ мыхьэнэшхуэ иIэнущ, сыту жыпIэмэ инвестицэ хэлъхьэныгъэхэм къыдэкIуэу проектыщIэхэр лэжьэнущ, къалэныщIэхэр гуэщIа хъунущ. Псалъэм и жыIэгъуэкIэ, иджыкIэ проект гъэщIэгъуэн, фейдэ, сэбэп къэзыхьыну 20-м нэсым ди нэIэ тету догъэкIуатэ. Мэкъумэш хъызмэтми и проектыфIхэр яхэтщ абыхэм. Зэхэдгъэуващ инвестицэ Iуэхухэм щхьэпэну дорожнэ картэри. Абы иджыри делэжьыжынущ, дызэчэнджэщынущ. Транспортым, гъуэгу хъызмэтым я гугъу пщIымэ, нэхъ гулъытэ зыгъуэтыпхъэу къыдолъытэ цIыхухэр къешэкIыныр и кIэм нэсу тыншу къызэрызэмыгъэпэщар. Апхуэдэу, Хьэбэз, Къэрэшей районхэм, гулъытэншэу къэдгъэнэнукъым Адыгэ-Хьэблэ районри. Республикэм и экономикэ щытыкIэм емылъытауэ, гъуэгу хъызмэтым фIыуэ зиужьу жыпIэ хъунущ. ДяпэкIи а лэжьыгъэр къызэтедгъэувыIэнукъым. Делэжьынущ Черкесск-Хьэбэз гъуэгум, Хьэбэз-Архъыз федеральнэ мыхьэнэ зиIэу щытыну гъуэгу къызэдгъэпэщынущ. А лэжьыгъэр дяпэгъэ едгъэжьэну къдолъытэ. ЦIыхухэр, къуажэхэр, къалэхэр хуабэкIэ, уэздыгъэкIэ тыншу къызэгъэпэщын лэжьыгъэри ди нэIэм щIэдгъэкIынукъым. ФIыуэ заужь МФЦ-хэм. Ар Iэмал тыншщ цIыхухэмкIэ. Зы щхьэгъубжэм деж я дэфтэрхэр иратри, я хуэIухуэщIэ, коммунальнэ, нэгъуэщI Iуэхухэр псори щызэфIокI. Нэхъыбэ дыдэу зы тхьэмахуэщ ихьыр сыт хуэдэрей Iуэхууи щрет, нэхъ зэхэщIыхьа дыдэми,—жиIащ министрым. Журналистхэм упщIэ зыбжанэ иратащ Аргун Мурат. Министрым зэрыжиIащи, мнистерствэм щылэжьа гупыр и лэжьыгъэм, м къалэнхэм хуэфэщэжу къызэрилъытэм къыхэкIыу, иджыкIэ кадрхэм зэрихъуэкIын и гугъэкъым. Ядищтащ хыхьэхэкIым хыхьэ щIалэгъуалэр лъэпощхьэпохэм зэрыпэщIэхуэр. Апщыгъуэми абыхэм я нэхъыбэр езыхэм Iуэхум тыншу зэрыхамыцIыхукIым къызэрыхэкIыр. Мис апхуэдэхэм япыщIауэ щытынри, ядэлэжьэнри дяпэкIи зэпигъэунукъым министрым. Источник: riakchr.ru
Иджыблагъэ КъЧР-м и Правительствэм и тхьэмадэщIэ зэрытрагъэхьам къыдэкIуэу, хабзэм ипкъ иту, зэрахъуэкIащ Правительствэм хэтхэр, министрхэр. Апхуэдэ зэхъуэкIыныгъэхэр лъэIэсащ КъЧР-м промышленностымкIэ, транспортымрэ энергетикэмрэкIэ и министерствэми. Республикэм и цIыхубэ хъыбарегъащIэ Iэмалхэм я журналистхэм япэ зэIущIэ иджыблагъэ ядригъэкIуэкIащ министрыщIэм—Аргун Мурат Олег и къуэм. Мурат Олег и къуэр 1982 гъэм къыщыхъуащ Хьэбэз районым, Куэш-Хьэблэ къуажэм. Ищхьэ щIэныгъэ иIэщ. Экономист IэщIагъэр щызригъэгъуэтащ Ставрополь къэрал университетым «Финансы и кредит» и къудамэм икIи 2005 гъэм къиухащ университетыр. АдэкIи и щIэныгъэм пищащ, зригъэужьащ и зэфIэкIхэм. УФ-м и Правительствэм деж щыщыIэ финанс университетым щеджащ 2013-2014 гъэхэм. IэщIагъэлIхэм я зэфIэкIхэм зегъэужьынымкIэ программэ хэха иджащ. 