СКФО В Северной Осетии в 2024 году появятся прямые авиарейсы в Нижний Новгород СКФО Сельхозкооперативы в КБР набирают популярность Актуально Региональный этап Всероссийской олимпиады по истории российского предпринимательства прошел в КЧР на базе КЧГУ Актуально Глава КЧР Рашид Темрезов в Приэльбрусье встретился с активистами Общероссийского движения детей и молодежи «Движение Первых» Актуально Глава КЧР Рашид Темрезов в Тырныаузе КБР принял участие в открытии Дворца культуры им. Кайсына Кулиева

ГЪЭЛЪЭГЪУАПI УТЫКУ

07.10.2016 1879
ГЪЭЛЪЭГЪУАПI УТЫКУ

Москва къалэм иджыблагъэ къыщызэIуаха «Дыщэ бжьыхьэ» мэкъумэш гъэлъэгъуэныгъэм, сыт щыгъуи хуэдэу, хэтщ Къэрэшей-Черкес Республикэм икIа гупыр. Абы хэтщ КъЧР-м и Iэтащхьэмрэ и Правительствэмрэ я Администрацэм и унафэщI Салпагаров Елдар, КъЧР-м Правительствэм и тхьэмадэм и япэ къуэдзэ Байчоров Елдар, мэкъумэш предприятэ инхэм я унафэщIхэр.

Гъэлъэгъуэныгъэр къызэIуихащ УФ-м и Правительствэм и Тхьэмадэ Медведев Дмитрий. Абы зэрыжиIамкIэ, ди республикэм и мэкъумэш хъызмэтым ирагъэгъуэт федеральнэ дэIэпыкъуныгъэр дяпэкIи щыIэнущ.

— Къэралым къелъыта псори тщIэнущ дяпэкIи дэIэпыкъуэгъу дыфхуэхъунымкIэ. Экономикэ щытыкIэ хьэлъэм емылъытауэ, илъэс къакIуэ фIэрыдгъэхьэну бюджет дэIэпыкъуныгъэр дгъэнэIуагъэххэщ. Къыхэгъэщыпхъэщи, мэкъумэш хъызмэтым щымыхъукIэ, къудамэ псоми федеральнэ дэIэпыкъуныгъэу яIэрыдгъэхьэфынур дгъэмэщIащ, — жиIащ Медведев Дмитрий.

Къэрэшей-Черкес Республикэр «Дыщэ бжьыхьэ» гъэлъэгъуапIэ утыкум ихьащ инвестицэ проектищкIэ. Ахэр хэгъуэгум и зыужьыныгъэм, хамэ къэрал продукцэр щIыпIэм къыщыщIагъэкIымкIэ зэхъуэкIыным тегъэпсыхьащ.

Гъэлъэгъуэныгъэм хэтхэр щагъэгъуэзэнущ «Хаммер» фирмэм егъэщIылIауэ яухуэ купсэм. Абы и лэжьыгъэр теухуащ жылапхъэфIхэр къэгъэщIынымрэ хъумэнымрэ. Купсэм хэтщ гуэдз хъумапIи 6, гуэдз гъэгъущыпIэ-лъэщапIэ. ЖыIэпхъэщи, апхуэдэ гъунэгъу республикэхэм щыIэкъым, ди деж щымыхъукIэ. ИджыкIэ гектар 850-м къыщагъэкI иужькIэ жылапхъэфIхэр къызыпахыну мэкъумэш къэкIыгъэхэр. Мы гъэм и бжьыхьэм япэ жылапхъэ тонн мини 3-м елэжьынущ. 2017 гъэм и вэн-сэным ехъулIэу Къэрэшей-Черкесым и мэкъумэшыщIэхэм уасэ нэхъ мащIэкIэ яIэрыхьэнущ япэ жылапхъэфIхэр. КъинэмыщIауэ, зэгурыIуэныгъэхэр дащIащ гъунэгъу хэгъуэгухэм.

Купсэм и къару щызу лэжьэн щIидзэнущ 2018 гъэм. Абы къыдэунэхунущ лэжьапIэщIи 152-рэ.

«Дыщэ бжьыхьэ»-м и утыкум щагъэлъэгъуэнущ «Южнэ» комбинатым и зэгъэзэхуэжыныгъэ, ухуэныгъэщIэ проектри.

Гъэлъэгъуэныгъэм хэтхэм нэIуасэ зыхуащIыфынущ хэгъуэгум и Iэщхъуныгъэм. Байчоров Елдар къызэрытепсэлъыхьащи, Къэрэшей-Черкесым и щIыуэпсыр хьэлэмэту тегъэпсыхьащ лыпхъэ Iэщхъуныгъэм. 2012 гъэм щегъэжьауэ республикэм гуащIафIэу щыпхырагъэкI лыпхъэ Iэщхъуныгъэм теухуа программэхэр.

1879 просмотров

Читайте также



Комментарии

Написать
Комментарии >



Подписывайтесь на RIAKCHR в Одноклассниках Получайте свежие статьи и новые публикации на свой мобильный
Вступайте в сообщество RIAKCHR в “ВКонтакте” Получайте свежие статьи и новые публикации на свой мобильный
Вступайте в сообщество RIAKCHR в “Telegram” Получайте свежие статьи и новые публикации на свой мобильный