Черкесск город апны спорт гимнастикала КЧР апхъагылара анкъвакъвра акIвшатI. Ауи «Деловая Россия» жвлара организация йахъыцIыз ажвыхв сквша йазынархата йадыргалтI. Анкъвакъвра апхьарта йыцIамылс асабиква йгьи йжвбахауа акласс апхьагIвчва йрыуата 250$гIв райхIа алан. ХымшкI йакIвшаз анкъвакъвра ацIыхъвагIарбараквала асабигIзарта йцауа аспортсмен хвыцква руацIала ХIАЧВЫКЪВА МухIамад дапхъагылагIвхатI. ДАГВЫНА Амир йгIвбахауа агыларта гIатигатI. МАМХЬАГI Виталий – йхпахауа.
Йапхъахауа акласс йгIалгаз асабиква руацIала ЙУАН Мусса апхъагылара йкIытI. АНДРОНОВ Арсений – йгIвбахауа, ТОХЧУКОВ Айдемир – йхпахауа.
РыцIа йахIбу асабиква руацIала спорт гимнастикала хIреспубликала йапхъагылагIвхатI Бьюков Азамат, Хвби Рустам, Урумов Леон, Орешков Кирилл, Макеев Максим. ЙгIвбахауа агылартаква гIатызгаз йрыуапI Жиронкин Дима, Дудинов Илья,Адзын Адам,Бурлаков Амин.
Анкъвакъвра асудьяква рщаквыргылрала йхпахауа агылартаква рквнадыргатI Байчоров Джамал, Лефтеров Николай, Гвана Мурат, Даутов Ренат. Аспорт амастерра акандидат программала йакIвшаз анкъвакъвра йшгIанарбазла ДАГВЖВЕЙ Шамиль дапхъагылагIвхатI. ГЕЛАДЗЕ Файк йгIвбахауа агыларта йквнадыргатI.
Спорт гимнастикала хIреспублика апхъагылара анкъвакъвра адызгалыз «Деловая Россия» жвлара организация КЧР-ла ахъвшара агIащтийыгIвчва асабиква йрайхIвахIвтI, агылартаква гIатызгаз акубокква, амедальква, ачIахIра грамотаква, ачвахъабага согIаква рырттI.
Комментарии