2005-2006 гъэхэм Урысей армэм къулыкъу щищIащ. Зыщылэжьар: 2006-2007 гъэхэм—«Россельхозбанк» ОАО-м, кредит зыт къудамэм и экономисту; 2007-2015 гъэхэм—«Хьэбэз жыпс завод» ОАО-м, зыгъэзащIэ унафэщIу; 2011 гъэм «Урысейм и хыхьэхэкIым щылажьэ щIалэгъуалэ» ассоциацием и пашэ хъуащ. Унагъуэ ищIакъым. Аргун Мурат и IэнатIэщIэм зэрытехьэрэ махуэ бжыгъэщ текIар, абы къыхэкIыу иджыри псори щызу зэригъэцIыхун хущIыхьакъым, езым и псалъэр къызэрыригъэжьамкIэ. Абы ипкъ иткIэрэ, кIэщIу къытеувыIащ дяпэкIэ министерствэм и гулъытэр нэхъ зыхуэунэтIауэ щытыну лъэныкъуэхэр. —2016 гъэм щегъэжьауэ къару игъуэтынущ дзейуэ зэгухьэу проектхэр гъэкIуэтэным теухуа федеральнэ хабзэм. Абы республикэм и зыужьыныгъэмкIэ мыхьэнэшхуэ иIэнущ, сыту жыпIэмэ инвестицэ хэлъхьэныгъэхэм къыдэкIуэу проектыщIэхэр лэжьэнущ, къалэныщIэхэр гуэщIа хъунущ. Псалъэм и жыIэгъуэкIэ, иджыкIэ проект гъэщIэгъуэн, фейдэ, сэбэп къэзыхьыну 20-м нэсым ди нэIэ тету догъэкIуатэ. Мэкъумэш хъызмэтми и проектыфIхэр яхэтщ абыхэм. Зэхэдгъэуващ инвестицэ Iуэхухэм щхьэпэну дорожнэ картэри. Абы иджыри делэжьыжынущ, дызэчэнджэщынущ. Транспортым, гъуэгу хъызмэтым я гугъу пщIымэ, нэхъ гулъытэ зыгъуэтыпхъэу къыдолъытэ цIыхухэр къешэкIыныр и кIэм нэсу тыншу къызэрызэмыгъэпэщар. Апхуэдэу, Хьэбэз, Къэрэшей районхэм, гулъытэншэу къэдгъэнэнукъым Адыгэ-Хьэблэ районри. Республикэм и экономикэ щытыкIэм емылъытауэ, гъуэгу хъызмэтым фIыуэ зиужьу жыпIэ хъунущ. ДяпэкIи а лэжьыгъэр къызэтедгъэувыIэнукъым. Делэжьынущ Черкесск-Хьэбэз гъуэгум, Хьэбэз-Архъыз федеральнэ мыхьэнэ зиIэу щытыну гъуэгу къызэдгъэпэщынущ. А лэжьыгъэр дяпэгъэ едгъэжьэну къдолъытэ. ЦIыхухэр, къуажэхэр, къалэхэр хуабэкIэ, уэздыгъэкIэ тыншу къызэгъэпэщын лэжьыгъэри ди нэIэм щIэдгъэкIынукъым. ФIыуэ заужь МФЦ-хэм. Ар Iэмал тыншщ цIыхухэмкIэ. Зы щхьэгъубжэм деж я дэфтэрхэр иратри, я хуэIухуэщIэ, коммунальнэ, нэгъуэщI Iуэхухэр псори щызэфIокI. Нэхъыбэ дыдэу зы тхьэмахуэщ ихьыр сыт хуэдэрей Iуэхууи щрет, нэхъ зэхэщIыхьа дыдэми,—жиIащ министрым. Журналистхэм упщIэ зыбжанэ иратащ Аргун Мурат. Министрым зэрыжиIащи, мнистерствэм щылэжьа гупыр и лэжьыгъэм, м къалэнхэм хуэфэщэжу къызэрилъытэм къыхэкIыу, иджыкIэ кадрхэм зэрихъуэкIын и гугъэкъым. Ядищтащ хыхьэхэкIым хыхьэ щIалэгъуалэр лъэпощхьэпохэм зэрыпэщIэхуэр. Апщыгъуэми абыхэм я нэхъыбэр езыхэм Iуэхум тыншу зэрыхамыцIыхукIым къызэрыхэкIыр. Мис апхуэдэхэм япыщIауэ щытынри, ядэлэжьэнри дяпэкIи зэпигъэунукъым министрым. Источник: riakchr.ru
Получайте свежие новости на электронную почту
Комментарии