Енъуьв куьнине аьзирленип

26 апрельде Правительство Уьйинде КЧР Басшысы Рашид Темрезовтынъ басшылавы ман «Енъуьв» уйгыншылык комитетининъ йыйылысы озды. Онынъ куллыгында республикамыздынъ йогары власть органларынынъ элшилери, министрлер, кала эм районлар администрацияларынынъ басшылары, туьрли ведомстволардынъ яваплы кисилери катнастылар. Кыралымыздынъ энъ маьнели эм кие байрам- ларынынъ бириси Уллы Енъуьвдинъ 72 йыллыгына дейим санавлы куьнлер калып турылар. 9 май куьнинде аьр россиялык субъектинде эм яшарлык юртында эстеликли байрам амалламалары озаяклар, а аьр аьелде фронтка кеткенлерди эм кайтпаганларды эскерееклер, эм, элбетте, ветеранларга берк ден савлыкты сагынаяклар, деди КЧР Басшысы Рашид Темрезов. КЧР Басшысы Россия Президенти Владимир Путиннинъ басшылавы ман озган «Енъуьв» савлайроссиялык уйгыншылык комитетининъ йыйылысында токтаслар акында айтты. Олар эки йоьнелислер бойынша болдырылады- лар. Бириншилей Экинши дуныялык кавга акында тарыйхлык дурыслыкты саклав эм коршалав бойынша, экиншилей, аьр ветеран, Уллы Аталык кавгасынынъ катнасувшысы акында каьр шегуьв эм адресли ярдам этуьв. Оькиметимиздинъ Президентининъ тапшырувлары аьр кайсымыздынъ куллыгында маьнели орынды тутпага кереклер, деп билемен, деди Рашид Темрезов. Республикамыздынъ етекшиси Уллы Енъуьвдинъ 72 йыллыгына багысланган республикалык амалламалар планын кенъейтпеге ой берди. Рашид Темрезов КЧР Правительствосына ямагатшылык, ветеранлар эм патриотлык организациялар ман бирге Карашай-Шеркеш ерининъ яшавшыларын пат- риотлык тербиялав аьрекети бойынша узак болжаллы планын ярастырмага тап- шырды.Тарыйхлык эстеликти саклав, аркаданаркага еткеруьв уьшин бизде бай маданият, билдируьвлик мырсатлар бар. Бу куллык аьр дайым толтырылмага тийисли, деди КЧР Басшысы. Р.Темрезовтынъ белгилевинше, кавгадынъ аьр катнасувшысы, сол куьнлердинъ шаатыол тири эстелик. Соннан себеп Енъуьв куьнине баьри ветеранларга кутлавлар эм савгалар берилееклер. КЧР Басшысы аьр ветераннынъ уьйининъ касында терек экпеге ой этти. Оннан баска ол аьр яшарлык юртты байрамша ярастырмага, баьри эстеликлердинъ, мемориаллардынъ тоьгерегин тазаламага эм ярастырмага тапшырды. Йыйылыста Черкессктинъ мэри Р.Тамбиев Енъуьв куьнинде республикалык орталыгында кайдай амалламалар озгарылаягы, кала калай ярастырылатаганы, «Эстелик иргеси», «Арт санав» саьати аьрекетлеп баслаягы эм оьзге амалламалар акында хабарлады. КЧР ден савлыкты саклав министри Казим Шаманов ветеранларга кайдай медициналык ярдам этилетаганы, уьйлеринде медициналык аьжетсизлев болдырылатаганы акында айтты. КЧР ис эм социаллык оьрленуьв министрининъ орынбасары Фатима Хубиева Уллы Аталык кавгасынынъ катнасувшыларына этилетаган социаллык демев акында билдирди. Ф.Хубиевадынъ айтувынша, сондай эс этуьвде тыл куллыкшылары да керексинетаганлары акында айтты. Рашид Темрезов кала эм район администрацияларынынъ басшыларына ветеранларга эм тыл куллыкшыларына тийисли ярдам этпеге, аьр ветеранды уьйлеринде йокламага, байрам ман кутламага тапшы- рув этти. Республикамыздынъ Басшысынынъ айтувынша, «Енъуьв» уйгыншылык ко- митетининъ куллыгы 9 май байрамыннан сонъ да бар- дырылмага тийисли.