Мэкъуауэгъуэм (июным) и 15-м Къэрэшей-Черкес Республикэм и Iэтащхьэ къалэнхэр зыгъэзащIэ Темрезов Рэшид IущIащ «Меркурий-Агро» ООО-м и президентым и чэнджэщэгъу Дер Вячеслав.
ЗэIущIэм хэтащ КъЧР-м и ЦIыхубэ ЗэIущIэм (Парламентым) и тхьэмадэ Иванов Александр.
Урысей Федерацэм и Федеральнэ ЗэIущIэм ФедерацэмкIэ и Советым аграрнопродовольственнэ политикэмкIэ, щIыуэпсыр къэгъэсэбэпынымкIэ и Комитетым Къэрэшей-Черкесым и зыгъэзащIэ властым къыбгъэдэкIыу хэта Дер Вячеслав хабзэкъэгъэщI Iуэхухэм купщIафIэу зэрыхуэлэжьам и щIыхькIэ Темрезов Рэшид фIыщIэ ин къыхуищIащ.
ИкIи, Урысей Федерацэм и Федеральнэ ЗэIущIэм ФедерацэмкIэ и Советым и пашэ Матвиенко Валентинэ и унафэкIэ, «Урысей Федерацэм и парламентаризмэм зегъэужьынымрэ федеральнэ хабзэхэр егъэфIэкIуэнымрэ илъэс куэдкIэ пэжагъ хэлъу, псэемыблэжу и гуащIэр зэрыхуигъэтIылъам и щIыхькIэ» ФIыщIэ тхылъыр Темрезов Рэшид Дер Вячеслав хуигъэфэщащ.
Комментарии